Filipi 4:6 - Allah Wene Hurumbik Keron

⁶ Eke yi angge di angge epmano fam hinindi seneni ebebuk fug-o. Eke At Allah wa ulug yig ituk wilil, du angge og ninim-o ulug At Allah obam kino uruk wilil sembahyang uruk amiek-o.

Filipi 4:6 ပူးပေါင်းရင်းမြစ်များ

Matius 10:19

Hinombisahik laruk amuhupmu, hiren nongge yig isuk-o, keroho uk-­o, ulug hinindi seneni ebebuk fug-o.

Matius 13:22

Eke i angge isinggama kililtil lebag etno hag ari, it nin wene inesanggo holtuk atlug oke, inindi seneni ebetukon etno inim, eke yi angge di angge holawon ebetukon etno inim, it inindi ariroho yi angge di angge kweanmon ebetukon ari obog-at inindimu anggen yihikup fug-o.

Matius 6:34

Eke o sono keroho sik ulug seneni ebebuk fug-o. O sono hiren seneni ebebukon ari sono-at ebebuhup-o. O hari nintul nantul seneni ebetukon ari akeleg sik-at wereg-o,” ulug yig isebag.

Matius 6:8

Iren sembahyang uruk etno hag, hiren ariroho uk fug-o. Eke hit awan sembahyang kino uruk eleg hiseheg, At Hinikni etnowen hit hinindi haruk ahebon etno At iluk wereg-o.

Lukas 10:41

At Ninowe etnowen yig ituk wilil, “Marta wai, hat yi angge di angge anggolo sukon hindi seneni ebetuk ahenon oke,

Lukas 12:22

Eke fobik At Yesusen omini epmano yig isaruk wilil, “Ari halug, hiren orom ik kerohon nik-o ulug seneni ebebuk fug-o ulug yig hisihi-o. Eke hinebema sum kerohon wansik ulug seneni ebebuk fug-o.

Lukas 12:29

Ari halug, nintul nantul naharom nahik keroho nik ulug hinindi seneni ebebuk fug-o,

Lukas 18:1

Nin eke fobik it apheyen sembahyang nintul nantul uruk wilil, inindi arik atlug inahla bug am nowen ulug At Yesusen yanggul isebag.

Lukas 18:7

Eke aren ebag etno hag, eke it apheyen At Allah obam sembahyang uruk isalug, inili wahu fug buruk ahep ano? Eke orog orog-at yalmako imbisahu buruk ahep ano? Ari eleg-o.

1 Korintus 7:21

Eke hit it aphe inanggimbu wereg hisalug wol hisebag ano? Ari halug fano at-o, eke hat hebe anggimbu welamon etno alem eleg atuk halug, hat hebe ap unde werehon etno neken welariog ulug suhun-o.

1 Korintus 7:32

Eke hit hinindi seneni ebereheg eleg welam fano ulug nahla buruk ahi-o. Eke ap hwe oho elehon etnowen At Ninowe eyabuk sukon etno-at indi ebetuk wilil, “An Nowe etnowen ahien hawag ulug keroho sik-o?” ulug ahla buruk-o.

2 Korintus 1:11

Eke hiren inili wahun ulug ninake sembahyang uruk wilil, yalmag ninaptuk ahep-o. Eke it aphe obohen ninake sembahyang urukon epmano At Allahen esanggo holtug ninili warisi etno fam, it obohen wa ulug ninake sembahyang uruk amuhup-o.

Efesus 5:20

Eke At Ninowe Yesus Kristus inuk fam sembahyang uruk wilil, yi angge di angge obog epmano farim Ninikni Allah wa ulug yig ituk amuk-o.

Efesus 6:18

Ariroho holaruk wilil, hit At Allahen yalmag hisawag ulug sembahyang uruk amuk-o. Eke At Roh Kudus etnowen yanggul hisaruk halug, hit nintul nantul sembahyang uruk amuk-o. Eke ari halug, hit nintul nantul yaharoho wilil, sohorep iseheg eleg-at it Allah udaki epmano nintul nantul inake sembahyang uruk amuk-o.

Kolose 3:15

Nin eke hinindi hunduhuk wilil, hinebe misig-at welamuhuben ulug wol hisebag etno fam, wa ulug hinahla buruk amuk-o.

Kolose 3:17

Eke yi wene eheg, di wene eheg, eke yi angge seheg, di angge seheg suruk wilil, At Ninowe Kristus inuk fam Ninikni Allah wa ulug suruk amuk-o.

Kolose 4:2

Eke hit nintul nantul sembahyang uruk amuhup-o. Eke Ninikni Allah wa ulug sembahyang uruk amuhup-o.

1 Timotius 2:1

Bilin yig hipminon ari, it yi aphe di aphe obog-at inake At Allah kino yig ereheg eke sembahyang eheg eke Ninikni wa ulug yig ereheg suruk amag ulug yig hituk ahi-o.

1 Timotius 5:5

Eke it hweap suhweon inasuki elehon halug, At Allah obam ebetuk wilil, nintul nantul sembahyang uruk wilil, kino yig ituk amuhup-o.

1 Petrus 4:7

Nin eke wene misig du yig hisamin-o. Yi angge di angge ketoho imbisawon epmano horog fanggog uhu halug, sembahyang mondog uruk wilil welamuhuken ulug, hinobabut surukon epmano fanoroho yaha welamuk-o.

1 Petrus 5:7

Ariroho suhuon hiniluk wilil, hit hinindi seneni ebetuk ahebon epmano obog At hinaso werehon etno yig ituk amiek-o.