Ibrani 1:2 - Allah Wene Hurumbik Keron

² eke kidia At Amloho etnowen wene etno yig nisaruk atisi-o. Ariroho yig nisaruk atisi ari, At Allahen Amloho yi angge di angge unde welamag ulug minduhupfebahon etno, At Allahen at inuk fam o ahik ya da wal hebag-o.

Ibrani 1:2 ပူးပေါင်းရင်းမြစ်များ

Matius 13:39

Eke ap etno inim healeg wilil hohol i yapahon etno ari, at iblis ebe-at wereg-o. Weregma, fobik anggen balukon etno fanggog uhumu, it malaikat etnowen anggen baltukon etno hag, anggen baluhup-o.

Matius 17:5

ulug awan yig ituk heheg, hena wikal neken lahaptukon etno sebe inapag.

Matius 21:38

Lahabik waharuk apagma, it ap yabuk ohop isebahon etnowen at ebe inilanggen haruk apareg, wene baltuk wilil, ‘At amloho at ubulukmu unde welariog ulug waha du maniek-o. Yi angge di angge at unde werehon ari nit unde amuhuken ulug warepful-o,’ ulug uruk apareg,

Matius 26:63

At Yesus etno une ilik eleg-at bok apag. Bok apareg weregma, eke fobik at ap Allah unde inowe suon etnowen yig ituk wilil, “Hat hebe Kristus Allah Amloho welahen ano ulug hinog yig hirihi ari, At Allah ilukon etno inuk fam demat yig nisawag ulug yig hirihi-o,” ulug yig ituk apagma,

Matius 28:18

Sembahyang uruk apagma, At Yesus etno it wereg ambeg horogsoho waharuk apareg, yig isaruk wilil, “An nebe etno suon wilil o boholma inim kweanma inim obog-at unde welamag ulug minduhup naharisi-o.

Matius 3:17

Ilang­gen haruk apagma, eke bohol­men une yig ituk wilil, “An Namloho nindi hun­duhuk atma, nindi nahien hihi-o,” ulug yig epag.

Markus 1:1

At Yesus Kristus Allah Amloho etno wene ebe alem du at-o.

Markus 12:6

Ariroho war inaptuk apareg, epmano weregma, at ap yabuk unde etnowen amloho misig-at endohoma indi hunduhuk welapahon etno lahapfiog ulug ahla buruk wilil, ‘An namloho du heahi waroko inuk suontepfuhup hihi-o,’ ulug inambeg lahabik wapag-o.

Markus 12:7

Lahabik wapahon etno waharuk apagma, it at eyabuk warukon epmanowen wene baltuk wilil, ‘At amloho at ubulukmu unde welariog ulug waha du maniek-o. Yi angge di angge at unde werehon ari nit unde amuhuken ulug warepful-o,’ ulug ebag-o.

Yohanes 1:10

Ari fam At Wene etno o kweanma welapag. Ariroho wilil, At Allah inimen o kweanma duma wal hebahon oke, it aphe epmanowen ap du Ninowe ulug inahla buruk apag fug.

Yohanes 1:14

Eke At Wene etno ebe ap-at endag atuk apareg, aphe obog ninahla sil nuruk wilil, At ebe suon-at welapag etno fam, sukfugangge seheg, eke ninabua seheg, eke demat urukon wene etno yig niseheg surukmu ninilanggen haruk soag-o. Ariroho haruk soag ari, Ikni Allah Amloho misig-at welapag etno ebe suon-at welapag-o.

Yohanes 1:3

At Allahen Wene etno sohorep isalug, wal hebag fug, inim-at wal hebag.

Yohanes 13:3

Ariroho indi kahaltuk apagma, eke At Yesus etno ahla buruk wilil, “An noag weregsoho welamag ulug At Niknien yi angge di angge obog-at ninggikmu imbirisi-o. Eke An nebe etno At Allah wereg ambehen ambik waharikik halug, fobik At Allah wereg ambeg-at lahuk-o,” ulug ahla buruk apareg,

Yohanes 13:32

Eke Anden sukon etno fam Allah inuk suontepfukon etno arat selegma aruhu halug, At Allah akelehen Amloho inuk suontepfuruk aruhuk ebahon etno kidia inim-at suontepnahikon-o.

Yohanes 15:15

Eke at ap misig anggimbu epmanowen iniknien surukon epmano inapeleg halug, Anden hit nanggimbu ulug yig hisawon etno sohorep isalug, hit nomini ulug yig hisaruk ahi-o. Eke yi wene di wene At An Niknien yig nitukmu nesanggo holtikikon epmano inim selegma-at bukaloko yig hisaruk atikik-o.

Yohanes 16:15

Eke yi angge di angge obog An Niknien angge epmano Anden angge-at wereg-o. Ariroho wereg halug, At Roh Kudusen wene Anden angge etno yig iruhukmu, Aren yig hisahu-o, ulug yig hisihi-o,” ulug yig isebag.

Yohanes 17:2

Eke An nebe etno it yi aphe di aphe obog-at Inowe suon welamag ulug minduhup naharikinteg fam, Anden it aphe Haren og nitikinon epmano Anden iniluk welamon etno og isiog ulug suruk ahi-o.

Yohanes 3:16

Eke At Allahen it aphe o kweanma duma werehon epmano mondog indi hunduhuk welapag etno fam, At Amloho misig aron oke og isebag-o. Ariroho og isebag ari, it yi aphe di aphe obohen At obam ebetuk isalug, fobik waraheg eleg iniluk mondog welamon etno holawag ulug og isebag-o.

Yohanes 3:25

Belap inaptuk apareg weregma, at Yohanes omini nin epmanowen it Yahudi ap inim winimug apag ari, alem yi angge di angge usaroho ulug ho surukon epmano fam inim winimug apag.

Yohanes 5:26

Eke At Ikni iniluk welamon unde wereg etno hag, At Amloho etno iniluk welamon ari-at unde welamag ulug nobam imbirisi-o.

Yohanes 5:27

Eke An nebe ari Allah Amloho halug, Anden aphe inoag del inabukon etno unde welamag ulug nobam imbirisi-o.

Yohanes 9:29

Ariroho wilil, At Allahen Musa yig epahon etno niniluk-at welahe-o. Eke at ap du hag o epmen waharisi ulug nit ninapeleg-at welahe-o,” ulug yig epag.

Kisah Para Rasul 10:36

Eke At Yesus Kristus yi aphe di aphe obog Ninowe inuk suon etnowen yig nisarukmu, wene fano wene dambuk ninaptukon etno bilin it Israel aphe yig isa waharisi etno hit hiniluk-o.

Kisah Para Rasul 2:17

At Allahen yig isaruk wilil, ‘Anden fobik suhukon etno, Roh Kudus it yi aphe di aphe inobam belabik waruhuk-o. Hit hinudaki ap angge, hweap angge inim Allah wene uruk amuhup-o. It hinudaki elege epmano noho firin-firin neken hahup-o. It hiniknisi inanggohon epmano ini og hahup-o.

Roma 1:4

eke At indi Allah inim welapareg fam, it aphe warehon wereg ambeg epmanowen iluksoho minduhupfebag halug, At Allahen une oag weregsoho yig nisaruk wilil, “Du An Namloho-at-o,” ulug yig nisebag.

Roma 8:17

Eke nit At Allah udaki wereg nisalug, At udaki ahien inobam umbukon etno nit inim-at og nisahu-o. Eke Aren angge At Kristus og iruhuon etno nit inim-at og nisahu-o. Eke At Kristus ninim dahon etno ninobam umburuk isalug, At ninim-at suontep nisaharuk aruhu-o.

1 Korintus 2:7

Eke wene iniluk amon yig isaruk ahion ari, it aphe inilanggen ha nowen ulug bilin At Allahen herako embebag-o. Eke wene ari o kweanma awan wal heheg eleg wilil At Allahen nit suontep nisahiog ulug fuloko embebag-o.

1 Korintus 8:6

Eke Ninowe inuk suon At Yesus Kristus misig-at wereg-o. Eke yi angge di angge epmano obog alem At Yesus-at wereg-o; nit ninebe alem etno At Yesus-at wereg-o, ulug ninahla buruk ahe-o.

Galatia 4:4

Ariroho uruk atukukon oke, eke fobik At Allahen sukon etno fanggog uruk apagma, At Allahen Amloho etno belabik wapag-o. Belabik waharuk apagma, hwe misig amloho neken endag apag-o.

Efesus 1:10

Eke Aren hurumbik dindiloko yig nisebahon etno ilitoho-at suruk aruhu-o. Eke Aren sukon etno arat fanggog ik waharuk aruhumu, yi angge di angge boholma kweanma obog-at wal hebahon epmano At Kristus Ninowe suon welamag ulug dambuksoho ninombisahaku-o.

Efesus 3:9

“At Kristusen yi angge di angge fanowon obog-at og nisaruk-o,” ulug yig isaruk wilil, At Allahen ariroho suhuk ulug wene heraho welapahon etno kidia ilitoho suruk-o ulug it aphe obog demat inahla buruk wilil, inindi ebebukag ulug yig isaruk ahi-o.

Ibrani 1:5

Ari fam At Allahen uruk wilil, “Hat An Namloho-at welahen-o. Hat hebe etno kidia Anden-at endag habihi-o,” ulug it malaikat epmano yig isebag fug-o. Eke At Allahen fobik uruk wilil, “An At Ikni-at welaruhuk-o. Eke At ebe An Namloho-at welaruhu-o,” ulug wene ariroho it malaikat yig isebag fug-o.

Ibrani 1:8

At Amloho etno hag yig ituk wilil, “Hat hebe An Allah ninim misig-at wilil, ilitoho-at welahe etno fam, Hat hebe suon welamon ari mondog-at welaruhu-o. Ari Hat hebe etno yi angge di angge obog unde wilil, fanoroho-at suruk aruhunen-o.

Ibrani 11:3

Eke bohol inim kwean inim At Allahen bilin wene uruk apareg, wal hebahon etno inim, eke Aren wal hebareg fam yi angge di angge haruk ahe fuhon epmanowen eke it yi angge di angge haruk aheon epmano werehepfebahon epmano inim niren demat ulug ninindi ebetuk ahe etno fam niniluk atuk-o.

Ibrani 2:3

Ari halug, nit kidia wene fanowon du ninahap wendatukon etno ebetuk eleg wilil, keroho ninili holalug wilip amuhuk buruk ahep-o? Ari eleg-o. Wene hinili wawon etno du at-o, ulug At Ninoweyen yig isaruk apagma, it nin inindi ebepahonen wene du demat-o ulug nit yig nisebag.

Ibrani 3:6

Ariroho yig isebahon oke, At Kristus etno hag Allah Amloho atma, At ibam unde wilil fanoroho aso wereg-o. Eke nit ninindi oag weregsoho wilil, Aren fanoroho suhu-o, ulug ninindi ebetuk aheon etno hag, At ibam neken welahe-o.

Ibrani 4:14

Ari halug, wene demat ulug ebetuk aheon etno fanoroho seneg welamuk-o. Eke bilin At Allah unde suon etno At Allah ibam o baharik undamon etno fam kuruk apag etno hag, At Ninowe Allah unde suon Yesus, Allah Amloho etno At Ikni Allah wereg ambeg epmano-at lahabag-o.

Ibrani 5:8

Eke At ebe Allah Amloho-at oke, dahon etno obam embebareg fam, alem At Allah une esanggo holtuk amon etno iluk apag-o.

Ibrani 7:28

Eke at Musaen wene duroho suruk amuk eke duroho suruk am fug ulug ebahon etno fam, it ap nin inindi dahon-at oke, Allah unde suon welamag ulug minduhup isebag-o. Ariroho minduhup isebahon oke, at Musaen wene duroho suruk amuk eke duroho suruk am fug ulug ebahon etno bilin ebareg fam, fobik At Allahen Amloho yig ituk wilil, “Hat An ninuk fam demat minduhup hahaki-o,” ulug yig ituk apagma, At etno itog mondog indi fanowon-at wereg-o, ulug yig isebag.

Ibrani 7:3

Ariroho soaleg weregma, at Melkisedek etno ikni isina etamuki ininuk inim, eke at endag apahon etno inim, eke warapahon inim obog ninapeleg-o. Ninapeleg ari famen at ebe Allah amloho ilitoho neken atlug, nintul nantul Allah unde-at wereg-o.

Ibrani 9:26

o kweanma duma alem bilin wal hebag etno famen dahon etno obam umburukmu, nintul nantul-at waratlep-o. Ariroho selebon oke, kidia o ebe elehap sukon etno fanggog uruk heheg, At ebe etno misihim-at waharuk apareg, it apheyen dag surukon epmano elehap siog ulug At ebe misihim-at Allah ake ombatebag-o.

1 Petrus 1:20

At Kristus etno hit hinake-at oag deloko umburuk apareg, fobik kweanma belabik wapag.

2 Petrus 3:3

Eke misig du hit hiniluk amag ulug yig hisaruk ahi-o. Fobik it ap inindien bulug inenggal urukon etno yig hisa wamuhup-o. Yig hisa wamuhupseg, hinahunda yabuog ulug yig hisaruk wilil,

Yudas 1:18

It etnowen wene hurumbik etno uruk wilil, “Fobik hit hinahunda yabuhubon etno waharuk amuhupseg, it inindi dahonen surukon etno-at sil wamuhup-o,” ulug wene hurumbik ebahon etno hit hiniluk-o.