Filipi 4:8 - Allah Wene Hurumbik Keron

⁸ Eke yi angge di angge fanowon inim, eke ari suk fano ulug urukon etno inim, eke demat urukon etno inim eke fanoroho surukon etno inim eke motoho surukon etno inim eke sabele elehon etno inim eke ninindi hunduhuk welamon etno inim eke it apheyen ari fano ulug suontepfukon etno inim eke yi angge di angge arion-at huluog ulug hinindi ebetuk amuk-o.

Filipi 4:8 ပူးပေါင်းရင်းမြစ်များ

Matius 22:16

Ariroho wene baltuk apareg, it inosi nin inim, eke it Herodian ap nin inim At Yesus ambeg lahap isaruk apagma, it epmano laruk apareg, yig ituk wilil, “Ninowe yanggul nisarukon wai, Hat hebe henggal eheg eleg, demat urukon ulug nit niniluk-o. It apheyen inahla burukon inim, eke ap misig suon ano doron ano ulug inahla burukon inim obog-at hahlahiroho wilil, honggarehen-at hakol elehepfulug yangguksoho uruk ahenon du, At Allahen wene duroho suruk amuk eke duroho suruk am fug ulug yig isebahon etno demat yangguloko yig isaruk ahen-o.

Markus 6:20

at Herodes etnowen ahla buruk wilil, at Yohanes obabut fano mondog surukon etno ebe nakol-o, ulug ili waruk apareg, wabuk fug-o ulug maha embebag. Maha umburuk apareg, at une esanggo holfag etno fam, yi angge di angge suruk wilil, at Yohanes une esanggo holiog ulug welapag.

Lukas 16:15

Ahunda yatuk apagma, At Yesusen yig isaruk wilil, “Hiren aphe inil fam nit fano ulug uruk ahebon oke, hinindi fam ebetuk ahebon epma At Allah iluk wereg-o. Eke it apheyen du suon ulug inahla burukon oke, At Allahen du ebe doron-at heheg uruk ulug ahla buruk-o.

Lukas 2:25

Nin eke ap misig inuk Simeon etno o Yerusalem welapag. At ap etno indi fano mondog wilil, Allahen yig epahon etno-at suruk apag. Eke At Roh Kudus indimu wilil, at it Israel aphe inindi fano inaptukon etno aso welapag.

Lukas 23:50

At Yesus etno waratuk apagma, ap misig inuk Yusuf, ibam it Yahudi ap inibam o misig inuk Arimateaon welapag. At etno obabut fano mondog wilil, indi seberoho welapag. Ariroho wilil, At Allah weregmen sukon etno aso welapag. Eke at ebe wene baltukon inowe-at oke, it ominien wabuog ulug wene baltukmu, at amberaken inim wene balfag fug.

Yohanes 7:18

Eke at ap misig onggareg ahla burukon etno-at yig isaruk ari, at ebe-at suontepatiog ulug suruk-o. Eke ap misig at lahap nabik waharision etno inuk-at suontepfukag ulug ahla buruk wilil surukon ari, indi seberoho wereg etno fam, enggal wene yig isaruk eleg-o.

Kisah Para Rasul 10:22

“At ninowe Kornelius lahap nisa waharisimu wahe-o. Eke at Kornelius ebe etno fano wilil, At Allah inuk suontepfurukmu, it Yahudi ap epmanowen ninomin ulug fog suruk-o. Eke at Kornelius etno Allah malaikat misihen yig ituk wilil, at Petrusen wene yig hiriog ulug hibam wamagsoho ayonggo lawag-o,” ulug Kornelius yig epahon etno At Roh Kudusen fobik Petrus yig epag.

Kisah Para Rasul 22:12

Nombahik waharusareg weregma, o Damsyik epma ap misig inuk Ananias Allah wene holtug bilin wene duroho suruk amuk eke duroho suruk am fug ulug ebahon etno esanggo holtukmu, it Yahudi ap obohen ap du fano ulug uruk atuson etno nambeg waharisireg, yig nituk wilil, ‘Nomin Saulus wai. Hat hilanggen fenggen amin-o,’ ulug yig nituk atisimu, nilanggen fenggen atuk atikikseg, at ebe yetsoho weregma,

Kisah Para Rasul 6:3

Ari halug, hiren ap Roh Kudus inindimu werehon inebe sabiren angge-at heako imbisalihipmu, iren uang sumbut hisaruk amag ulug niren minduhup isul-o.

Roma 13:13

Ariroho o ilingge wilil, motoho-at suruk amuk-o. Eke inahum heheg narukon epmano inim, eke ik nenek surukon donggogsoho narukon epmano inim, eke hwe ap uhweon wanggik surukon etno inim, eke winimug isarukon epmano inim, eke inasineyen surukon epmano inim, obog-at ariroho suruk am fug-o.

Roma 13:3

Eke it inowesi pemerintah epmano it aphe fano surukon epmanowen inakol isawag ulug minduhup isarisi fug-o. It aphe dag surukon epmanowen-at inakol isawag ulug minduhup isarisi-o. Eke hiren it inowesi pemerintah epmano ninakol isehe ha nowen ulug, fanowon epmano-at suruk amuk-o. Ariroho suruk hisalug, suontep hisahakup-o.

Roma 14:18

Eke it yi aphe di aphe obog ariroho At Kristus anggimbu neken werehon halug, At Allah ahien inobam embeheg, eke it apheyen inahien iseheg suruk-o.

Roma 2:29

Eke ap misig ahap selemen-at Yahudi ap ulug wereg eleg-o. Eke wene holal baleg etno uneyen-at wane sulug Yahudi ap atuk eleg-o. We indi undama At Allah Roh Kudusen fano sirision etno hag ari demat Yahudi ap ulug wereg-o. Eke at ap arion hag it apheyen suontepfuruk eleg-o, At Allahen-at suontepfuruk-o.

1 Korintus 4:5

Eke hit At Ninowe inuk suon awan waharuk eleg heheg, hiren aphe inoag del inabuk fug-o. Eke At Ninowe inuk suon etno o ari sambit waharuk aruhureg, o hubanggo neken werehon etno selegma embeheg, eke it aphe inindimuen herako ebetukon epmano selegmaroho imbiseheg suhu-o. Ariroho suruk aruhureg, At Allahen o ari sambit aphe inakeleg inakeleg ininuk suontep isahu-o.

2 Korintus 13:7

Eke hiren dag suk nowen ulug At Allah obam sembahyang uruk ahi-o. Eke hiren at Paulus hag demat irisi ulug hinahla bukag ulug uruk ahi fug-o. Eke hiren at Paulus demat irisi ulug uhup fug halug, ari fano at-o. We hit hag fanoroho suruk amag ulug yig hisaruk ahi-o.

2 Korintus 6:8

Eke nit ninebe epmano it ap ninen suontep nisahakeg, dorontep nisahakeg, eke ninobam denggeleheg, eke it ninen fano suruk ulug inilanggen heheg, eke niren demat ulug uruk aheon etno inenggal uruk ulug yig niseheg suruk-o.

2 Korintus 8:18

Eke at Titus etno inim lawag ulug, at ninomin o ahik ya da wene fano wene yig isarukmu inuk suontepfuruson etno inim lahapfuruk ahe-o.

2 Korintus 8:21

Ariroho suruk ahe ari, At Allah il fam inim, eke it aphe inil fam inim motoho-at suog ulug suruk ahe-o.

Galatia 5:22

Eke At Roh Kudusen surukon ari it aphe inim inindi hunduhuk werehon etno inim, eke inahien harukon etno inim, eke aphe inim dambuksoho werehon etno inim, eke inindi fanoroho welamon etno inim, eke aphe inune fanoroho yig isarukon etno inim, eke inobabut fanoroho surukon etno inim, eke yabuk fanoroho surukon etno inim,

Efesus 4:25

Eke ari halug, aphe hinenggal yig isawon etno dahon neken loloko imbiuk-o. Ariroho loloko umbulug, eke hit obohen hinomini wene demat yig isaruk amuk-o. Eke nit ninebe obog-At Kristus ebe misig-at welahe-o.

Efesus 5:9

Eke o seleg ari, At Roh Kudus etnowen yi angge di angge fanoroho surukon inim, eke hinobabut motoho surukon etno inim, eke demat wene urukon etno inim obog-at yanggul hisaruk-o.

Efesus 6:14

Ariroho huluog ulug hit minduhuk yaharoho welamuk-o. Eke it ap wim abuog ulug inasum keteroho ulug inaserlog wantebag etno hag, hit wene demat urukon etno holaruk amuk-o. Eke it sing wantebag etno hag, hit motoho surukon etno-at holaruk amuk-o.

Filipi 3:1

Nomini-o, At Ninowe etnowen hinindi hinahientep hisaharuk amag ulug yig hisihi-o. Eke bilin holal bal hisarikikon hinindi oag wereg amag ulug, fobik etno-at dahagsoho bal hisao ari fano at-o.

Kolose 4:5

Eke it Allah wene awan waruk elehon epmano yig isaruk wilil, kidia yig isuk fano-o, ulug hinahla buhupseg, orog-at yig isaruk amuhup-o.

1 Tesalonika 4:12

Eke hiren ariroho suruk hiseheg, it Allah wene inapelehon epmanowen inil hisaruk amuhupseg, it ap du fano-at suruk-o ulug inahla buhup-o. Eke hit yi angge di angge eleg halug, iren og hisa nowen ulug hininggiken hineyabuk holaruk amiek-o.

1 Timotius 2:2

Eke nit fano mondog wilil, Allah wene weheg eke ninobabut fanoroho seheg suruk amuhuken ulug, it ap suon-suon inim, eke it yi aphe di aphe inowesi epmano inim inake sembahyang uruk amuk-o.

1 Timotius 3:11

Eke it inuhwesi ari inobabut fanowon halug, eke inune inenggal uruk elehon halug, eke inindi seberoho werehon halug, eke yi seheg di seheg ininggik ineroho sil nurukon halug, arion-at welamag-o.

1 Timotius 3:4

Eke at ap etno udaki fanoroho inaso welamag-o. Eke at ebe alontoho wilil, at udaki apma horiep isaruk amag-o.

1 Timotius 4:12

Ariroho suruk healug, it apheyen, hat hebe doron atma, bok amin-o, ulug yig hum ari hai-o. Eke haren uruk ahenon etno inim, eke hobabut fanoroho suruk ahenon etno inim, eke aphe hinim hunduhuk welahebon etno inim, eke Allah wene demat ulug ebetuk wilil ilitoho suruk ahenon etno inim, it aphe obohen inilanggen healug, nit ari ilitoho suruk amuk-o ulug inahla bukagsoho suruk amin-o.

1 Timotius 5:10

eke it apheyen hwe du fano mondog suruk-o, ulug urukon inim, eke udaki fanoroho endag inaptukon etno inim, eke ap huso waharukmu orom fanoroho menag isarukon etno inim, eke it Allah udakion iniog fanoroho ho surukon etno inim, eke it aphe yi angge di angge elehon fanoroho og isarukon etno inim, eke yi seheg di seheg fanoroho surukon etno inim, hweap suhweon etno ariroho wereg isalug ininuk holal fam umburuk amin-o.

1 Timotius 5:2

Eke it hweap inanggohon epmano hisasi ilitoho yig isaruk amin-o. Eke it holani duhumon epmano hat haholani ilitoho yig isaruk amin-o.

Titus 1:8

Eke ap etno indi arik elehon inim, eke asine elehon inim, eke ambusu nenek surukon etno donggogsoho naruk elehon etno inim, eke yi angge di angge yu­hun-at hulik ulug ahla buruk elehon etno inim, eke ap huso waharukmu fikfag inabua surukon etno inim, eke fano sukon nindi ulug ahla buru­kon etno inim, eke indi humbulihon etno inim, eke obabut fano­won etno inim,

Titus 2:14

Nit yi dag di dag suruk aheon epmano onggo baloko ninili weheg, eke it fano mondog suk ulug inahla ebetukon epmano At udaki obog-at welamag ulug ho ninabeheg sukag ulug ninake og nisebag-o.

Titus 2:2

Eke it ap inanggohon epmano inindi aso fanoroho welamin-o. Inaso wilil, inakol hawon inim, inindi seberoho welamon inim, ap arion-at welamag ulug yig isaruk amin-o. Eke it inindi demat burukon etno inim, eke aphe inindi hunduhuk werehon etno inim, eke inindi oag wereg atlug inindi inahientoho welamon etno inim ariroho wela­mag ulug yig isaruk amin-o.

Titus 2:7

Eke hat hag yiro­ho seheg diroho seheg fanoroho suruk healug, aphe inil og hap­tuk wereg-o. Iren fanoroho suruk amag ulug hat inim fanoroho suruk amin-o. Eke haren wene yanggul isaruk ahenon etno motoho yig isaruk amin-o. Ap inindi oag werehonen demat yig isaruk etno hag hat yig isaruk amin-o.

Titus 3:14

Eke it ninomini Allah wene yanggul isarukon etno yuhun-at yabuk seheg eleg welam nowen ulug yi yabuk di yabuk fanowon inim, eke aphe yalmag isarukon etno inim nintul nantul sukag ulug yig isaruk amin-o.

Ibrani 11:2

Eke it o amuk demat ulug inindi ebetuk apag etno fam, At Allahen ahien isaruk apag-o.

Ibrani 13:18

Eke hiren nit ninake sembahyang uruk amuk-o. Eke nintul nantul fanoroho-at suruk amuk ulug ninahla buruk ahe etno fam, alem misig dahan fahan surukuk ulug ninahla buruk ahe fug-o.

Yakobus 1:27

Eke At Ninikni Allah etno awene waruk nisalug, duroho suk-o; it udag inisasi elehon halug orom og iseheg, eke it hweap suhweon halug yalmag iseheg, eke kweanmen surukon etno seberoho embeheg suruk amuk-o.

Yakobus 3:17

Ariroho surukmu, boholmen inindi iniluk amag ulug og isarukon ari fam, fano wene etno eheg, aphe inim dambuksoho welaheg, eke inune fanowon-at yig iseheg, eke nabua habua seheg, eke yi angge di angge fanoroho seheg, eke nambit hambit ukon etno sohorep iseheg suruk-o.

1 Petrus 1:22

Eke hit demat urukon wene etno waruk atikipseg, hinindi ho sarikibon epmanowen it hinomini Allah wene warukon epmano hinim hinindi hunduhuk welahep ari hinindimu mondog-at hunduhuk welamiek-o.

1 Petrus 2:12

Eke it aphe Allah wene waruk elehonen yig hisaruk wilil, hit Allah udaki dag suruk hisehe-o, ulug hinobam denggeluog ulug inahla buruk wilil, iren urukon epmano eleg amag ulug, fanoroho suruk ahebon epmano inilanggen hawag-o. Ariroho hisaruk amuhupseg, iren fobik At Ninowe waruhumu, inuk suontepfuhup-o.

1 Petrus 4:8

Eke misig du alem suon neken yig hisaruk ahi-o. Ari hit hinomini hinim fikfag hinindi hunduhuk welamuk-o. Hinomini hinim hunduhuk wilil, iren dahan fahan suruk isalug, seberoho imbisahup-o.

2 Petrus 3:1

Ari halug nomini-o, hit hinahla burukon eleg amag ulug, yi wene di wene obog-at holal birenam bal hisihion du fam yig hisihi-o.

1 Yohanes 3:18

Nudaki-o, niren ninomini ninim hunduhuk welahe-o ulug we ninuneyen-at uk ari hai-o. Ninuneyen uruk atlug, nininggiken yalmag isa ari fano.

1 Yohanes 3:3

Eke At Kristus waruhuon obabut fano etno hag, At ebe hag amuhuken ninobabut fanoroho welamuk-o.

1 Yohanes 4:1

Nomini-o, it obohen Roh Kudus nindimu wereg-o, ulug urukon halug, hiren demat uruk-o, ulug hinindimu ebebuk fug-o. Inaren balepfulug, ap ari demat Roh Kudus indimu wereg-o, ulug uk fano-o. Iren Roh Kudus og nitisi-o ulug inenggal urukon etno o ahik ya da epmano wilip atusa-o.