Ibrani 1:3 - Allah Wene Hurumbik Keron

³ Ariroho wal hebag ari, At Allah boholma suon wereg etno hag, At Amloho ilitoho-at wereg-o. Eke At Allah indi ebetuk etno hag, At Amloho ariroho-at ebetuk-o. Ariroho ebetuk wilil, At une oag werehon etno fam o kweanma duma aso wereg-o. Eke Aren nit o kweanma dumen suruk atukukon epmano ho ninaptuk apareg, Allah suon boholma werehon etno inggik bikit fil horie ik lahabag-o.

Ibrani 1:3 ပူးပေါင်းရင်းမြစ်များ

Matius 22:24

“Ninowe yanggul nisarukon wai. At Musa etnowen ari siuk ulug yanggul nisaruk wilil, ‘Ap misig etno uhwe udag endetlug eleg-at suhwe umbulug waratuk halug, at ubulukmu endebukag ulug at ot etno-at holawag-o,’ ulug wene baleg etno fam wereg oke, eke misig du yig himul-o.

Markus 16:19

Yig isaruk apagma, At Ninowe inuk suon Yesus etno At Allahen walug boholma lahabag. Laharuk apareg, At inggik bikit fil epmano horie ebag.

Yohanes 1:14

Eke At Wene etno ebe ap-at endag atuk apareg, aphe obog ninahla sil nuruk wilil, At ebe suon-at welapag etno fam, sukfugangge seheg, eke ninabua seheg, eke demat urukon wene etno yig niseheg surukmu ninilanggen haruk soag-o. Ariroho haruk soag ari, Ikni Allah Amloho misig-at welapag etno ebe suon-at welapag-o.

Yohanes 1:29

Ikma belap isebareg, noholug ilikia at Yohanesen Yesus etno at ambeg waharukmu ilanggen haruk apareg, yig isaruk wilil, “Nit aphe o kweanma duma dag suruk nisalug, ninobam ninapelegsoho apma ninombisahukag ulug At Allahen anggom domba neken og nisarision etno ebe du at-o.

Yohanes 1:4

Wene iniluk amon etno aphe inindimu seleg amag ulug og isebag. Og isebag ari, o seleg etno fam o hikmu yangguk amag ulug og isebag.

Kisah Para Rasul 2:33

Eke At ebe etno Allahen walug inggik bikit fil imbik laharisireg, Roh Kudus og hiruhuk ulug yig epahon etno og itisi-o. Og itisimu, eke Aren og hisahuk ulug ebahon etno ninobam belabik waharukmu hinilanggen haruk ahep-o.

Kisah Para Rasul 7:56

Ariroho weregma isaruk apareg, yig isaruk wilil, “Bohol healeg ambeg lema At Allah Amloho etno Ikni inggik bikit fil inim weregma isaruk ahi-o,” ulug yig isebag.

Roma 1:16

Eke At Allahen oag weregsoho inili wawon wene etno it Yahudi aben bilin eberoko weheg, eke it aphe Allah wene inapeleg welatuson epmanowen fobik eberoko waruk isalug, inili wahu etno fam, At Kristus awene fanowon etno nenggali elegsoho wilil yig isaruk ahi-o.

Roma 8:34

Eke ari halug, ap misihen inoag deloko o dagma imbisahu ano? Ari eleg-o. Eke At Kristus Yesus warapahon oke, fobik iluksoho minduhupfebag etno hag alem suon neken wereg-o. Eke iluksoho minduhupfebareg fam, At Allah inggik bikit fil wereg-o. Ariroho wilil, Aren nit ninake Allah obam sembahyang uruk-o.

2 Korintus 4:4

Eke it ariroho urukon epmano-at o kweanma duma inowe dahon etnowen o hikmu neken imbisaruk halug, iren wene fano wene du demat ulug inindi ebetuk eleg-o. Eke wene fano wene arien At Kristus Allah olohore ilitoho werehon etno-at suon wereg ulug yig nisaruk ari, o seleg neken wereg-o. Eke o seleg etno it aphe demat ulug ebetuk elehon epmanowen inilanggen ha nowen ulug at setanen o hikmu neken imbisaruk-o.

Kolose 3:1

Eke ari halug, At Kristus hinim hinilukep hisaharisireg fam, yi angge di angge boholmon epmano-at heahil laruk amuk-o. Eke At Kristus Allah inggik bikit fil boholma-at horieg wereg etno fam, yi angge di angge boholmon-at ebetuk amiek-o.

Titus 2:14

Nit yi dag di dag suruk aheon epmano onggo baloko ninili weheg, eke it fano mondog suk ulug inahla ebetukon epmano At udaki obog-at welamag ulug ho ninabeheg sukag ulug ninake og nisebag-o.

Ibrani 1:13

Yig ituk apareg, eke At Allahen yig ituk wilil, “E hebe horieg welahenon hapma wereg etno hag, it ap hinim healeg welahebon epmano hiog apma imbisahukon etno aso welaruhunen, Hat hebe ninggik bikit fil duma horie ik ma-o,” ulug it malaikat etno ariroho yig isebag fug.

Ibrani 10:12

It apheyen dag surukon epmano eleg amag ulug At Kristus etnowen misihim-at Allah ake ombataruk wilil, aphe obog inonggo baltuk apareg, At Allah inggik bikit fil horie ik lahabag-o.

Ibrani 12:2

Ariroho suruk wilil, nit ninindi demat ulug ebetuk amuhuken At Yesus ninolohot fil lebahon etno-at ninilanggen fikfag wenaharuk amuk-o. Eke At etno An e fam lenggaloko nowabuhup ulug akolen bok apag fug-o. Eke At etno An fobik nahien anggolo hahuk-o, ulug ahla buruk wilil, e fam lenggaloko waramon etno ari hai ulug ahla ebebuk sohorep isalug fanowon unug epahon etno holaruk apareg, At Allah horieg wereg ambeg inggik bikit fil horieg wereg-o.

Ibrani 4:14

Ari halug, wene demat ulug ebetuk aheon etno fanoroho seneg welamuk-o. Eke bilin At Allah unde suon etno At Allah ibam o baharik undamon etno fam kuruk apag etno hag, At Ninowe Allah unde suon Yesus, Allah Amloho etno At Ikni Allah wereg ambeg epmano-at lahabag-o.

Ibrani 7:27

Eke it ap kweanmon Allah unde suon welapag epmano hag, At Yesus ariroho wereg eleg-o. Eke it ap Allah unde suon werehon etnowen iren dag surukon etno eleg amag ulug bilin Allah ake embeheg, eke it yi aphe di aphe epmanowen dag surukon etno eleg amag ulug fobik Allah ake embeheg nintul nantul suruk etno hag, At Yesus ariroho suruk eleg-o. Eke At ebe etno Allah ake neken wararuhuken ulug onggarehen imig saruk apareg, Allah ake misig etno-at embebag-o.

Ibrani 8:1

Eke wene uruk aheon etno alem du at-o: Nit Ninowe Allah unde suon misig etno At Allah suon alon werehon etno horieg wereg ambeg inggik bikit fil horieg wereg-o.

Ibrani 9:16

Eke yi angge di angge ap misig inggik seneg epmano, ebe awan waratuk eleg heheg, holaruk eleg-o.

Ibrani 9:26

o kweanma duma alem bilin wal hebag etno famen dahon etno obam umburukmu, nintul nantul-at waratlep-o. Ariroho selebon oke, kidia o ebe elehap sukon etno fanggog uruk heheg, At ebe etno misihim-at waharuk apareg, it apheyen dag surukon epmano elehap siog ulug At ebe misihim-at Allah ake ombatebag-o.

1 Petrus 1:21

Belabik wapareg, fobik o aphe warehon wereg ambehen iluksoho ebe suon-at minduhupfebag-o. Hit At minduhupfebahon etno obam ebetuk wilil, At Allahen fobik fanoroho seko ninombisahuku, ulug hinindi ebetuk amuk-o.

1 Petrus 3:22

o boholma lahabareg, At Allah inggik bikit fil wilil, it malaikat inim eke it boholma suon inoag werehon epmano inim Inikni neken wereg-o.

2 Petrus 1:16

Ari halug nomini-o, At Ninowe Yesus Kristus oag werehon waruhu ulug, yig hisaruk ahi etno yi wene di wene inenggal urukon epmano mutlug lawag ulug yig hisaruk ahi fug-o. Nit ninilanggen At Yesus sukfuganggeroho surukmu harukuk-o.

2 Petrus 1:17

Eke At Allahen une oag weregsoho Yesus yig ituk wilil, “An Namloho nindi hunduhukon du nahien hiyihi-o,” ulug yig itukmu ninesanggo holtukuk-o.

1 Yohanes 1:7

At Allah weregsoho o selegma laruk nisalug, ninomini obog ninim dambuksoho welahe-o. Ariroho weregma, eke ninindi dahon At Yesus Allah Amloho amep fam ho ninaptuk-o.

1 Yohanes 3:5

Eke At Kristus mondog dag sebag fuhon oke, nit dag suruk aheon epmano ninapelegsoho apma ninombisahukag ulug kweanma ambik wapag-o.

Yudas 1:25

At Allah ninili warukon etno, At Ninowe Yesus Kristus inim ininuk suontepfuhuk-o. It etno suon-at weregma, inoag weregsoho wilil, inalon werehon-at initog mondog welamuhup-o. Demat yig hisihi-o.

Wahyu 3:21

Eke it inoag weregsoho anduhunmu welamuhubon epmano An kidia Nikni ombandu bikit fil su­on-at welahi etno hag, it epmano og inaplug An nombandu fil welamag ulug suontoho imbi­sahuk-o.

Wahyu 4:11

Umburuk atusareg, di watuk wilil, “Ninikni Allah wa. It aphe obohen Hat hebe wa ulug suontep hahu­kag-o. Eke Haren yi angge di angge obog wal haruk senag etno fam, hahla bulug yi angge di angge obog iniluksoho imbisaruk senag-o,” ulug di misig urukmu isarikik-o.