Ibrani 1:4 - Allah Wene Hurumbik Keron

⁴ At Allahen At Amloho etno inuk suon-at soaloko embebag-o. Eke it malaikat etno ininuk doron neken-at soal inapag-o. Ariroho sebag ari fam, At Amloho etno suon wereg heheg, it malaikat epmano doron neken-at wereg-o.

Ibrani 1:4 ပူးပေါင်းရင်းမြစ်များ

Efesus 1:21

Ariroho walug laharuk apagma, At Kristus etno etlema wilil, yi ap di ap suon inim, eke yi ap di ap inoag werehon inim, eke yi angge di angge inuk suon kidia werehon epmano inim, eke fobik welamuhubon epmano inim obog-at At apma wereg isalug, At Inowe suon wereg-o.

Kolose 1:18

Eke it At Kristus awene warukon epmano At ebe neken wereg-o. Eke inungguluag ari At Kristus wereg-o. Eke niniluk atukon etno inim alem At Kristus-at wereg-o. At Amloho manggia etno it aphe warehon wereg ambeg epmanowen minapareg, yi angge di angge obog alem at-at wereg-o.

Kolose 2:10

Eke At ebe selegma apahon etno hit hinim hinindi hunduhuk welahep halug, mondog hiniluk-at welahep-o. Eke At Kristus etno hag, yi angge di angge duma obog At apma-at wereg-o.

2 Tesalonika 1:7

Eke o fanoma ninombisahiog ulug wereg heheg, At Ninowe Yesus boholmen omalaikat oag werehon epmano inim ambik wamuhup-o.

Ibrani 1:9

Eke it fanoroho surukon halug, hahien isaruk ahen-o. Eke it dag surukon halug, hambit isaruk ahen-o. Ari halug, An Hikni Allah etnowen it homini epma sohorep isalug, Hat hag yi angge di angge obog unde welahen etno fam, Hat hahien hahunen ulug, Anden imig haptikik-o,” ulug yig epag.

Ibrani 12:17

Eke at Esau etno fobik nikni ahien nobam umbukag ulug suruk apahon oke, ebe fobikon neken apag etno fam sohorep isebag-o. Ariroho suruk apagma, at etno nin wene ap manggien uruk amon etno keroho holele ulug ioba yatuk wilil, suruk apahon oke, aren bilin sebahon etno alem elehepfukon hai apag etno hit hiniluk-o.

Ibrani 2:9

Isaruk ahe fuhon oke, At Yesus-at ninilanggen haruk ahe-o. Eke At ebe elamna-at it malaikat epmano inapma welamag ulug embebareg fam, At Allahen it yi aphe di aphe obog inabua isaruk heheg, At it inake waramag ulug sohorep isebahon oke, At ebe waratuk wilil yahan wapareg fam, kidia At ebe suon alon werehon-at wereg haruk ahe-o.

1 Petrus 3:22

o boholma lahabareg, At Allah inggik bikit fil wilil, it malaikat inim eke it boholma suon inoag werehon epmano inim Inikni neken wereg-o.