Ibrani 1:14 - Allah Wene Hurumbik Keron

¹⁴ Ari halug, it malaikat etno sa ilitoho wereg buruk ahep-o? It inebe ari, aphe inahut neken wilil, At Allah inuk yig isarukon At anggimbu-at wereg-o. Eke it aphe inili holahubon etno inaso welamag ulug At Allahen-at lahap isaruk-o. Ariroho lahap isaruk halug, it ineyabuk ari-at wereg-o.

Ibrani 1:14 ပူးပေါင်းရင်းမြစ်များ

Matius 1:20

Ahla buruk apareg weregma, eke hubanggo nohorukmu i og haruk wilil, Allah malaikat etno at ambeg waharuk apareg, yig ituk wilil, “Yusuf Daud etamu wai. Huhwe Maria holao hambit ha fug-o. Udag ahumlareg ari, Roh Kudus fam ahumla atisi-o.

Matius 13:41

fobik At Allah Amloho etno waharuk aruhureg, Aren at omalaikat belabik waruhu-o. Belabik waharuk aruhumu, it etnowen o kweanma duma it dag surukon epmano inim, it apheyen dag suruk amag ulug yig isarukon etno inim obog-at baluroho og inaplug,

Matius 18:10

At Yesus etnowen yig isaruk wilil, “An nudaki doron epmano misig hinambit haruk wilil, kimburepfuk fug-o. Eke inomalaikat ari nintul nantul Nikni inim boholma wereg-o ulug An demat yig hisaruk ahi-o.

Matius 2:13

Inibam lebareg weregma, at Yusuf nohoruk wilil i og hebag. I og haruk wilil, at Allah malaikat etnowen yig itukmu i og hebag. At Allah malaikat etnowen yig ituk wilil, “Hat hebe minatlug, Udag ari isina inim og inaplug o Mesir herako alu-o. Epma weregma, eke anden yig hituk nealug suhuluk hinibam waru­hun-o. At Herodes etnowen Udag ari ebe wariog ulug heahil waru­hu-o,” ulug yig itukmu i og hebag.

Matius 24:31

Inilanggen nearukmu, binggon suon etno une uruk heheg, Anden nomalaikat epmano o ahik ya da lahap isahuk-o. Lahap isaruk aruhukmu, it Allah udaki o ahik ya da fuloko imbisebahon epmano kweanmon inim, boholmon inim obog-at wonggal inabuhup-o,” ulug yig isebag.

Matius 25:34

An Hinowe suon etnowen it aphe ninggik bikit fil werehon epmano yig isaruk wilil, ‘Hit hinebe An Nikni ahien hinobam imbirision du hag maniek-o. Waharuk atlihipseg, amuk o kweanma epma awan wal haruk eleg wilil, o fanoma hit hinebe fano mondog welam ambeg ulug dugsoho hinombisahabahon etno-at holalihip-o.

Matius 4:11

at iblis etno sohorep isalug, mondog lebag. Mondog laruk apag­ma, eke it malaikat epmano waharuk apareg, At Yesus aso welapag.

Markus 10:17

Eke fobik kwalem suon liog ulug suruk apagma, ap misig At ambeg buahen laruk apareg, indibahal yungguksoho ut wandukseg wilil, “Ninowe-o, Hat wene fanoroho yanggul nisaruk ahenon du, an niluk welamon etno holahuken keroho sukag ulug hahla buruk ahen-o?” ulug yig epag.

Lukas 1:19

eke at malaikat etnowen yig ituk wilil, “An ninuk Gabriel At Allah olohotma welahion etnowen wene fanowon wene du yig hemag ulug yonggo belap nabik waha-o.

Lukas 1:23

Yig isaruk apareg, at etno o Allah ibam yabuk suruk apag. Arat sepfuruk apareg, suhuluk ibam lebag.

Lukas 16:22

Naruk iseheg, at Lazarus etno bok welapareg, fobik waratuk apagma, it malaikaren walug, esoho etno nawag ulug At Allah ambeg imbik lahabag-o. Imbik lahabagma, boholma epmano wereg heheg, eke fobik at ap aharek werehon etno warapag-o. Waratuk apagma, ebe kweanma salepfebag-o.

Lukas 2:13

Yig isaruk apareg weregma, fobik it boholmon hetnogsoho balu ik ambik wapag. Ambik waharuk apareg, At Allah inuk suontepfuruk wilil,

Lukas 2:9

Inaso weregma, Allah malaikat etno inambeg ambik wapag. Ambik waharuk apagma, Allah apinag suruk apagma, inakol anggolo hebag.

Kisah Para Rasul 11:22

Warukmu, it Yerusalem aphe Allah wene warukon epmanowen inesanggo holtuk apareg, at Barnabas etno o Antiokhia etno lahapfebag.

Kisah Para Rasul 12:23

Yig ituk apagma, at Herodes Allah inuk suontepfuruk elegma, Allah malaikat misig hetnogsoho inambeg waharuk apareg, at Herodes etno uk obam imbiog ulug mumet haruk apagma, fobik at Herodes etno kolanggenen naruk heheg warapag.

Kisah Para Rasul 12:7

At Allah malaikat misig hetnogsoho o baharik at werehon etno fam waharuk apareg, o etno selegsepfebag. Selegsepfuruk apareg, at Petrus etno omalo seneg wilil, aplohoksoho ilukepfuruk apareg yig ituk wilil, “Hat dulum minamin-o,” ulug yig ituk apagma, hele etno abusag-at hibiloko ambebag.

Kisah Para Rasul 13:2

It obog dambuksoho wilil, orom nenggeg eleg Allah yabuk-at surukmu, At Roh Kudus etnowen yig isaruk wilil, “It Barnabas, Saulus yabuk Anden yanggul isarikikon epmano sukag ulug fuloko minduhup isiek-o,” ulug yig isaruk apagma,

Kisah Para Rasul 16:26

Ariroho weregma, hetnogsoho o yugul suon misig suruk atisimu, o aphe dahon imbisaruk ambeg etno o andorli helep fam falehon etno satnog sirisi.

Kisah Para Rasul 27:23

Eke o sono an nohorukmu, At Ninikni Allah une waruk ahion etno o malaikat misig nambeg waharisireg,

Kisah Para Rasul 5:19

Kolap isaruk apagma, o hubanggo At Allah malaikat misig ambik waharuk apareg, it mondep isebahon hele wareg weregma, sok husoko selema wilip isebag. Wilip isaruk apareg, yig isaruk wilil,

Roma 11:14

Eke ariroho suruk wilil, it ap an nungguluahon epmano nit hag ninili wawim sirisi-o, ulug inahla bukag ulug suruk ari fam it nin inili wiog ulug suruk ahi-o.

Roma 13:6

Eke ari halug, it ap wene baltukon arien yabuk surukon epmano onggo neken uang umburuk ahep-o. Eke it ineyabuk dombog-at suruk ari, At Allah anggimbu-at wilil suruk-o.

Roma 15:16

it aphe bilin Allah wene inapeleg welatuson epmano yig isawag ulug At Yesus Kristus anggimbu neken minduhup naharisi-o. Ariroho minduhup naharisireg fam it aphe bilin wene inapeleg welatuson epmano anden Allah wene fanowon etno yig isaruk wilil, it epmano At Roh Kudusen inindi yabuk suruk halug, At Allah il fam inobabut fano amag ulug neyabuk suruk ahi ari, it ap Allah unde epmanowen bilin Allah ake fanoroho umburuk apag epmano hag suruk ahi-o.

Roma 15:27

inonggarehen-at ariroho inahla burusa oke, it inaharek elehon epmano og isuog ulug nomat neken inobam wereg-o. Eke it aphe bilin Allah wene inapeleg welatuson epmanowen wene fano wene etno wawag ulug it Yahudi aben yig isarusareg fam, kidia it aphe bilin Allah wene inapeleg welatuson epmanowen inaharek yi angge di angge epmano it Yahudi ap og isao ari fano at-o.

Roma 8:17

Eke nit At Allah udaki wereg nisalug, At udaki ahien inobam umbukon etno nit inim-at og nisahu-o. Eke Aren angge At Kristus og iruhuon etno nit inim-at og nisahu-o. Eke At Kristus ninim dahon etno ninobam umburuk isalug, At ninim-at suontep nisaharuk aruhu-o.

1 Korintus 1:21

Eke At Allah etno indi iluk mondog wilil, Aren it ap o kweanmen ninindi wereg ulug inahla burukon epmano fam An nebe iniluk am nowen ulug urunanggerep isaruk apareg, niren wene yig isaruk aheon etno bilin wene du hai neken burukukon oke, At Allahen wene ari fam aphe nin demat ebetuk nisalug, inili og inabuhuk ulug ahla bebag-o.

2 Korintus 9:12

Eke hit hinindien At Allah udaki yi angge di angge elehon epmano og isaruk hisalug, iren nintul nantul Allah wa ulug uruk amuhup-o.

Galatia 3:29

Eke hit hinebe At Kristusen angge welahep halug, at Abraham etamuki neken welahep-o. Eke hit at Abraham etamuki neken welahep halug, At Allahen og hisahuk ulug abug yig epahon etno hit-at og hisahu-o.

Galatia 3:7

it aphe At Allah obam ebetukon epmano obog at Abraham etamuki neken wereg-o ulug hinahla buruk amuk-o.

Galatia 3:9

Eke At ahien Abraham obam embebag etno hag, it yi aphe di aphe obohen At Allah obam ebetuk isalug, ahien inobam umburuk-o.

Efesus 3:6

Eke wene misig heraho welapahon bukaloko yig isarision etno duroho yig isarisi-o, bilin it Yahudi ap At Allah ahien inobam embebahon oke, kidia wene fano wene yig isil lawon etno fam it bilin Allah wene inapeleg welatuson epmano inim-at ahien inobam umburuk-o.

Filipi 2:17

Eke an neyabuk atog neken hit hinake Allah wene yig hisaruk atikikon epmano At Allah il fam eberoko waruk ahep-o. Eke fobik atog neken an namep etno hit hinake del atuk halug ari fano at-o. Ariroho suruk aruhukseg, nahien hahuk-o.

Filipi 2:25

Eke at ninomin Epafroditus etno inim-at lahapfik wariog ulug nahla birikik-o.

2 Tesalonika 1:7

Eke o fanoma ninombisahiog ulug wereg heheg, At Ninowe Yesus boholmen omalaikat oag werehon epmano inim ambik wamuhup-o.

Titus 3:7

Eke At Yesusen nit ninonggo baltisireg fam, At Allah ninim dambul atukukseg, niniluk welamon etno og nisa­hu-o ulug ninindi ebetuk wilil, niniluk welamon etno huluog ulug suruk ahe-o, ulug wene ari demat yig hirihi-o.

Ibrani 10:11

Eke it Yahudi ap Allah unde epmano o nintul nantul yabuk suruk wilil, ininggik anggoloam-at Allah ake umburuk oke, Allah ake umburuk ari fam it apheyen dag surukon epmano eleg atuk eleg-o.

Ibrani 2:3

Ari halug, nit kidia wene fanowon du ninahap wendatukon etno ebetuk eleg wilil, keroho ninili holalug wilip amuhuk buruk ahep-o? Ari eleg-o. Wene hinili wawon etno du at-o, ulug At Ninoweyen yig isaruk apagma, it nin inindi ebepahonen wene du demat-o ulug nit yig nisebag.

Ibrani 5:9

lluk atuk apagma, At ebe it yi aphe di aphe obog-at yanggul isarukon welamag ulug minduhupfebareg fam, it yi aphe di aphe At une inesanggo holtuk isalug, inilioko iniluk welamon etno-at og isaruk amag ulug inggikmu embebag-o.

Ibrani 6:12

Eke hit hinaboraliroho suhup halug, nit ninambit-o. Eke it ap nin, inindimu fanoroho ebetuk wilil, dahon etno inobam umburuk iseheg yuhun-at wereg isalug, At Allahen og hisaruk-o ulug abug ebahon etno holuog ulug wereg etno hag, hit ariroho-at welamag ulug yig hisehe-o.

Ibrani 6:17

Eke At Allahen ariroho og hisahuk ebahon etno it epmanowen demat og nisahu-o. Aren enggal-at ulug sohorep nisahaku fug-o, ulug inahla bukag ulug aren yig isaruk wilil, “An og hisahuk yig hisihi ari, An ninuk fam demat yig hisihi-o,” ulug yig isebag.

Ibrani 8:6

Ariroho yig epahon oke, it ap kweanmon Allah unde epmanowen suruk ari, doron at-o. Eke At Yesus etno Allah unde suon wilil eyabuk akelehon-at suruk amag ulug minduhupfebag-o. Eke hurumbik amukon yig nisebahon ari doron at-o. Eke hurumbik keron etno hag, At Yesusen it aphe At Allah inim dambuksoho imbisebag etno fam, At Allahen yi angge di angge fanowon-at og hisahuk ulug abug yig nisarukon ari suon-at wereg-o.

Ibrani 9:28

Ariroho suruk etno ilitoho, At Kristus nit yi aphe di aphe obohen dag suruk aheon epmano elehap sukag ulug misihim-At Allah ake waroko embebag-o. Ariroho waroko embebag etno fam, fobik misihim waruhu ari, niren dag suruk aheon elehap siog ulug waruhu fug-o. Nit At wamon aso welaheon epmano ninili wiog ulug-at waruhu-o.

Yakobus 2:5

An nune etno fanoroho holiek-o. It aphe o kweanmen inaharek elehon epmano At Allah udaki welamag ulug Aren fuloko imbisaruk weregma, iren inindimu fikfag ebetuk wilil, At Inikni inindi hunduhuk wereg isalug, At Allah weregma imbisiog ulug abug yig isebahon etno fam ombatawag ulug fuloko imbisarisi-o.

1 Petrus 1:12

Hurumbik At Allahen yanggul isebahon etno it nabi aben, “Nit-at og nisahu,” ulug uruk apag fug oke, eke hit hag fano wene etno hinesanggo holtuk amuhupmu og hisahu, ulug hurumbik yig hisebag. Hurumbik yig hisaruk apagma, fobik it wene fano wene yig isil nuruk amag ulug mondep isebahon epmano hinambeg watlug, it At Allah Roh Kudus boholmen inambeg ambik waharisireg yig isarukmu, fano wene etno yig hisarusa-o. Yig hisaruson etno it malaikat nit ninesanggo holto burukon oke, hit-at yig hisarusa-o.

1 Petrus 1:4

Nit ninebe ketoho ninombisahiog ulug weregma, fobik fanowon etno At udaki og nisahu ulug ninindi ebetuk ahe-o. Og nisahuon etno dag atlug, eleg am nowen ulug, o boholma dugsoho umburuk-o.

1 Petrus 3:7

Eke hit ap etnowen, nuhwe du oag elehon wereg-o, ulug hinahla buruk wilil, hinuhwesi hinim fanoroho wilil, hinahien inobam umburuk amuk-o. Hinuhwesi hinim fano weregma, fobik At Allahen hiniluk welamon etno og hisahu-o. Eke hiren sembahyang uruk wilil, hinindi fanoroho welamuk-o.

Yudas 1:14

It ap epmano inawene at Adam etamu Henokh etnowen uruk wilil, “At Allah omalaikat beribi-ribu epmano inim aphe oag del inabuog ulug og inaplug inim wamuhup-o.

Wahyu 5:6

Yig nituk atisimu, Wam Domba Udag neken horie uruk ambeg bulmu minduhuk wereg heheg, it inebe empat iniluk werehon epmano inim, eke it penatua epmano inim dahagsoho weregma isarikik-o. Isaruk wilil, eke Wam Domba Udag etno warapahon neken wereg harikik-o. Haruk wilil, Wam Domba Udag etno ungguluagma ayeg sabiren angge lahabehon etno inim, eke At Allahen angge ahurangge inebe sabiren angge o kweanma lahabik waharision epmano ilitoho ulug ilanggen sabiren angge epmano inim weregma harikik-o.