Ibrani 1:1 - Allah Wene Hurumbik Keron

¹ Eke o amuk At Allahen it awene yig isebahon epmano yig isarukmu, iren nit ninetamuki epmano inil fam nintul nantul sukfugangge seheg, eke yiroho diroho yig iseheg suruk apagma, alem ari fam yi wene di wene obog-at yig isaruk apahon oke,

Ibrani 1:1 ပူးပေါင်းရင်းမြစ်များ

Lukas 1:55

eke at Abraham etno abua heheg suruk apag etno hag, eke at Abraham etamuki epmano inabua isaruk wilil, inaso mondog welaruhu-o,” ulug at Mariaen yig isaruk wilil, di misig ebag.

Lukas 1:72

‘Hinabua hisahuk-o. Hinabua hisaruk wilil, hit ninim welaheon epmano hinobam nindi eberuhuk-o,’ ulug At Allahen yig isebag-o.

Lukas 24:27

Yig isaruk apareg, eke fobik At Yesus etnowen at Musaen wene embebahon etno inim, eke it nabi ap obohen wene embebahon epmano inim, At Yesus ahurumbik Alkitab fam weregma obog dindiloko yig isebag.

Lukas 24:44

Naruk apareg, it epmano yig isaruk wilil, “Kidia hinilanggen neyehebon ari, bilin hit ninim wilil yig hisaruk atikikon epmano ilitoho-at hehep-o. Eke at Musaen wene ebahon etno inim, eke it nabi aben wene embebahon inim, eke buku Mazmur fam werehon epmano inim obog An nahurumbik wereg etno ilitoho seg atisi-o,” ulug yig isebag.

Yohanes 16:13

Eke fobik At Roh Kudus wene demat uruk amon yanggul hisahuon etno waharuk aruhureg, wene demat uruk amon etno obog-at bukaloko yig hisaruk aruhu-o. Ariroho yanggul hisaruk aruhu ari, At akeleg indien bulug-at yig hisaruk aruhu fug-o. At bilin esanggo holtision etno-at yig hisaruk wilil, yiroho diroho fobik suhuon epmano yanggul hisaruk aruhu-o.

Yohanes 7:22

Eke hit at Musaen hinudaki iniyunggul ambilik baliuk ulug yig nisebag ehep ari, bilin at Musaen yig hisebag fug-o. It hinetamuki etnowen-at yig hisebahon oke, hiren at Musaen yig nisebag ulug ehep arien, o hari Sabat fam hinudaki iniyunggul ambilik bal inaptuk ahep-o.

Yohanes 9:29

Ariroho wilil, At Allahen Musa yig epahon etno niniluk-at welahe-o. Eke at ap du hag o epmen waharisi ulug nit ninapeleg-at welahe-o,” ulug yig epag.

Kisah Para Rasul 13:32

Eke nit hag wene fanowon etno hit-at yig hisuog ulug welahe-o. Eke bilin At Allahen it ninetamuki ariroho suhuk ulug hurumbik yig isebahon etno kidia nit inetamuki epmano ninake sirisi-o. Ariroho sirisi ari, At Yesus-at iluksoho minduhupfirisi-o.

Kisah Para Rasul 2:30

Eke at Daud bilin nabi ap weregma, At Allahen hurumbik yig epahon etno iluk wilil ahla buruk apag. Ahla burukmu, At Allahen Daud etno hurumbik yig ituk wilil, ‘Kidia hat Daud suon welahen etno hag, fobik At hetamu misig suon minduhupfuhuk-o,’ ulug yig ituk apagma,

Kisah Para Rasul 28:23

Yig ituk atusama, o ari sambit wene uhuk, ulug at Paulus inim uruk atusareg, it inebe obog at Paulus wereg ambeg wonggalik waharusa. Wonggalik waharuk atusama, at Paulusen Allah weregma sukon wene etno ilikia hubet yig isarisi. Yig isaruk mondog weregma, o hupmu atisi. Eke o ari fam yanggul isaruk wilil, at Musaen ebahon etno yig iseheg, eke it nabien wene holal embebahon epmano yig iseheg suruk wilil, At Yesus ari Kristus at-o ulug iren eberoko wawag ulug yig isarisi.

Kisah Para Rasul 3:21

At belabik waruhuon etno boholma welatlug fobik yi angge di angge inim fano inabukag ulug belabik waruhu-o, ulug it nabi Allah wene yig isarukon epmanowen bilin hurumbik embebahon etno hiniluk-o.

Ibrani 11:18

Eke bilin At Allahen yig ituk wilil, “At Ishak etnowen hetamuki anggolo endag hiruhu-o,” ulug abug yig epahon etno fam,

Ibrani 11:2

Eke it o amuk demat ulug inindi ebetuk apag etno fam, At Allahen ahien isaruk apag-o.

Ibrani 12:25

Ari halug, hit hinobabut fikfag wilil, At wene urukon etno une hinambit ha fug-o. Eke ap misig bilin Allah wene o kweanma dumen yig isarukmu, une inesanggo holtuk wilil, inambit haruk apahon epmano hite wilip amuog ulug sebahon oke, hai apag-o. Ari ilitoho nit At boholmen une yig nisarukon etno ninesanggo holuk sohorep isalug, ninolohore wilip amuhuk halug, nit ariroho-at hite wilip amulen ulug suhukon oke hai aruhu-o.

Ibrani 2:2

Eke it boholma malaikat epmanowen wene du demat-o, ulug yig isebahon etno iniluk apahon oke, eke fobik it ninen wene etno fanoroho weheg eleg isaruk apareg, onggo ilitoho-at og isebag-o.

Ibrani 2:3

Ari halug, nit kidia wene fanowon du ninahap wendatukon etno ebetuk eleg wilil, keroho ninili holalug wilip amuhuk buruk ahep-o? Ari eleg-o. Wene hinili wawon etno du at-o, ulug At Ninoweyen yig isaruk apagma, it nin inindi ebepahonen wene du demat-o ulug nit yig nisebag.

Ibrani 3:5

Eke at Musa etno o Allah ibam wilil, yabuk fanoroho suruk apahon oke, at ebe Allah anggimbu wilil, yi wene di wene Allahen fobik uhu-o, ulug hurumbik-at yig isebag-o.

Ibrani 4:8

Eke at Yosua etnowen it aphe og inaplug o At Allah inim kelsaruk ambeg epmano imbisa watlepmen, At Allahen o fobik kelsahuk ambeg epmano ninim kuhuk ulug elep fug-o.

Ibrani 5:5

Ari ilitoho At Kristus etno onggarehen At Allah unde ninuk suon welaruhuken ulug imig sebag fug-o. Ariroho imig seheg eleg weregma, At Allahen yig ituk wilil, “Hat An Namloho-at welahen-o. Hat hebe etno kidia-at endag habihi-o,” ulug yig ituk apareg,

Ibrani 9:19

Ariroho dambultuk apahon etno at Musaen wene duroho suruk amuk eke duroho suruk am fug ulug ebahon etno fam it aphe obog-at yig isaruk apareg, wam sapi udag amep etno ik inim dambuksoho umbulug, utdet hahon etno fam yuhuloko walug, wene duroho suruk amuk eke duroho suruk am fug ulug ebahon helep fam holal baleg etno obam inim, it aphe inobam inim obog-at deltuk apag.