Filipi 3:8 - Allah Wene Hurumbik Keron

⁸ Eke At Ninowe Yesus Kristus ninim wilil At ebe niluk welahion etno ari-at fano ulug nahla buruk ahi-o. Eke yi angge di angge ninon obog doron-at ulug At Kristus inuk fam hik isarikik-o. Eke ariroho hik isaruk atikikseg, At Kristus ninim dambuksoho welamon etno-at huliog ulug nahla buruk ahi-o. Eke wene duroho suruk amuk eke duroho suruk am fug ulug ebahon etno it apheyen inesanggo holtug,

Filipi 3:8 ပူးပေါင်းရင်းမြစ်များ

Lukas 1:43

Yig ituk apareg, nin eke fobik yig ituk wilil, “An hweap doron-at oke, hat Ninowe isina du, keroho ulug nea wahen-o?

Lukas 11:20

Eke An At Allahen oag werehon etno og nitukmu, setan lisoko wilip isaruk ahi-o. Eke ari fam At Allah weregmen sukon etno horog fanggog ehek ulug hinindi ebetuk amiek-o,” ulug yig isebag.

Yohanes 14:20

Ariroho hiniluk wilil, An Nikni ninim ninebe misig-at welahe etno hag, hit An ninim ninebe misig-at welaheon epmano o ari sambit hiniluk amuhup-o.

Yohanes 14:7

Eke hit kidia An nebe hiniluk atikip etno fam, An Nikni hiniluk atikip-o. Hiniluk atuk atikipseg, kidia hiren At ebe etno hinilanggen haruk wilil, At ebe hiniluk welahep-o,” ulug yig isebag.

Yohanes 16:3

Ariroho inahla buruk amuhup ari, iren An nebe inim, An Nikni etno inim inapelehen-at suruk wilil, inahla buruk amuhup-o.

Yohanes 17:3

Eke iniluk welamon etno og isaruk ahi ari, Hat Allah hakeleg-at suon welahenon etno inim, eke At Yesus Kristus lahap nabik waharikinon etno inim obog-at iniluk ari fam, iren iniluk welamon etno holaruk-o.

Yohanes 17:8

Eke wene Haren og nitikinon etno yig isaruk atikikmu, iren eberoko warusareg, At Yesus etno At Allahen lahabik waharisimu, ebe At Allah wereg ambeg epmen demat waharisi hehe-o, ulug iniluk atisi-o.

Yohanes 20:13

Ilanggen isaruk apagma, it malaikat etanowen yig ituk wilil, “Hwe du, hat nulug ioba yatuk ahen-o?” ulug yig epag. Yig ituk apagma, at etnowen yig isaruk wilil, “An Nowe etno walug wilip ahesa ari, epma imbik lahesa ulug an napelehen ioba yatuk ahi-o,” ulug yig isebag.

Yohanes 20:28

Yig ituk apagma, at Tomas etnowen yig ituk wilil, “Hat Nowe, Allah-at welahen hiyihi-o,” ulug yig epag.

Kisah Para Rasul 20:24

Ariroho yig nitisimu, an nebe niluk wilil, nili holao ulug yig hisaruk ahi fug-o. Eke At Ninikni Allahen ninabua nisarukon wene fano wene etno it aphe obog yig isawag ulug At Ninowe Yesusen an nebe etno minduhup naharisi-o. Ariroho yig nitisi famen an neyabuk og nitision etno-at suhuk ulug nahla buruk ahi-o.

Roma 8:18

Eke kidia alem dahon ninobam umburukon ari hag doron-at-o, eke fobik suontep nisahuon etno hag mondog suon at-o, ulug nahla buruk ahi-o.

Roma 8:39

eke yi angge di angge wal hebahon etno inim, it obog epmanowen nit At Allah ninim hunduhuk welaheon etno healep nisahakup fug-o. Eke At Allah nit ninebe indi hunduhuk wereg ari, At Ninowe Yesus Kristus obam ebetuk nisalug, ninebe indi hunduhuk wereg-o.

1 Korintus 2:2

Eke anden hit hinanggelegma epmen wene werlekon yig hisarikik fug-o. At Yesus Kristus awene etno-at yig hisarikik-o. Eke At Kristus e fam lenggaloko embebagma warapahon wene etno-at yig hisao nahla birikik-o.

1 Korintus 9:10

eke nit farim ariroho ebag buruk ahep ano? Eleg-o. Ariroho ebag ari nit farim-at ebag-o. At ap kwean yultukon etno inim, eke at anggen loltukon etno inimen ineyabuk inakeleg sik-at suruk wilil, fobik anggen balehon epmano sumburoko og nisawag ulug yabuk suruk-o.

2 Korintus 4:4

Eke it ariroho urukon epmano-at o kweanma duma inowe dahon etnowen o hikmu neken imbisaruk halug, iren wene fano wene du demat ulug inindi ebetuk eleg-o. Eke wene fano wene arien At Kristus Allah olohore ilitoho werehon etno-at suon wereg ulug yig nisaruk ari, o seleg neken wereg-o. Eke o seleg etno it aphe demat ulug ebetuk elehon epmanowen inilanggen ha nowen ulug at setanen o hikmu neken imbisaruk-o.

2 Korintus 4:6

Eke amuk At Allahen uruk wilil, “O hik wereg ambeg epma seleg amag-o,” ulug ebag etno hag, kidia ninindimu Aren o seleg etno og nisaruk-o. Eke o seleg og nisarukon etno At Yesus Kristus olohotmen fisag ninaptuk wilil, At Allah etno abikag suruk wilil alon werehon-at wereg-o, ulug niniluk amag ulug yig nisaruk-o.

Galatia 1:16

Wol naptuk atisireg, eke anden At Kristus awene fano wene etno it aphe Allah wene inapelehon epmano yig isil lawag ulug At Amloho awene etno obog-at bukaloko yig nituk atisi-o. At Allahen ariroho yig nituk heheg, eke an ap misihen yanggul nemag ulug aphe inambeg larikik fug-o.

Efesus 4:13

Eke ariroho minduhup isarisireg fam, nit obog ninindi ebetuk aheon epmano obog-at dambuksoho misig-at ebetuk wilil, At Allah Amloho etno ebe fanoroho niniluk aruhu-o. Ariroho niniluk aruhumu, nit udag doron neken welaheon epmano sohorep isalug, fobik ninanggohon neken atuk amuhukseg, At Kristus ebe suon fanowon etno obabut ilitoho welamuhuk-o.

Filipi 1:1

Nit Paulus Timotius At Kristus Yesus anggimbu etnowen hit Allah udaki At Kristus Yesus awene waruk wilil, o Filipi welahebon obog inim, eke hit hinindi aso welahebon inim, eke hit yalmag inaptukon epmano inim,

Filipi 3:10

Eke At Kristus ebe niluk welamon etno inim, eke At ebe iluk atlug minapareg fam oag werehon og nisawon etno inim, eke At obam dahon umburusa etno hag an nobam umbukon etno inim,

Filipi 3:12

Nomini-o, anden fanowon etno arat holarikik ulug suontepataruk wilil uruk ahi fug-o. Eke At Kristus Yesus etnowen nili wiog ulug nebe og naplug waharisi etno fam, an fanowon etno huliog ulug suruk ahi-o.

Filipi 3:7

Ariroho welatleon oke, eke bilin yi angge di angge duma fam ninili wahu ulug nahla birikikon etno At Kristus inuk fam sohorep isarikik-o.

2 Timotius 4:6

Eke Allah ake umburuk etno hag, an nebe Allah ake neken umbukon fanggog ik waha-o. Wene ihi ari an nebe waramon etno fanggog ik waha-o.

Ibrani 3:14

Eke nit bilin ninindi oag weregsoho wilil Allah wene warukuk etno hag, nintul nantul-at senebuhuk halug ari, At Kristus omini-at welamuhuk-o.

1 Petrus 2:7

hit Allah wene waruk ahebon epmanowen, “O wut oag du fanowon-at hehe-o,” ulug uruk ahebon oke, eke wene holal misig du wereg-o, “It o faltukon epmanowen o wut oag du sohorep isul uruson oke, eke Anden o wut oag ulug minduhupfirikik-o,” ulug ariroho ebag.

2 Petrus 1:2

Eke At Ninikni Allah, Ninowe Yesus inimen fanowon etno suroho og hisawag ulug, anden heahi war hinaptuk ahi-o.

2 Petrus 1:3

At Allahen at ninim ilitoho welamuhuken ulug wol ninaptision etno niniluk wereg halug, At suon oag werehon etnowen yi angge di angge fanowon epmano og nisarisi-o.

2 Petrus 1:8

Etno obog-at holaruk amuhukseg, Ninowe Yesus Kristus niniluk wilil, ninim mondog-at sil nuruk amuhuk-o.

2 Petrus 3:18

Nomini, ari At Ninowe Yesus Kristus hinim hinindi hunduhuk wilil, At awene warukmu hinindi oag wereg atlug hinindi hunduhuk welamag ulug yig hisihi-o. Eke At dil ninaptukon etno inuk suontepfuruk ahe etno hag, At inuk mondog-at suontepfuruk amuhuk-o. Ulug an demat yig hisihi-o, ulug yig isebag.

1 Yohanes 1:3

Eke ninesanggo holtukukon etno hit-at yig hisaruk ahe-o. Eke hit ninim ninomini atlug, Allah ninim eke Amloho Yesus Kristus ninim dambuksoho welahe-o.

1 Yohanes 2:19

Antikristus inebe anggolo atuson epmano ninim welatukukon oke, eke ninim welahe fug-o. Ninim welatlomen, nit welahe ambeg welatlep-o. Eke it inebe niron elegma, selegma amag ulug wilip atusa-o.

1 Yohanes 5:20

Eke At Allah Amloho etno waharuk apareg, aren Allah wene du demat yig hisaruk ahi-o ulug yangguloko yig nisebag. Wene ariroho yig nisebag halug, At Allah ninim, Amloho Yesus Kristus etno ninim ninindi hunduhuk welahe-o. Ari At Allah Ninikni-at wereg-o. Aren niniluk wilil ninitog mondog welamon etno-at og nisaruk-o. Ari demat-o, ulug nit niniluk atuk-o.