Filipi 3:11 - Allah Wene Hurumbik Keron

¹¹ eke At ebe warapag etno hag, nindi dahon waramon etno inim, huliog ulug nahla buruk ahi-o. Ariroho nahla buruk wilil, eke niluk atlug nindi fanowon minamon etno inim huliog ulug nahla buruk ahi-o.

Filipi 3:11 ပူးပေါင်းရင်းမြစ်များ

Lukas 14:14

Eke it aphe epmanowen onggo esag humon oke, inaharek elegma, At Allah ahien hinobam umbuhu-o. Eke At Allahen it aphe fanowon iniluksoho minduhup isahu ari sambit onggo fanowon epmano og hisahu-o,” ulug At Yesusen yig isebag.

Yohanes 11:24

Yig ituk apagma, eke at hwe etnowen yig ituk wilil, “An nowe Lazarus etno o ari fam iluk atlug minaruhu ulug niluk-o,” ulug yig epag. Yig ituk apagma, eke At Yesus etnowen yig ituk wilil, “It yi aphe di aphe waratukon iniluksoho min inaptuk ahion An at-o.

Kisah Para Rasul 23:6

Yig isaruk atisireg, at Paulusen it Yahudi ap inowesi wonggaltuson epmano nin Farisi ap, eke nin Saduki ap weregma ilanggen isaruk atisireg, it obog yig isaruk wilil, “Nomini-o, an nebe bilin nikni ebe Farisi aben endag napagma, nebe Farisi ap welahi-o. Eke fobik it aphe obog iniluksoho minduhup isahu ulug nindi ebetukmu, naren baltuk ahep-o,” ulug yig isarisi.

Kisah Para Rasul 26:7

Eke it ninetamuki inungguluag dua belas epmanowen At Allah inuk nintul nantul suontepfuruk wilil, At Allahen hurumbik ebahon etno eberoko waruk atikikmu, it Yahudi aben inune dahon epmano nobam denggeltusa-o, nikni.

Kisah Para Rasul 27:12

Ahla buruk atisireg weregma, eke it so unde inim, eke it nin so yabuk surukon inimen uruk wilil, “O duma sohik wereg heheg nininggik anggolo welam hai-o. O Feniks etno welamuhuken kidia so fam luk-o,” ulug uruk atusareg, epma lalug o hibi aso welamuhuken-o, ulug uruk atusareg, O Feniks Kreta ik ayegma so fanoroho kuruk ambeg etno lahuken ulug urusa.

Roma 11:14

Eke ariroho suruk wilil, it ap an nungguluahon epmano nit hag ninili wawim sirisi-o, ulug inahla bukag ulug suruk ari fam it nin inili wiog ulug suruk ahi-o.

1 Korintus 15:23

Eke ari halug, alem misig misig yig hisaruk ahi-o. At Kristus ari orom iyarlo neken sega faho wereg-o. Eke fobik At waruhu halug, At udaki obog-at iniluk amuhup-o. Iniluk atuk isalug, yi angge di angge inoag elegsoho imbisawon epmano arat fanggog uhu-o.

1 Korintus 9:22

Eke it ap inindi oag elehon epmano an nilahut war inabuhuken ulug, an nebe it ninim nindi oag eleg neken atikik-o. Eke an yi seheg di seheg suruk wilil, ap nin inili og inabukag ulug an nebe it ninim wilil, it wereg epmano ilitoho welatikik-o.

1 Korintus 9:27

Eke anden it ap nin wene yig isarikikon epmano onggo fanowon epmano og num sohorep nahuk nowen ulug an nebe seberepataruk wilil, at etno anggimburepatiog ulug suruk ahi-o.

2 Korintus 11:3

Eke bilin at walo etnowen hwe Hawa enggal-at yig ituk wilil indi kahalfag etno hag, hit ariroho hinindi ebetuk ahebon epmano hinapeleg atlug At Kristus mutlug motoho lawon etno sohorep isao ari an nakol-o.

1 Tesalonika 3:5

Eke anden it o Tesalonika epma Allah wene warukon etno keroho waruk ulug nahla buruk wilil, at Timotius etno hinambeg lahapfik waharikik-o. Eke at iblisen hinindi kahalik waharukmu, niren hinindi yabuk surukukon etno eleg atisi ano ulug nahla buruk wilil, at Timotius lahapfik waharikik-o.

2 Tesalonika 2:3

Eke it aphe obohen Allah wene ninambit ulug uruk iseheg, at ap dahon etno o dagma umbukon etno awan waharuk eleg heheg, At Ninowe etno dulum waruhu fug-o.

2 Timotius 4:8

Eke o ari sambit At Allah aphe fanoroho oag del inaptukon etnowen At udaki iniluk welamon etno og niruhu oke, an-at og niruhu fug-o. It aphe inindi At Yesus inim hunduhuk wilil At wamon aso werehon epmano obog-at og nisahu-o.

Ibrani 11:35

Eke it hweap nin epmano inindi demat ulug ebetuk iseheg, inudaki iniknisi inisasi war apahon epmano iniluksoho minduhup isaruk apareg, fobik og isebag. Eke it aphe nin epmano hag, ninebe fanoroho minduhup nisahaku ulug inahla buruk iseheg, it ninen hele war inaptuk wilil, “Hinili og hinabuk ano?” ulug yig isaruk apagma, it epmanowen, “Eleg-o,” ulug uruk apareg, warapag.

Wahyu 20:5

It inebe ariroho weregma, eke seribu tahun etno awan suruk heheg, it aphe nin bilin waratuson epmano iniluk aheg eleg wilil, bilin iniluksoho minatukon epmano fam minatusa fug-o.