Filipi 3:2 - Allah Wene Hurumbik Keron

² Eke it ap dag surukon epmanowen yangge neken wilil, hiniyunggul ambilik balsaruk amiek-o, ulug urukon etno yaharoho welamiek-o.

Filipi 3:2 ပူးပေါင်းရင်းမြစ်များ

Matius 24:10

Eke o ari sambit it aphe nin inindi demat ulug ebebuhubon epmano sohorep isahup-o. Sohorep isaruk amuhupseg, irit at misihen at misig hele wabukag ulug abug baleheg, eke at misihen at misig hele wabukag ulug abug baleheg, eke irit nambit hambit eheg suruk amuhup-o.

Matius 7:15

Eke At Yesusen yig isaruk wilil, “It ap wene demat uruk elehon etno hinambeg waharukim yaharoho welamiek-o. It etno inasum selemon wam domba ahap neken wantehon oke, eke inindi undama oloyangge etnowen suruk hag aphe yuhun-at ayeg libil inaptuk-o.

Matius 7:6

Eke yi angge di angge fanowon etno it yangge og isa fug-o. Sulanggen fanowon etno wam elma hik ha fug-o. Hik hahunmu fobik wam iohen hondorepfulug dahagsoho libil habuk nowen og isa fug-o,” ulug yig isebag.

Roma 2:28

Eke at misig ahap selemen Yahudi ap neken wilil, ebe iyunggul ambilik balehon etno demat Yahudi ap neken wereg eleg-o.

2 Korintus 11:13

Eke it nit mondep nisahabahon at-o, ulug urukon ari, inenggal-at nit nineyabuk du at-o, ulug uruk wilil, At Kristus omini mondep isebahon epmano ilitoho welamuog ulug inobabut akelehon neken suruk-o.

Galatia 5:13

Eke ari halug, nomini-o. Hit hinebe anggimbu neken welamon etno sohorep isalug, ap inindi werehon neken welamag ulug wol hinaptisi-o. Ariroho wol hinaptisireg fam, hinindi weregsoho wilil, kweanmen yuhun-at surukon etno suruk am fug-o. Eke hit hinomini hinindi hunduhuk wilil, hit hit yalmag yalmag suruk amuk-o.

Galatia 5:15

Eke wam elien it it aptuk etno hag, hit nambit hambit uruk wilil, hit hit healtuk ahep ari, ninonggarehen watehe ha nowen ulug hinahla buruk wilil, yaharoho welamag ulug yig hisihi-o.

Galatia 5:6

Eke nit At Yesus Kristus ninim hunduhuk wereg nisalug, wene niniyunggul ambilik balukon etno alem eleg neken wereg-o; eke nit At Kristus obam ebetuk wilil, ninim hunduhuk welahe etno fam wene Aren ebahon etno ilitoho sukon ari alem suon neken-at wereg-o.

Filipi 3:19

Eke it epmano fobik o dagma lahup-o. Eke it inikni suon neken inahum-at wereg-o. Eke it yi angge di angge inenggali haon epmano fam suontepataruk-o. Eke it yi angge di angge kweanmon epmano-at inahla buruk-o.

Filipi 3:3

Eke nit hag Roh Kudus etno fam At Allah inuk weheg, eke At Yesus Kristus ninim wilil ninahientoho welaheg suruk ahe fam nit hag niniyunggul ambilik baleg neken welahe-o. Eke it iniyunggul ambilik balehon epmano inenggal-at wereg-o. Eke nit hag yi angge di angge nininggiken surukon epmano fam ninili wahu fug buruk ahe-o.

1 Timotius 1:19

Ari halug, hat hobabut fanoroho suruk amin-o. Eke it ap ninen inobabut surukon etno yaha fanoroho wereg eleg isalug, iren demat ulug eberoko warukon etno inapeleg atisi-o.

Titus 1:16

Eke inuneyen nit At Allah ebe niniluk-o ulug urukon oke, eke iren surukon etno fam At Allah ebe inapeleg-at-o, ulug selegma atuk-o. Eke it epmano yi dag di dag seheg, eke Allah wene inesanggo holuk sohorep iseheg, eke fanoroho suruk amon etno inapeleg aheg suruk-o.

2 Petrus 2:22

It ariroho surukon ari, yanggeyen wamen suruk etno ilitoho suruk-o. Eke at yangge etno fobo witlug, fobik iog suhuluk na laruk-o. Eke it wam kume watuk elehon etno hubut-at wataruk wilil, urunanggeroho sil nuruk etno hiniluk-o.

Yudas 1:4

Ari it ap Allah wene uruk ahe-o ulug herako neken hinambeg waharuson epmano, inenggal uruk isalug, Allah inuk inapeleg-at hinambeg waharusareg uruk-o. Dag surukon etno fano at-o, uruk isalug, it epmanowen At Allah ninabuen surukon etno olohotma dahapfurusa-o. Eke amuk holal baleg fam wene ebahon etno ilitoho, iren At Ninowe Yesus Kristus ebe ninapeleg uruk-o. Ariroho uruk isalug, oag deloko dagma imbisahu, ulug holal fam wereg-o.

Wahyu 2:9

Eke kweanmen hina­harek dorat wilil, boholmen hinaharek anggolo welahep etno niluk-o. Eke it nin iblis udaki wilil oke, nit Yahudi ap wela­he-o, ulug inenggal-at yig hisarusareg, inune dahon hinobam umburusa etno niluk-o.

Wahyu 21:8

It epmano og inaptuk aruhukon oke, eke it inakol werehon inim, it fanoroho ebetuk elehon inim, it dahon inim, it ap watukon inim, it wanggikon inim, it usa surukon inim, it kwanangge senehon inim, it inenggal urukon inim, it epmano obog hondok helep wandal hahon etnowen inahu ambeg epmano welamuhup-o. Birenam waratukon ari mondog-at senebuhup-o,” ulug yig nitukmu nesanggo holtikik-o.

Wahyu 22:15

It epmano epma kuhubon oke, eke it yangge neken sil nurukon epmano inim, it usa surukon epmano inim, it wanggik surukon epmano inim, it ap watukon epmano inim, it kwanangge senehon epmano inim, eke it dahan fahan suruk wilil inenggal urukon epmano inim, it epmano obog-at o selema welamuhup-o.

Wahyu 3:9

Eke it iblis udaki epmanowen nit Yahudi ap-at ulug inenggal-at urukon etno, Anden hinolohotma imbisahukmu, inolohore wandukso­ho wereg iseheg, suontep hisahakup-o. Suontep hisaharuk wilil, hit hinebe An ninim nindi hunduhuk welahion epmano iniluk aru­hu-o.