Galatia 4:3 - Allah Wene Hurumbik Keron

³ Eke ari ilitoho nit ninindi ebetuk aheon etno awan su atuk eleg heheg, walhan du at-o, ulug at anggimbu neken uruk atukuk-o.

Galatia 4:3 ပူးပေါင်းရင်းမြစ်များ

Kolose 2:20

Eke At Kristus warapag etno hag hit hinindi amukon etno sohorep isarikipseg oke, keroho ulug it yi ap di ap kweanmon inune holtuk ahep-o? Eke keroho ulug it kweanma suon neken werehon epmano inobam hinindi ebetuk ahep-o?

Kolose 2:8

Eke ap misihen hinindi kahaltuk wilil, hiren angge wene etno diloko wak waharukim ulug hinindi yaharoho welamiek-o. Eke it apheyen yi angge di angge inahla burukon epmano inim, eke ari walhan ulug urukon etno inim obog-at yig hisaruk wilil, hinindi kahaluk nowen ulug At Kristus obam ebetuk wilil, awene etno-at waruk amuhup-o.

Galatia 4:9

Eke kidia At Allahen hit iluk wereg etno fam, hit At Allah hiniluk oke, hit keroho ulug it kwanangge inoag elehon etno farim fobik hinindi ebebuog ulug suruk ahep-o? Ariroho suruk ahep ari, hit nin fobik inim-at inanggimbu welamuog ulug suruk ahep ano?

Galatia 2:4

Eke it ninen inenggal-at iyunggul ambilik balukag ulug uruson epmanowen nit Allah wene waruk aheon at-o, ulug it Allah udaki epmano inim herako neken dambuk atusa-o. Eke it dambuk atuson epmano inilanggen yenal wuog ulug kik waharusareg, it ap du Kristus wene waruk wilil, it Yahudi aben ariroho siuk ulug wene ebahon etno ilitoho suruk eleg ari keroho ulug suruk-o, ulug ninebe it inanggimburep nisahuog ulug waharusa-o.

Galatia 4:31

Eke ari halug, nit hag at hwe anggimbu etno udaki neken welahe fug-o; at uhwe inim inudaki-at welahe-o.

Kisah Para Rasul 15:10

Ari halug, nit ninetamuki ninim komo yig nisebahon wene etno suruk atukuk fuhon oke, it nin komo yig nisebahon wene etno inobam imbisawag ulug uruk ahep du, keroho At Allah aren baltuk ahep-o?

Roma 8:15

Eke Roh Kudus At Allahen og hisarision etnowen hit hinebe anggimburep hisaharuk wilil, hinakoltep hisaharuk eleg-o. Eke At Roh Kudusen hinebe At Allah udaki welamag ulug hinombisaharukon etnowen yig hisarukmu, At Allah obam (Aba) Ninikni ulug yig ituk ahe-o.

Yohanes 8:31

Eke fobik At Yesusen it Yahudi ap At obam ebetuk apahon etno yig isaruk wilil, “Hit wene Anden yanggul hisaruk ahion etno ilitoho suruk ahep ari fam, hit An nomini-at welahep-o.

Ibrani 7:16

Eke At ap Allah unde minapahon ari, it apheyen wene duroho suruk amuk eke duroho suruk am fug ulug uruk etno fam minapag fug-o. Eke At ebe iluk itog mondog wilil oag weregsoho wereg etno fam, Allah unde apag-o.

Galatia 4:25

Eke at hwe Hagar etno wene dom Sinai o Arab etnowen wereg apahon etno isina neken wereg-o. Eke wene ari kidia it aphe o Yerusalem kweanmon etno inudaki inim wene etno anggimbu neken wereg-o.

Galatia 3:19

Eke ari halug, wene duroho suruk amuk eke duroho suruk am fug ulug ebahon etno nongge farim yig isebag-o? Eke ari, it apheyen dag surukon epmano du dag-o ulug bukal amag ulug yig isebag-o. Eke wene duroho suruk amuk eke duroho suruk am fug ebahon ari, at Abraham etamu abug yig epahon etno ebe awan waharuk eleg heheg yig isebag-o.

Matius 11:28

Uruk apa­reg, eke fobik yig isaruk wilil, “Eke hit obog hinobam anggi­non epmano weregma, hinambol ele atukon halug, An nambeg waharuk amuhupseg, ninim weregma, Anden sat yal hinaptuk aru­huk-o.

Roma 7:14

Eke wene duroho suruk amuk eke duroho suruk am fug ulug ebahon etnowen hinindi duroho welamiek ulug yig nisaruk ari niniluk oke, eke an nebe kweanmon etno hag dag surukon etno anggimbu neken welahi-o.

2 Korintus 11:20

Eke it ap ninen inanggimburep hisaharukon epmano inim, eke it ap nin inaharek anggolo amag ulug hinim dahan fahan suruk ahebon epmano inim, eke hinaharek diloko neken warukon epmano inim, eke hinebe seberep hisaharukon epmano inim, eke hinolohotma biso hinaptukon epmano inim, obog-at fano ninim welamuhuken ulug yig isaruk ahep-o.

Galatia 4:2

Eke at udag doron etno awan su atuk heheg, it ap ninen at aso wilil, at aharek yi angge di angge epmano it ap nin seneg wereg-o. Ariroho weregma, at iknien o ari sambit og imuk ulug irision etno arat atuk halug, og imuhup-o.

Galatia 4:8

Eke hit bilin At Allah hinapeleg wilil, du kwanangge oag werehon ulug inanggimbu welatikip-o.

Galatia 4:24

Eke it hweap biren inahudaki neken welapag-o. Eke at hwe misig inuk Hagaren endepahon etno at udaki dom Sinai famon anggimbu neken endag inaptuk-o.

Ibrani 5:12

Eke hit o amuk At Allah wene waruk atikipseg fam, hinebe yanggul isarukon-at welatlebon oke, at misihen Allah wene ebe alem neken-at yanggul hisahu ari fano-o. Eke hiren naruk angge arikon epmano nelebon oke, hit we ag ambusu neken-at nao ari fano-o.