Filipi 4:9 - Allah Wene Hurumbik Keron

⁹ Eke an nuneyen yig hisaruk wilil, dahan fahan seheg eleg ilitoho suruk atikik etno hag, hit ariroho yanggul hisaruk wilil yig hisarikikon etno dahan fahan seheg eleg ilitoho-at suruk amiek-o. Ariroho suruk hisalug, At Allah ninebe dambuk ninaptukon etno hinim welamuhup-o.

Filipi 4:9 ပူးပေါင်းရင်းမြစ်များ

Matius 1:23

At nabi etnowen hurumbik yig isaruk wilil, ‘Hwe duhumon misig udag ahumla aruhuon etno du ha manu-o. Aren fobik udag etno ap angge-at enderuhumu, inuk Imanuel soaluhup-o.’ Eke, inuk ari, ‘Allah ninim welahe-o’ ulug soaluhup ulug at nabi etnowen ebahon etno yig hirihi-o,” ulug at malaikat etnowen Yusuf yig epag.

Matius 28:20

eke wene Anden ariroho siuk ulug yig hisaruk atikikon epmano iren ilitoho suruk amag ulug yanggul iseheg suruk amuhup-o. Ariroho suruk hisalug, An nebe nintul nantul hit ninim sil nuruk amuhukseg, fobik o atog arat halug ninim-at welamuhuk-o,” ulug yig isebag.

Matius 7:21

Eke At Yesusen yig isaruk wilil, “Eke it Nowe, Nowe ulug yig nitukon epmano obogsoho At Allah weregma kuhup fug-o. It nin At Ninikni boholma werehon etnowen wene duroho suruk amuk eke duroho suruk am fug yig nisebahon etno ilitoho surukon halug o epma kuhup-o.

Lukas 6:46

Eke fobik At Yesusen yig isaruk wilil, “Hiren Ninowe, Ninowe yig nituk ahebon oke, eke Anden yig hisaruk ahion etno ilitoho suruk ahep fug du, keroho ulug suruk ahep-o?

Lukas 8:21

At Yesus etnowen it obog epmano yig isaruk wilil, “At Allahen une yig isarukmu inesanggo holtug ilitoho surukon halug ari An nisina, nosi at-o,” ulug yig isebag.

Yohanes 13:17

ulug Anden wene demat uruk amon etno yig hisaruk ahimu, arat hiniluk aha-o. Hit yig hisihion etno hiniluk wilil, ilitoho suruk amuhup fam hinahien hahup-o.

Yohanes 15:14

Eke ariroho siuk ulug yig hisarikikon epmano ilitoho suruk hisalug, hit hinebe An nomini-at welahep-o.

Yohanes 2:5

Yig ituk apagma, At isina etnowen it uma yabuk surukon epmano yig isaruk wilil, “Hit At Yesusen yig hisikonon etno ilitoho silihip-o,” ulug yig isebag.

Kisah Para Rasul 9:6

Eke hat hebe etno minatuk apmihinteg, o Damsyik etno kik waharuk apmihinmu, iren duroho suk ulug hat yig himukon-o,” ulug yig ituk apagma,

Roma 15:33

Eke At Allah yi aphe di aphe dambuk ninaptukon etno hit obog hinim welamag ulug an demat yig hisihi-o.

Roma 16:20

Eke At Allah nit dambuk ninaptukon etnowen at iblis etno hiniog hendan bisalukag ulug dulum-at hinapma umbuhu-o. Eke At Ninowe Yesus etnowen hinabua hisaruk wilil hinim welamag ulug yig hisihi-o.

1 Korintus 10:31

Eke ari halug, hinaharom nenggeg, hinahik nenggeg, yi angge di angge suruk wilil, At Allah inuk-at suontepfuog ulug suruk amiek-o.

1 Korintus 14:33

Eke At Allahen dahan fahan yuhun-at sembahyang uruk amag ulug wol nisebag fug-o; we fanoroho-at uruk amag ulug wol nisebag-o.

1 Korintus 4:16

Ariroho fano hinaptisireg fam, hit an suruk ahi ilitoho suruk amuhuben ulug hinesanggo watuk ahi-o.

2 Korintus 13:11

Ari halug, nomini, hit hinahien haruk wilil, hinindi oag wereg amag ulug suruk amuk-o. Ariroho suruk wilil, an nune yig hisihion etno hinesanggo holiuk-o, holtuk wilil, hit fikfag dambuksoho welamuk-o. Eke ari halug, At Allah indi hunduhuk wilil, dambuk ninaptukon etno hinim welamuhup-o.

Filipi 3:17

Ari halug, hit an nahengga senetuk amiek-o. Eke hit obog an mug naplug fobik lawag ulug an bilin larikik-o. Eke it an ilitoho larukon ari hinil og inabiek-o.

Filipi 4:7

Eke At Allah ninim dambuk ninabukon wene etno waruk ahe oke, nin ebebuk ninapeleg atukon etno At Allahen og nisarukmu, nit At Kristus Yesus obam ebetuk niseheg, ninindi etno inim, eke ninahla buruk aheon epmano inim At ninim healeg welaheon etnowen dahap suk nowen ulug fanoroho sen ninabuhu-o, nomini.

1 Tesalonika 1:6

Ariroho welatukukseg fam, hinilanggen nisaruk atikipseg, nit ilitoho seheg, eke At Allahen urukon etno ebereheg, suruk atikip-o. Eke ariroho suruk hiseheg, dahon anggolo hinobam umburuson oke, eke At Roh Kudus etnowen og hisarukmu, hinahientoho wilil, wene etno eberoko warikip-o.

1 Tesalonika 2:14

Eke it Allah udaki At Yesus awene waruk wilil, o Yudea werehon epmano dahon inobam umburusa etno hag, hit ariroho-at dahon hinobam umburusa-o. Eke it hinominien dahon hinobam umburusa etno hag, it Yahudion it Yahudi aben dahon inobam umburusa-o.

1 Tesalonika 5:23

Eke At Allah fanoroho dambuk ninaptukon etnowen hinobabut fanorep hisahaku-o. Eke At Ninowe Yesus Kristus waruhu ari sambit fanoroho welamuhuben ulug At Allahen hinebe inim, hinindi inim, hinahurangge inim fanorep hisahaku-o.

2 Tesalonika 3:4

Eke niren yig hisaruk aheon ilitoho suruk ahep etno hag, fobik ilitoho suhup ulug At Allahen hit farim yig nisaruk-o.

2 Timotius 4:22

Eke At Ninowe Yesus Kristus etnowen hat inim, eke hit obog inim hinabua hisaruk wilil, hinim welamag ulug yig hirihi-o.

Yakobus 1:22

Eke Allah wene etno hinesanggo holtuk wilil, arat holehe-o, ulug sohorep isa fug-o. Sohorep isaruk eleg wilil, wene holtuk ahebon etno ilitoho suruk amiek-o.

2 Petrus 1:10

Ari halug nomini-o, nintul nantul At Allahen-at wol ninaptisireg fuloko ninombisaharisi-o, ulug hinahla ebetuk amuhup-o. Ebetuk amuhupseg, hit bule ambulug wataruk etno hag wateheg eleg wilil, At Allah weregma kuruk amuhupseg, At Yesus Kristus udaki atlug mondog hinim welamuhup-o.

1 Yohanes 3:22

Eke At Allahen komo yig nisarukon etno ilitoho suruk nisalug, Aren ahien ninobam umburuk wilil, niren kino uruk aheon epmano og nisaruk-o.