Filipi 3:20 - Allah Wene Hurumbik Keron

²⁰ Eke it ariroho suruk oke, eke nit hag boholma lahuk ulug welahe-o. Eke At Ninowe Yesus Kristus ninili warukon etno boholmen ambik waruhu ulug aso welahe-o.

Filipi 3:20 ပူးပေါင်းရင်းမြစ်များ

Matius 19:21

Yig ituk apagma, At Yesusen yig ituk wilil, “Hat nobabut fanoroho welam hahla buruk wilil halug, hat yi angge di angge anggolo werehon etno fam uang anggen onggo baloko it aphe inaharek elehon epmano sumbut isa lag-o. Og isaruk healug, hat haharek boholmen anggolo-at og hiruhu-o. Ari halug, An ninim sil nuruk amuhuken ma-o,” ulug yig epag.

Lukas 12:21

Yig epahon etno At Yesusen yig isaruk wilil, “Ari halug, it aphe At Allah il fam inaharek eleg neken werehon epmano inonggarehen yi angge di angge anggolo ombataruk oke, ariroho-at waratuk-o,” ulug At Yesusen yig isebag.

Lukas 14:14

Eke it aphe epmanowen onggo esag humon oke, inaharek elegma, At Allah ahien hinobam umbuhu-o. Eke At Allahen it aphe fanowon iniluksoho minduhup isahu ari sambit onggo fanowon epmano og hisahu-o,” ulug At Yesusen yig isebag.

Kisah Para Rasul 1:11

yig isaruk wilil, “Hit o Galilea ap du, keroho ulug hinilanggen boholma lahaboho welahep-o? At Yesus boholma walug lahakek etno ilitoho, fobik boholmen ambik waharuk hinilanggen hahup-o,” ulug yig isebag.

1 Korintus 1:7

Ariroho warikipseg fam, hit o epma At Ninowe suon Yesus Kristus selegma aruhuon etno aso wilil, At Roh Kudusen og hisawon etno obog-at holarikip hisihi-o.

1 Korintus 15:48

Eke it kweanmon ari at kweanmon etno ilitoho-at wereg-o, eke it boholmon ari At boholmon etno ilitoho-at wereg-o.

2 Korintus 4:18

Eke yi angge di angge ninilangge isaruk ahe fuhon etno hag huluog ulug ninahla buruk ahe-o. Eke yi angge di angge ninilanggen isaruk aheon ari fahe eleg atuk oke, yi angge di angge ninilanggen isaruk ahe fuhon ari initog mondog-at welamuhup-o.

2 Korintus 5:8

Eke ari halug, ninindi oag weregsoho-at wilil, nit ninebe ninibam duma neken welaheon epmano sohorep isalug, At Ninowe ibam epmano ninim welam ninindien suruk aheon oke,

Galatia 4:26

Eke o Yerusalem boholmon etno fanowon suon neken wilil, nit ninisina neken wereg-o.

Efesus 2:19

Eke ari halug, hit Allah wene hinapeleg welatikibon epmano kidia huso neken welahep fug-o. At Allah udaki hinim hinungguluag misig-at welahep-o. Eke At Allah udaki epmano hinim o yuwi misig-at neken welahep-o. Eke it Allah wene hurumbik yig isarukon epmano inim,

Efesus 2:6

Eke nit At Kristus Yesus ninim dambuksoho ninombisaharuk atisireg, nit At Kristus ninim boholmen suon welamag ulug minduhup nisaharisi-o.

Filipi 1:10

Eke ariroho Allah wene etno hinindimuen su atuk aruhumu, du dag du fano ulug yi angge di angge inakeleg sik imbisaruk amuhupseg, eke fobik At Yesus Kristus waruhu ari sambit hinobabut fanowon inim, eke apheyen hinobam denggeltuk elehon etno inim, hinobabut arion-at welamuhup-o.

Filipi 1:27

Eke an nebe, fobik bik hisa waruhuk ano eleg ano ulug napelegma, hit wene alem misig du suruk amag ulug yig hisaruk ahi-o. Eke wene yig hisaruk ahi ari, At Kristusen wene fano wene etno fam ariroho siek ulug yig hisarukon etno hiren ilitoho sukag ulug yig hisaruk ahi-o. Eke hit hinindi misig-at dambuksoho wilil, hinoag weregsoho-at wene fano wene etno demat ulug ebetuk ahe-o ulug urukmu nesanggo holuhuk-o.

Kolose 1:5

Eke hit o amuken wene fano wene hinesanggo holtikipseg fam, boholmen fano ninabuhu-o, ulug hinindi ebetuk wilil, demat ulug uruk ahep-o.

1 Tesalonika 1:10

eke At Amloho Yesus aphe waratuk ambeg epmanowen iluksoho minduhupfuruk apagma, At Allah asineyen yig nisarukmu, dil ninapahon etno boholmen waharukim aso welahebon etno inim, it aphe obog iniluk wilil yig nisaruk-o.

1 Tesalonika 4:16

Eke aren duroho suhu-o, at malaikat inowe etnowen une suon uruk aruhumu, eke Allah ambinggon etno une uruk heheg, At Ninowe etno ambik waruhu-o. Ambik waharuk aruhureg, it At Kristus obam ebetuk wilil waratuson etno bilin iniluksoho minduhup isahu-o.

2 Timotius 4:8

Eke o ari sambit At Allah aphe fanoroho oag del inaptukon etnowen At udaki iniluk welamon etno og niruhu oke, an-at og niruhu fug-o. It aphe inindi At Yesus inim hunduhuk wilil At wamon aso werehon epmano obog-at og nisahu-o.

Titus 2:13

Eke nit ninindi ninahientoho wilil, At Allah suon, Ninowe Yesus Kristus ninili warukon etno At ebe suon wamon etno aso wereg niseheg yanggul nisaruk-o.

Ibrani 12:22

Eke hit hag dom Sinai alma epmano laruk atikip fuhon oke, dom Sion ari At Allah iluk mondog werehon etno ibam, o Yerusalem boholmon, it malaikat inebe anggolo beribu-ribu wereg ambeg epmano hag horogsoho waharikip-o.

Ibrani 9:28

Ariroho suruk etno ilitoho, At Kristus nit yi aphe di aphe obohen dag suruk aheon epmano elehap sukag ulug misihim-At Allah ake waroko embebag-o. Ariroho waroko embebag etno fam, fobik misihim waruhu ari, niren dag suruk aheon elehap siog ulug waruhu fug-o. Nit At wamon aso welaheon epmano ninili wiog ulug-at waruhu-o.

Wahyu 1:7

Eke fobik At ebe hena famen ambik waharukmu, it aphe obog inim, eke it ebe wapahon etno inim inilanggen haruk amuhupseg, it aphe o kweanma obohen ioba yabuhup-o, ulug ihi ari, an demat yig hisaruk ahi-o. Amin.