Filipi 4:14 - Allah Wene Hurumbik Keron

¹⁴ Ariroho suruk ahion oke, kidia an yi angge di angge epmano elegma, hiren yalmag naptikip ari fano-at sirikip-o.

Filipi 4:14 ပူးပေါင်းရင်းမြစ်များ

Matius 25:21

Yig ituk apagma, at ikni etnowen yig ituk wilil, ‘Hat nanggimbu hobabut fanoroho wilil yabuk suk harug fanowon etno ilitoho-at sirikin-o. Eke uang anggen dorat oke, fanoroho aso welatikin ari famen, fobik uang anggen anggolo aso welamag ulug minduhup hahakuk-o. Ariroho minduhup hahakuk ari, an hikni ninim ninahien hahuken ninim kuhuk-o,’ ulug yig epag-o.

Roma 15:27

inonggarehen-at ariroho inahla burusa oke, it inaharek elehon epmano og isuog ulug nomat neken inobam wereg-o. Eke it aphe bilin Allah wene inapeleg welatuson epmanowen wene fano wene etno wawag ulug it Yahudi aben yig isarusareg fam, kidia it aphe bilin Allah wene inapeleg welatuson epmanowen inaharek yi angge di angge epmano it Yahudi ap og isao ari fano at-o.

Galatia 6:6

Eke ap misig at ap misihen Allah wene yanggul itukon halug, at aharek yi angge di angge epmano ap yanggul itukon etno og ituk amag-o.

Filipi 1:7

Eke hit nintul nantul an nindimu neken welahep ari fam, an nahientoho hinobam ebetuk ahi-o. Eke bilin an nebe o ahik ya da laruk wilil, Allah wene yig iseheg, eke inindi ayeg warep iseheg, suruk atikikseg, kidia an nebe hele wareg welahion oke, At Allahen nit obog ninabua nisawon wene hit an ninim dambuksoho seneg welatukuk-o.

Filipi 4:18

Eke hiren nombaharikibon etno arat og nitisimu, kidia yi angge di angge obog-at wereg-o. Eke hiren yi angge di angge nombaharikibon epmano at Epafroditus etnowen og nirik waharisireg fam, kidia an naharek obog-at wereg-o. Eke hiren an nombaharikibon epmano ambusu amben fanowon neken At Allah ake ulug umburuk atikipseg fam, At Allah ahien hisahu-o.

1 Timotius 6:18

Eke it inaharek werehon ari, fanoroho seheg, eke aphe yi angge di angge og iseheg, eke inobabut fanoroho welaheg suruk amag ulug yig isimin-o.

Ibrani 10:33

Ariroho welatikipseg fam, fobik aphe obog inil fam selegma-at hinobam denggeleheg, eke dahon nin hinobam embeheg suruson oke, hit hinindi hinahlahiroho wilil, it nin dahon inobam umburuson epmano nit ninim-at ninobam umbukag-o, ulug hinim dambuksoho welatikip-o.

Ibrani 10:34

Eke hinebe hele waroko aphe dahon imbisaruk ambeg epmano-at welatikip-o. Eke hinaharek diloko holaruk isalug, hinahientoho-at wilil, fanowon itog mondog welamon etno-at og nisahu-o ulug hinahla buruk wilil, hinahientoho welatikip-o.

Ibrani 13:16

Eke hiren fanoroho suruk amon etno hinapeleg am sohorep isalug, hit hit nabua habua suruk amuk-o. Ariroho suruk wilil, At Allah ake umburuk etno hag suruk hisalug, ahien hisahu-o.

Wahyu 1:9

At Yohanes etnowen wene holal umburuk wilil, “An hinomin Yohanes etno alem Allah wene inim, eke At Yesus Kristus inuk etno inim yig isil larikikseg fam, ik anggenma inuk Patmos etno lahap naharusama welatikik-o. Eke hit dahon hinobam umburuk etno hag, an dahon nobam umburusa-o. Ari halug, At Allah weregma welamu­hukon inim eke At Yesus Kristus inuk fam wene demat urukon etno inim hit ninim dambuksoho waruk ahe-o.