Filipi 4:19 - Allah Wene Hurumbik Keron

¹⁹ Eke At Nikni Allah, yi angge di angge obog unde werehon etnowen At Kristus Yesus inuk fam Aren angge erlog-at og hisahu-o.

Filipi 4:19 ပူးပေါင်းရင်းမြစ်များ

Matius 6:32

It aphe Allah wene inapelehon etnowen ariroho inahla buruk-o. Eke hit hinindi ebetuk ahebon ari At Hinikni boholma werehon etno iluk-o.

Yohanes 20:17

Yig ituk apagma, eke At Yesusen yig ituk wilil, “An Nikni ambeg awan laharuk eleg neyeheg, hinggik sen nea fug-o. Ari halug, hat An nomini epmano inambeg lamihinteg, yig isaruk wilil, ‘At Ninowe etnowen hit An ninim Ninikni Allah etno ambeg laharuk ahi-o,’ ulug yig nerehek-o, ulug haren yig isa lag-o,” ulug yig epag.

Yohanes 20:27

Yig isaruk apareg, eke at Tomas etno yig ituk wilil, “Ninggik ahul nahambut duma hilanggen bikharuk apmihinteg, hinggik kolabin-o. Eke nombandu nahambut elma epma hinggik-dot undamaroho kolapfin-o. Ariroho kolapfuruk apmihinteg, hindi biren welahenon etno sohorep isalug, demat ulug An nobam hindi ebetuk amin-o,” ulug yig epag.

Roma 1:8

Nomini-o, an wene misig du yig hisik-o. It o ahik ya da epmanowen it Roma aphe Allah wene fanoroho waruk-o, ulug il nuruk isalug, an At Yesus Kristus inuk fam Ninikni Allah wa ulug yig ituk ahi-o.

Roma 11:33

Eke At Allahen ahla burukon ari mondog suon neken-at wereg-o. Eke At ebe indi oag werehon etnowen yi angge di angge alem obog-at iluk wereg-o. Eke Aren duroho suhuk ulug ahla burukon etno at sen alem heahaku-o? Eke alem ariroho suhuk ulug indi ebetukon etno sen aren baluhu-o?

Roma 2:4

Eke At Allah etno ninabua nisaruk wereg heheg, at une sebeluk ulug uruk ahen ano? Eke nit dag suruk aheon epmano ninobam ninapelegsoho apma ninombisahalug, ninindi wereg amag ulug ninabuen yig nisarukon epmano hapelegma uruk ahen ano?

Roma 8:18

Eke kidia alem dahon ninobam umburukon ari hag doron-at-o, eke fobik suontep nisahuon etno hag mondog suon at-o, ulug nahla buruk ahi-o.

Roma 9:23

Eke Aren it aphe nin anggoloroho inabua isaruk atlug suontep isawon etno iniluk amag fuloko imbisebag-o.

2 Korintus 12:21

Eke an fobik hinambeg waruhukseg fam At Allahen hit hinanggelegma epmen seberep nahaku ari nambit-o. Eke it ap nin hinanggelegma werehon epmano bilin dag suruk wilil, wanggik seheg, eke dahan fahan seheg suruk atuson epmano sohorep iseheg eleg-at wereg isalug an ioba yaruhuk ari nambit-o.

2 Korintus 4:17

Eke kidia nanggog atuk wilil, ninahap dag atuk aheon dorat welamuhukseg, fobik ninitog mondog wilil ninebe suon fano mondog welamuhuk-o.

Efesus 1:18

Eke hit fanoroho hinindi ebetuk hisalug, fano hinabiog ulug wol hisarision etno inim, eke At udaki ahien inobam umburuk wilil, og hisahuk ulug abug yig hisarision etno inim,

Efesus 1:7

Eke At Kristus etno amep deloko umbulug warapareg fam, nit hag ninili waruk wilil, dag suruk aheon epmano sohorep isalug, ninobam ninapelegsoho At apma ninombisaharuk-o.

Efesus 2:7

Eke At Yesus Kristus etno og nisaruk wilil, At Allahen An nindi hinobam hunduhuk wilil hinabua hisaruk ahi-o ulug selegmaroho yig nisarision etno it yi aphe di aphe fobik welamuhubon epmanowen At Allahen demat anggolo og nisaruk-o, ulug inahla bukag ulug yig nisarisi-o.

Efesus 3:16

Eke At Allah suon yi angge di angge obog unde werehon etnowen Aren angge Roh Kudus etno fam hinindi oag werehep hisahakeg,

Efesus 3:8

Eke an nebe it Allah udaki epmano inahla mondog doron-at seberoho welahion oke, it Allah wene inapeleg welatuson epmano wene fano wene yig isil lawag ulug minduhup naharisi-o. Eke anden yig isaruk wilil,

Filipi 4:7

Eke At Allah ninim dambuk ninabukon wene etno waruk ahe oke, nin ebebuk ninapeleg atukon etno At Allahen og nisarukmu, nit At Kristus Yesus obam ebetuk niseheg, ninindi etno inim, eke ninahla buruk aheon epmano inim At ninim healeg welaheon etnowen dahap suk nowen ulug fanoroho sen ninabuhu-o, nomini.

Kolose 1:27

Eke wene amuk heraho welapahon etno yi aphe di aphe bukaloko yig isawag ulug suon, fanowon-at wereg-o. Eke wene fanowon yig nisarukon etno ebe du at-o, At Kristus hinindimu wereg halug, At ebe ilitoho Allah hinim suon-at welamuhup-o.

Kolose 3:16

Eke At Kristusen ebahon wene etno mondog hinindimu ebereg welamag-o. Eke at misihen yanggul hiseheg at misihen yanggul hiseheg, hinindi hiniluksoho wilil, Allah wene uruk amuhup-o. Eke di etno uruk wilil, i-u inim, enggangga inim, hinune fanoroho uruk amuhup-o. Eke At Ninikni Allah wa ulug, hinahla buruk wilil, di uruk amuhup-o.

1 Tesalonika 2:12

Eke hinesanggo wareheg, eke yonggon hinabeheg suruk wilil, At Allahen an weregma ninim suon welamuhuken ulug wol hinaptuk-o ulug ariroho yig hisaruk wilil, At Allah ahien hisawagsoho hit Allah wene etno ilitoho suruk amiek-o, ulug yig hisaruk atukuk-o.

1 Timotius 6:17

Eke it inaharek kweanmon yi angge di angge anggolo werehon halug, inindi suontepataruk wilil ninaharek epmano fam fano welaruhuk-o ulug uk nowen ulug yig isimin-o. Eke nit ninahien hawag ulug At Allah yi angge di angge anggolo og nisarukon etnowen-at fano ninabuhu-o ulug uruk amagsoho yig isimin-o.

Filemon 1:4

Nomin Filemon wai. An nintul nantul sembahyang uruk wilil, hat hake eheg, eke Nikni Allah hat farim wa yig ereheg suruk ahi-o.

1 Petrus 5:1

Eke kidia an Allah wene yig isaruk ahion etnowen hit Allah wene yig isaruk ahebon epmano an wene misig yig hisaruk ahi-o. An At Kristus obam dahon umburukmu nilanggen harikikon etno fobik At ninim ilitoho welamuhuk-o, ulug yig hisaruk ahi-o.

1 Petrus 5:10

Eke kidia horog dorat dahon etno hinobam umburukmu, fobik At Allah ninabua nisarukon etnowen fano hinabuhu-o. Aren At Kristus hinim ilitoho wilil, hinoag weregsoho welamuhuben ulug fano hinabuhu-o.