Ibrani 10:14 - Allah Wene Hurumbik Keron

¹⁴ Ari halug, At Kristus etnowen misihim-at Allah ake embebareg fam, Aren it aphe dag surukon etno inindi ho inaptukmu, initog mondog fano welamag ulug imbisebag-o.

Ibrani 10:14 ပူးပေါင်းရင်းမြစ်များ

Kisah Para Rasul 20:32

Eke kidia anden At Allah hinabua hisarukon etnowen hinaso welamag ulug At apma hinombisaharuk ahi-o. Ariroho hinombisaharukmu, eke Aren hinindi oag werehep hisaharuk wilil, At udaki ahien isaruk etno hag, hit ariroho-at ahien hisahu-o.

Kisah Para Rasul 26:13

Eke o ilingge bul kwalema waharukmu, boholmen o seleg misig mo il yatukon etno ilitoho fug oke, o seleg akelehon neken at, it an ninim waharukukon epmano obog ninobam belabik waharukmu harukuk-o. Ariroho belabik waharukmu haruk atukukseg,

Roma 15:16

it aphe bilin Allah wene inapeleg welatuson epmano yig isawag ulug At Yesus Kristus anggimbu neken minduhup naharisi-o. Ariroho minduhup naharisireg fam it aphe bilin wene inapeleg welatuson epmano anden Allah wene fanowon etno yig isaruk wilil, it epmano At Roh Kudusen inindi yabuk suruk halug, At Allah il fam inobabut fano amag ulug neyabuk suruk ahi ari, it ap Allah unde epmanowen bilin Allah ake fanoroho umburuk apag epmano hag suruk ahi-o.

1 Korintus 1:2

Eke hit Allah udaki o Korintus welahebon du At Allahen At Yesus Kristus inuk fam hinakeleg-at hinombisahakeg, eke At Allah udaki wilil hinakeleg welamuhuben ulug wol hiseheg suruk atision etno hit inim, eke it yi aphe di aphe ninim obog-at Ninowe Yesus Kristus inuk suontepfuruk aheon etno inim, wene holal du baloko hinombisaharuk ahe-o.

Efesus 5:26

it inebe ik etno fam ho inaptuk apareg, At Allah udaki inakeleg-at welamag ulug At awene etno yig isaruk wilil inakeleg-at fuloko imbisebag-o.

Ibrani 10:1

Eke it Yahudi aben wene duroho suruk amuk eke duroho suruk am fug ulug ebahon etno fobik suhuon ilitoho neken-at ebahon oke, ebe demat fano inaptukon neken eleg-o. Eke yi angge di angge Allah ake ulug umburukon ari, tahun nintul nantul suruk wilil, ilikia hupmu-at umburukon oke, ari fam it aphe At Allah ake imbik waharukon epmano fam inindi fano inaptuk eleg-o.

Ibrani 10:10

Eke At Yesus Kristus etno At Allahen du suhu ulug ahla bebahon etno ilitoho suruk wilil, At ebe nit obog ninonggo inggik misihim-at Allah ake ombatebag etno fam, niren dag suruk aheon epmano sohorep isalug, ninindi ho ninaptuk-o.

Ibrani 10:12

It apheyen dag surukon epmano eleg amag ulug At Kristus etnowen misihim-at Allah ake ombataruk wilil, aphe obog inonggo baltuk apareg, At Allah inggik bikit fil horie ik lahabag-o.

Ibrani 13:12

Ariroho sebag etno hag, At Yesus etno At amep fam it aphe dag surukon epmano ninindi ho ninabiog ulug At ebe lehet selema fil-at warapag-o.

Ibrani 2:11

Eke Aren nit dag suruk aheon etno ninindimu ho ninaptuk ari famen, At etno inim eke nit dag suruk nisalug ho ninaptision etno inim, obog-at nit Ninikni At ebe misig-at wereg-o. Nit Ninikni misig-at wereg ari famen, At Yesus etnowen it du An nomini at-o, ulug yig nisawon fano enggali elegsoho-at yig nisaruk-o.

Ibrani 7:19

Ariroho hai apag famen, onggo Aren fano ninabuhu-o ulug wene fanowon etno-at yig nisaruk wilil, og ninaplug At Allah wereg ambeg horogsoho neken ninombisaharuk-o.

Ibrani 7:25

Eke At ebe etno itog mondog wilil, kidia inim, fobik inim, it aphe inili wiog ulug og inaplug At Allah ambeg imbisa laheg, eke inake At Allah obam kino yig ereheg suruk wilil, ebe mondog iluk welaruhu-o.

Ibrani 9:10

Eke ik orom du nao usa ano, eleg ano, ulug urukon etno inim, eke yi angge di angge obog usaroho suruk wilil ho suruk amuk urukon etno inim, ari ahap selemon ahut neken-at yig nisaruk-o. Eke At Allahen wene hurumbik keron etno awan yig isaruk eleg heheg, hurumbik bilinon etno ahut neken-at yig nisebag-o.

Ibrani 9:14

Eke At Kristus etno At ahut itog mondog werehon etno fam At ebe Allah ake warariog ulug imig sebag-o. Ari halug, niren usaroho suruk atukukon epmano sohorep isalug, At Allah iluk werehon etno anggimbu wilil At eyabuk-at suruk amag ulug, At Yesus amep fam ninindi horoho ninobabut keron neken ninombisaharuk-o.

Yudas 1:1

An Yudas at Yakobus ot etno, Yesus Kristus anggimbu wilil, holal du umburuk ahi-o. Hit obog At Allahen wol hisebahon etno wene holal du hinombisahaki-o. At Ninikni Allah hit indi hunduhuk wereg halug, At Yesus Kristus etnowen hit bule amburukim ulug sen hinasug wereg-o.