Filipi 4:7 - Allah Wene Hurumbik Keron

⁷ Eke At Allah ninim dambuk ninabukon wene etno waruk ahe oke, nin ebebuk ninapeleg atukon etno At Allahen og nisarukmu, nit At Kristus Yesus obam ebetuk niseheg, ninindi etno inim, eke ninahla buruk aheon epmano inim At ninim healeg welaheon etnowen dahap suk nowen ulug fanoroho sen ninabuhu-o, nomini.

Filipi 4:7 ပူးပေါင်းရင်းမြစ်များ

Lukas 1:79

Eke nit obog aphe warehon wereg ambeg neken o hikmu wereg nisalug, ninonggalem fanowon etno lawag ulug aren o selegma ninombisaharuk-o,” ulug uruk wilil, at Zakharia etnowen di misig ebag.

Lukas 2:14

“Allah boholma werehon fog suruk amuk-o. At Allahen aphe kweanmon hinabua hisaruk halug, hinim dambuksoho welamuhup-o,” ulug ebag.

Yohanes 14:27

Ariroho ebebuhubon oke, eke kidia hag hinindi hinahlahiroho welamag ulug yig hisaruk ahi-o. Ariroho yig hisaruk wilil, An ninuk fam hinindi hinahlahiroho welamon etno og hisaruk ahi-o. Ariroho og hisaruk ahi ari, it ap kweanmonen inindi inahlahiroho welamag ulug og isaruk etno hag og isaruk ahi fug-o. Ariroho og hisaruk nealug, hit hinindi dag am fug-o. Eke hinakol ha fug-o.

Yohanes 16:33

Eke hit hinebe An ninim welamuhuk etno fam, hinindi hinahlahiroho welamag ulug yi wene di wene epmano obog-at yig hisihi-o. Eke hit hinebe aphe kweanmon epmanowen dahon etno-at hinobam umburuk amuhup-o. Ariroho umburuk isalug, hiren hinahlahiroho welamag ulug yig hisihi-o. Eke Anden it aphe o kweanma duma werehon epmano napma seberoho imbisarikik-o,” ulug yig isebag.

Roma 1:7

Hit Roma aphe obog At Allah udaki amuhuben ulug hinayonggo embebag-o. Ariroho hinayonggo embebag ari fam, an heahi war hinaptuk ahi-o. Eke At Ninikni Allah Ninowe Yesus Kristus inimen hinabua hisaruk wilil hinim welamag ulug wene holal du bal hisihi-o.

Roma 14:17

Eke At Allah weregma welamon etno alem ik orom naruk aheon epmano fam welamuhuk fug-o. Eke At Roh Kudusen alem dahon ninobam werehon epmano elehep nisahakeg, eke At Allah inim fanoroho welamag ulug dambulip nisahakeg, eke nit ninahien hawag ulug yig niseheg suruk halug, nit At Allah weregma welamon etno holahuk-o.

Roma 15:13

Eke ari fam, At Allahen fano ninabuhu ulug ninahla buruk aheon etnowen hit hinahien hawag ulug yig hiseheg, eke hiren At obam ebetuk ahebon epmano fam dambulip hisahakeg suruk amag ulug yig hisihi-o. Eke ariroho dambulip hisaharuk aruhumu, Aren fano ninabuhu-o ulug hinahla buruk ahebon etno At Roh Kudusen oag werehon etno og hisaruk halug, su aruhu-o.

Roma 5:1

Nit At Allah obam ebetuk nisalug, alem dahon ninobam werehon epmano elehep nisaharisimu, At Ninowe Yesus Kristus inuk fam At Allahen ninim fanoroho welamuog ulug dambuk ninaptisi-o.

Roma 8:6

Eke hat misig kweanmen sukon etno-at hahla buruk ahen halug, mondog-at wararuhun-o. Eke hat misig At Roh Kudusen yig hitukon etno-at hahla buruk ahen halug, At Allah hinim dambuksoho wilil, mondog-at hiluk welaruhun-o.

2 Korintus 10:5

Eke nit oag werehon og nisarukon etno fam yi angge di angge oag werehon epmano lehet neken mialtuk wilil, inenggal wene urukon epmano sahaloko imbiseheg, eke At Allah ebe niniluksoho welamon seberoho umbuog ulug surukon epmano elegsoho imbiseheg, eke it aphe inahla burukon epmano hele waroko neken imbisalug At Kristus une etno holukag ulug apma imbiseheg suruk ahe-o.

2 Korintus 13:11

Ari halug, nomini, hit hinahien haruk wilil, hinindi oag wereg amag ulug suruk amuk-o. Ariroho suruk wilil, an nune yig hisihion etno hinesanggo holiuk-o, holtuk wilil, hit fikfag dambuksoho welamuk-o. Eke ari halug, At Allah indi hunduhuk wilil, dambuk ninaptukon etno hinim welamuhup-o.

Galatia 5:22

Eke At Roh Kudusen surukon ari it aphe inim inindi hunduhuk werehon etno inim, eke inahien harukon etno inim, eke aphe inim dambuksoho werehon etno inim, eke inindi fanoroho welamon etno inim, eke aphe inune fanoroho yig isarukon etno inim, eke inobabut fanoroho surukon etno inim, eke yabuk fanoroho surukon etno inim,

Efesus 3:19

Eke At Kristusen ninobam indi hunduhuk werehon etno niren obogsoho ebebuk fug oke, obog-at hiniluk am ari fano-o. Ariroho hiniluk wereg hisalug, At Allahen hinim welamon etno hinindimu kelegsoho-at og hisahu-o.

Filipi 1:1

Nit Paulus Timotius At Kristus Yesus anggimbu etnowen hit Allah udaki At Kristus Yesus awene waruk wilil, o Filipi welahebon obog inim, eke hit hinindi aso welahebon inim, eke hit yalmag inaptukon epmano inim,

Filipi 1:2

hit obog At Ninikni Allah inim eke At Ninowe Yesus Kristus inimen hinabua hisaruk wilil hinim welamag ulug yig hisehe-o.

Filipi 4:19

Eke At Nikni Allah, yi angge di angge obog unde werehon etnowen At Kristus Yesus inuk fam Aren angge erlog-at og hisahu-o.

Filipi 4:21

Eke it Allah udaki At Yesus Kristusen angge etno obog-at heahi war inaptuk amuk-o. Eke it nomini duma ninim welaheon epmanowen heahi war hinaptuk-o.

Filipi 4:9

Eke an nuneyen yig hisaruk wilil, dahan fahan seheg eleg ilitoho suruk atikik etno hag, hit ariroho yanggul hisaruk wilil yig hisarikikon etno dahan fahan seheg eleg ilitoho-at suruk amiek-o. Ariroho suruk hisalug, At Allah ninebe dambuk ninaptukon etno hinim welamuhup-o.

Kolose 3:15

Nin eke hinindi hunduhuk wilil, hinebe misig-at welamuhuben ulug wol hisebag etno fam, wa ulug hinahla buruk amuk-o.

2 Tesalonika 3:16

Eke At Ninowe dambuk ninaptukon etnowen hit obog dambuksoho welamon etno og hiseheg, eke hinim welaheg suruk amag ulug yig hisehe-o.

Ibrani 13:20

At Allahen Ninowe Yesus etno it aphe warehon wereg ambeg epmanowen iluksoho minduhupfebag-o. Eke At Yesus etno udaki inake warapag ari, it aphe At Allah inim fano dambuksoho welamon etno oag weregsoho embebag-o. Ariroho umburuk apareg, At ebe etno anggom domba inaso wilil, Inowe suon-at wereg-o.

Yudas 1:1

An Yudas at Yakobus ot etno, Yesus Kristus anggimbu wilil, holal du umburuk ahi-o. Hit obog At Allahen wol hisebahon etno wene holal du hinombisahaki-o. At Ninikni Allah hit indi hunduhuk wereg halug, At Yesus Kristus etnowen hit bule amburukim ulug sen hinasug wereg-o.

Wahyu 1:4

At Yohanes etnowen it aphe o Asia jemaat sabiren angge etno inaholal umburuk wilil, “Nomini-o, At Allah walhan itog mondog werehon etno inim, eke At Allah olohotma ahurangge inebe sabiren angge werehon etno inimen hit fano welamuhuben ulug inahien hinobam umburuk-o.

Wahyu 2:17

Eke hine­sanggo wereg halug, At Roh Kudusen it jemaat yig isarukon epmano hinesanggo fanoroho holtuk amiek-o. Eke it inoag weregsoho anduhunmu welamuhubon halug, orom manna herahoma werehon epmano og isahuk-o. Og isaruk aruhukseg, obam seberoho helep huluon etno fam ininuk keron etno inakeleg sik iniluk amag ulug wene holal baloko og isahuk-o,” ulug yig nitisi-o.