Filipi 3:19 - Allah Wene Hurumbik Keron

¹⁹ Eke it epmano fobik o dagma lahup-o. Eke it inikni suon neken inahum-at wereg-o. Eke it yi angge di angge inenggali haon epmano fam suontepataruk-o. Eke it yi angge di angge kweanmon epmano-at inahla buruk-o.

Filipi 3:19 ပူးပေါင်းရင်းမြစ်များ

Matius 16:23

At Yesus etnowen olohore dahagsoho at Petrus etno yig ituk wilil, “Hat iblis nambolma welahen ari wilip amin-o. Haren An nolohot baltuk ahen-o. Eke hat At Allahen indi ebetuk etno hag ebetuk ahen fug-o. It apheyen inindi bulug uruk etno hag ehen hihi-o,” ulug yig epag.

Matius 25:41

Ariroho yig isaruk aruhukseg, eke fobik it aphe ninggik harebag fil werehon epmano yig isaruk wilil, ‘Hit aphe wene homali neken hinobam werehon du, hinebe An wereg ambeg dumen wilip amiek-o. Wilip atuk atlihipseg, o hondok olokma at iblis ebe inim eke it at anggimbu epmano inim welamag ulug embebag ambeg epmano-at hinim welamuhuben aliek-o.

Lukas 12:19

Eke fobik yabuk anggin elehon-at suruk wilil, orom inim, ik inim naruk aruhukseg nahien hahuk-o, ulug ahla bebag-o.

Lukas 16:19

At Yesusen yig isaruk wilil, “Ap misig aharek anggolo werehon etno sum onggo anggolo umburukon etno wanteheg, eke nintul nantul yi angge di angge anggolo nenggeg suruk wilil welapag-o.

Lukas 18:4

Ariroho nintul nantul yig itukmu, at ap aphe oag del inaptukon etnowen bilin, ‘Eleg-o,’ ulug ahlahiroho-at welapareg oke, eke fobik ahla buruk wilil, an aphe inim Allah inim nahlahiroho-at welahion oke,

Roma 16:18

Eke it epmano hag At Ninowe Kristus eyabuk sukon etno suruk eleg wilil, yi angge di angge og isawon etno-at heahil sil nuruk-o. Eke ariroho sil nuruk ari, inune fanoroho uruk wilil, inune esoho fanoroho eheg suruk etno fam it aphe inobabut fanowon etno inenggal-at yig isaruk-o.

Roma 6:21

Eke ariroho wilil, yi angge di angge kidia hinenggali haruk ahebon epmano suruk atikip etno fam, fano atukuk ulug buruk ahep ano? Ari eleg-o. Dag surukon ari enggabuk neken waratukon etno-at wereg-o.

1 Korintus 3:3

Eke kidia ariroho-at hinindi kweanmon epmano hunduhuk wilil, arikon epmano nao hai-at welahep-o. Eke it ap hinahla werehon epmen inindi inasine aheg, eke nambit hambit eheg, suruk isalug, hinebe kweanmon epmano hinindi hunduhuk eleg welahe buruk ahep ano? Eke aphe kweanmon epmano inobabut ilitoho suruk ahe fug ulug hinahla buruk ahep?

1 Korintus 5:2

Eke hit ariroho suruk ahebon oke, hiren nit fano ulug uruk ahep ari, keroho ulug uruk ahep-o? Eke hinahien sukon etno sohorep isalug at ap ariroho surukon etna hinanggelegmen lisoko wilipfuog ulug ioba yatlepmen fano.

1 Korintus 5:6

Eke hiren an suon hat suon uruk atikip etno famen fano sirikip fug-o. Eke roti su amag ulug dorat deloko belapfurukon etno fam obog-at su atuk etno hit hinapeleg neken welatikip ano?

2 Korintus 11:12

Eke it ap ninen nit mondep nisahabahon at-o ulug suontepataruk wilil, iren nit at Paulusen yabuk suruk etno ilitoho-at suruk ahe-o, ulug ariroho uk nowen ulug an kidia suruk ahi etno hag ilitoho-at suruk aruhuk-o.

2 Korintus 11:15

Eke at iblis etno ariroho obabut akelehon neken suruk halug, it aphe at anggimbu epmano at alem motoho surukon etno anggimbu neken welamuhuken ulug inobabut akelehon neken suruk-o. Ariroho suruk oke, fobik onggo ilitoho-at og isahu-o.

Galatia 6:13

Eke it epmano iniyunggul ambilik bal sarukon oke, wene duroho suruk amuk eke duroho suruk am fug ulug ebahon etno ilitoho suruk eleg-o. Eke iren nit nininuk suontep nisahukag ulug inahla buruk wilil, hiren hiniyunggul ambilik bal simiek ulug yig hisaruk-o.

Filipi 2:21

Eke it yi aphe di aphe epmanowen inonggareg ineyabuk sukon inahla burukon oke, At Yesus Kristus eyabuk sukon etno hag inahla buruk eleg-o.

Kolose 3:2

Eke kweanmon epmano hinindi ebebuk sohorep isiek-o.

2 Tesalonika 1:9

Imbisaruk amuhupmu, it epmano epma wilil, it At Allah olohore halug eleg At suon oag werehon etno inim welamuhup fug-o.

2 Tesalonika 2:12

Eke ari fam it aphe awene demat urukon epmano sohorep isalug, dag surukon etno inahiroho suruk ari fam, oag deloko o dagma imbisahu-o.

2 Tesalonika 2:8

Eke at ap dahon etno arat waharuk aruhumu, At Ninowe suon Yesus etno oag weregsoho waharuk aruhureg, At ele ahahe oag werehon etno fam ap dahon etno warepfuhu-o.

1 Timotius 6:5

Eke it ariroho surukon ari wene demat ulug ebetukon etno sohorep isalug wene du fam naharek anggolo aruhu-o, ulug inahla buruk-o.

2 Timotius 3:4

eke inenggal-at yig isarukon etno inim, eke nenekon neken sil nurukon etno inim, eke inonggarehen inindi lehepatarukon etno inim, eke At Allah inim inindi hundutuk welam sohorep isalug it inindien-at surukon etno inim,

Yakobus 4:16

Eke hinonggareg hinuneyen, “Ari suhuk, ari suhuk,” ulug suontepataruk ahep ari, dag-at suruk ahep-o.

2 Petrus 2:1

Nomini-o, amuk nabi ap inenggal ebahon it aphe inenggal neken yig isebag etno hag, it inenggal urukon epmano hinambeg watlug yig hisa wamuhup-o. Yig hisa wamuhupseg, wene inenggal uruk wilil, At Ninowe seberepfuruk amuhupseg, inonggareg inebe-at suontepatahup-o.

2 Petrus 2:13

Eke it inenggal wene urukon epmanowen aphe inambolma dahaltuk isalug, o dagma-at imbisahu-o. Eke it dag surukon epmano inenggali eleg wilil, o kweanmen surukon epmano selegma-at suk inindi-o. It ariroho surukon etno hinim orom naruk wilil, hinenggali war hinaptuk-o.

2 Petrus 2:3

It epmano inonggarehen yi wene di wene inahla buhupseg, hit hinebe inapmarep hisaharuk amuhup-o. Inapmarep hisaharuk amuhubon oke, eke at oag del inaptukon etno iluk wilil, fobik mondog dagma-at imbisahu-o.

Yudas 1:10

At malaikat Mikhael ariroho yig epahon oke, eke it ap dag surukon epmanowen urunangge neken wilil, yi angge di angge surukon etno farim inambilik butuk yig isaruk-o. Eke it ap epmano wam inahla buruk elehon etno ilitoho wilil, it inebe-at dag seko ombataruk-o.

Yudas 1:16

Ari halug, dagma imbisahubon ari, it inambilik butuk urukon epmano inim, it inune inabuaregsoho uruk elehon epmano inim, yi angge di angge suk ulug inahla burukon epmano inim, iren suontepatarukon epmano inim, it inenggal-at, nomin hat fano, ulug yig itukon etno inim, it epmano obog-at o dagma imbisahubon wereg-o.

Yudas 1:4

Ari it ap Allah wene uruk ahe-o ulug herako neken hinambeg waharuson epmano, inenggal uruk isalug, Allah inuk inapeleg-at hinambeg waharusareg uruk-o. Dag surukon etno fano at-o, uruk isalug, it epmanowen At Allah ninabuen surukon etno olohotma dahapfurusa-o. Eke amuk holal baleg fam wene ebahon etno ilitoho, iren At Ninowe Yesus Kristus ebe ninapeleg uruk-o. Ariroho uruk isalug, oag deloko dagma imbisahu, ulug holal fam wereg-o.

Wahyu 18:7

At etno bilin aharek suon welatisi etno, kidia doron wilil, ioba yabukag-o. Eke aren bilin suontepataruk wi­lil, “An hwe suon-at wilil, suhweon neken welaruhuk fug-o. Ioba yatuk aruhuk fug-o, ulug aren bilin suontepatarision oke, eke kidia o misihim-at mial arikon-o.

Wahyu 19:20

Ariroho suruk atusa­ma, eke at walo suon etno inim, at nabi aphe inenggal wene uruk amag ulug sukfugangge suruk wilil, it aphe at walo aholal ini­lahoag fam werehon etnowen walo ebe ilitoho sehon etno obam sembahyang ukag ulug sirision etno inim hele waroko it inebe biren etano o hondok olokma hik isarusa-o.

Wahyu 21:8

It epmano og inaptuk aruhukon oke, eke it inakol werehon inim, it fanoroho ebetuk elehon inim, it dahon inim, it ap watukon inim, it wanggikon inim, it usa surukon inim, it kwanangge senehon inim, it inenggal urukon inim, it epmano obog hondok helep wandal hahon etnowen inahu ambeg epmano welamuhup-o. Birenam waratukon ari mondog-at senebuhup-o,” ulug yig nitukmu nesanggo holtikik-o.

Wahyu 22:15

It epmano epma kuhubon oke, eke it yangge neken sil nurukon epmano inim, it usa surukon epmano inim, it wanggik surukon epmano inim, it ap watukon epmano inim, it kwanangge senehon epmano inim, eke it dahan fahan suruk wilil inenggal urukon epmano inim, it epmano obog-at o selema welamuhup-o.