Ibrani 10:22 - Allah Wene Hurumbik Keron

²² Ari halug, nit ninindi seberoho wilil, wene du demat ulug ebetuk nisalug, Aren nit dag suruk ahe ulug ninahla buruk aheon epmano ho ninabeheg, eke ninebe ik sabele elehon etno fam kume war ninabeheg suruk ari famen, nit ninindi fanoroho At Allah ambeg waharuk amuk-o.

Ibrani 10:22 ပူးပေါင်းရင်းမြစ်များ

Matius 3:11

Eke anden hinindi wereg amag ulug ikma belap hinaptuk ahion oke, eke At an nombolim waruhuon etno, At suon an doron ulug iog eset Aren angge walug lao ari an nakol-o. At etno­wen Roh Kudus og hisaruk wilil, hondok ambulpul neken hinobam belabik waruhu-o.

Lukas 1:1

Nare Teofilus wai. Yiroho diroho nit ninim wilil sirision epmano it ninen almen atogma inilanggen harusareg, yig isil nuruk atusa-o.

Yohanes 3:5

eke At Yesus etnowen yig ituk wilil, “Ari halug, An wene demat urukon etno yig hisamin-o. Ap misig ik fam inim, Roh Kudus fam inim endag atuk eleg halug, At Allah weregma kuk ari hai-o.

Yohanes 8:9

Holal baltuk heheg, Aren yig isebahon etno inesanggo holtuk apareg, it inanggohon epmano bilin wilip aheg, eke it nin fobik wilip aheg suruk apag, obog sohorep isalug wilip apag. Wilip atuk apagma, At Yesus hwe minduhupfebahon etno inim inakeleg-at welapag.

Kisah Para Rasul 22:16

Ari halug, nit kidia keroho ulug bok welamul-o? Hat hebe kidia minatuk apmihinmu, ikma belap habikon-o. Ari haren At Yesus inuk waruk wilil, dag suruk atikinon epmano sohorep isalug, hindi dahon ho habukag ulug ikma belap habikon-o,’ ulug at Ananias etnowen yig nitisi,” ulug eke at Paulusen yig isarisi.

Kisah Para Rasul 8:21

Hindi undama At Allah il fam dag suruk ahenon epmano wereg heheg, niren suruk aheon etno At Allahen og hirikon fug-o.

1 Korintus 6:11

Eke hit nin ariroho dag suruk atikibon oke, eke At Allahen Ninowe Yesus Kristus inuk fam At Roh Kudus etno og hisaruk wilil, hinindimu dag suruk atikibon epmano ho hinabeheg, eke hinebe Aren angge ulug akeleg-at hinombisahakeg, eke alem dahon hinobam werehon epmano hinili oko elehepfeheg suruk atisi-o.

2 Korintus 7:1

Eke ari fam, nit ninebe inim, ninindi inim sabele neken denggelepatehe ha nowen ulug ninonggarehen ho saruk amuk-o. Eke ariroho suruk wilil, At Allah ninakoltoho ninobabut fano mondog welamuhuken ulug suruk amuk-o.

Efesus 3:12

Eke nit At Kristus ninim wilil, At obam ebetuk nisalug, ninakol elegsoho wilil At Allah apma waharuk ahe-o.

Efesus 5:26

it inebe ik etno fam ho inaptuk apareg, At Allah udaki inakeleg-at welamag ulug At awene etno yig isaruk wilil inakeleg-at fuloko imbisebag-o.

Efesus 6:5

Eke hit ap inanggimbu ari, it ap hiniknisi etno hinakoltoho wilil inune holtuk amuk-o. Eke hit At Kristus anggimbu welahep etno hag, hinindi seberoho wilil, it hiniknisi inune holtuk amuk-o.

1 Timotius 4:2

Eke it ap ariroho yanggul isarukon ari inebe inenggal urukon weregma, inindimu alem dahon etno inonggarehen hele homagsaruk-o.

Titus 3:5

Eke nit fano suruk nisalug, ninili warisi fug-o. Aren ahmu nisaruk wilil, Roh Kudus fam ninindi ho ninaptuk atisireg, ninindi werehep nisaharisi-o.

Ibrani 10:1

Eke it Yahudi aben wene duroho suruk amuk eke duroho suruk am fug ulug ebahon etno fobik suhuon ilitoho neken-at ebahon oke, ebe demat fano inaptukon neken eleg-o. Eke yi angge di angge Allah ake ulug umburukon ari, tahun nintul nantul suruk wilil, ilikia hupmu-at umburukon oke, ari fam it aphe At Allah ake imbik waharukon epmano fam inindi fano inaptuk eleg-o.

Ibrani 10:19

Nomini-o, At Yesus etno nit ninake warapareg fam, nit o misig inuk Mondog Usabaharik welapag etno hag werehon etno fam kukag ulug ninasok hut nisebag-o.

Ibrani 11:28

Eke at etno indi demat ulug ebetuk wilil, esoho Paskah esebukon etno esetuk amuk-o, ulug abug selegmarepfuruk apareg, at aphe war inaptukon malaikat etnowen it Israel aphe inudaki manggia endohowon epmano war inabuk nowen ulug, hinibam o sok eleke wam amep are siuk-o, ulug yig isebag.

Ibrani 12:24

Eke misig, At Yesusen wene hurumbik keron yig nisaruk wilil, At Allah ninim dambuksoho ninombisahabahon etno inim, eke At amep deloko embebahon etno inim wereg ambeg waharikip-o. Ariroho waharikibon oke, at Habel amep etnowen wene dahon-at yig hisaruk heheg, At Yesus amep etnowen hag wene fanowon-at yig hisaruk-o.

Ibrani 4:16

Ari halug, nit ninoag weregsoho welamuk-o. Ariroho wilil, At Allahen ninabua nisaruk ambeg epma-at laruk amuk-o. Ariroho laruk nisalug, fanoroho yalmag ninabukag ulug ahmu nisawon etno inim, eke ninabua nisawon etno inim obog-at heag sahuk-o.

Ibrani 6:11

Eke hit hinarug fanoroho suruk ahebon etno mondog-at suruk amag ulug ninindi hisaruk wilil yig hisehe-o. Eke hit hinarug fanoroho suruk hisalug, hiren fanowon og nisahu ulug hinahla buruk ahebon etno og hisahu at-o.

Ibrani 7:19

Ariroho hai apag famen, onggo Aren fano ninabuhu-o ulug wene fanowon etno-at yig nisaruk wilil, og ninaplug At Allah wereg ambeg horogsoho neken ninombisaharuk-o.

Ibrani 9:10

Eke ik orom du nao usa ano, eleg ano, ulug urukon etno inim, eke yi angge di angge obog usaroho suruk wilil ho suruk amuk urukon etno inim, ari ahap selemon ahut neken-at yig nisaruk-o. Eke At Allahen wene hurumbik keron etno awan yig isaruk eleg heheg, hurumbik bilinon etno ahut neken-at yig nisebag-o.

Ibrani 9:19

Ariroho dambultuk apahon etno at Musaen wene duroho suruk amuk eke duroho suruk am fug ulug ebahon etno fam it aphe obog-at yig isaruk apareg, wam sapi udag amep etno ik inim dambuksoho umbulug, utdet hahon etno fam yuhuloko walug, wene duroho suruk amuk eke duroho suruk am fug ulug ebahon helep fam holal baleg etno obam inim, it aphe inobam inim obog-at deltuk apag.

Yakobus 1:6

Eke hit sembahyang uruk wilil, “Og niruhu ano, og niruhu fug ano?” ulug hinindi ebereheg eleg-at welahep ari sohorep isalug, “Og niruhu at-o,” ulug hinindi ebetuk amuk-o. Eke at ap misig indi demat ulug ebetuk elehon ari, e moron hiahneyen yahuk korlag suruk etno ilitoho wereg-o.

Yakobus 4:8

Eke hit hinebe At Allah hinim welamuog ulug ambeg horogsoho laruk amiek-o. Hit dag suruk ahebon halug, hininggik sabele ho simiek-o. Eke hit hinune hinenggal-at uruk ahebon halug, sohorep isaruk amiek-o.

1 Petrus 1:2

At Allahen indi bulug fuloko hinombisaharisi etno, At Allah Roh Kudusen hinindi fano hinabukag ulug, At Yesus Kristus une holtuk hisalug, At amep fam ho hinaptisi-o. Eke kidia At Allahen ahien hinobam umburuk amag ulug sembahyang uruk ahi-o.

1 Petrus 3:21

Eke amuk iken war inabuk nowen ulug inili webag etno hag, kidia ikma belap hinaptuk ari fam hinili waruk-o. Ari hinebe finggi etno eleg amag ulug ikma belap hinaptuk eleg-o. Hinindi Allah hinim hunduhuk wilil, hinobabut fanowon-at welamag ulug ikma belap hinaptuk-o. Ikma belap hinaptukon alem ari, At Yesus iluksoho minduhupfebag etno fam ikma belap hinaptuk-o. Eke At Yesus iluksoho minduhupfebagma,

Wahyu 1:5

Eke At Yesus Kristus wene demat urukon etno yig niseheg, eke it ap o ahik ya da suon epmano Inowe suon welaheg, eke Amloho manggia neken it warehon imbisaruk ambehen iluksoho minduhupfebahon etno ahien hinobam umburuk-o. Eke At Yesus etno nit ninebe indi hunduhuk wilil, ninake waratuk apa­reg, niren dag suruk aheon epmano ninobam ninapelegsoho Aren apma ninombisahabag-o.