Filipi 2:9 - Allah Wene Hurumbik Keron

⁹ Ariroho dorontepatarisireg fam, At Allahen inuk mondog suontepfuruk wilil, At akeleg-at suon welamag ulug minduhupfirisi-o.

Filipi 2:9 ပူးပေါင်းရင်းမြစ်များ

Matius 11:27

Hat Niknien An yi angge di angge obog og nitikinteg fam, Haren-at An Hamloho nebe hiluk-o. Eke An Hamlohoen-at Hat Nikni hebe niluk-o. Eke An Hamloho etnowen it nin yig isarukmu, it etnowen-at Hat hebe iniluk atuk-o,” ulug ebag.

Matius 28:18

Sembahyang uruk apagma, At Yesus etno it wereg ambeg horogsoho waharuk apareg, yig isaruk wilil, “An nebe etno suon wilil o boholma inim kweanma inim obog-at unde welamag ulug minduhup naharisi-o.

Lukas 10:22

Hat Niknien An yi angge di angge obog og nitikinteg fam, Haren An Hamloho hebe hiluk-o. Eke An hamlohoen Hat Nikni hebe niluk-o. Eke An Hamloho etnowen yig isarukmu Hat hebe iniluk atuk-o,” ulug uruk apag.

Yohanes 13:3

Ariroho indi kahaltuk apagma, eke At Yesus etno ahla buruk wilil, “An noag weregsoho welamag ulug At Niknien yi angge di angge obog-at ninggikmu imbirisi-o. Eke An nebe etno At Allah wereg ambehen ambik waharikik halug, fobik At Allah wereg ambeg-at lahuk-o,” ulug ahla buruk apareg,

Yohanes 17:11

Eke An nebe etno o kweanma duma sohorep isalug, kidia Hat hambeg wariog ulug suruk ahi-o. Eke it nudaki epmano hag o kweanma duma-at welamuhup-o. It inebe duma welamuhup ari fam, Haren An bilin nindi oag werehep naharikin etno hag, it ariroho-at Hat hinuk fam inindi oag werehep isin-o Nikni. Hat hebe etno suon-at welahen-o. Eke nit Hat ninim ninindi misig-at welahe etno hag, it inindi misig-at welamag ulug og isimin-o.

Yohanes 17:12

Eke An nebe bilin it ninim wilil, Haren An nindi oag werehep naharikin etno hag, Anden Hat hinuk fam inindi oag werehep isarikik-o. Eke it inebe Haren og nitikinon epmano An inaso wereg neyeheg, misig eleg atisi fug-o. Eke misig eleg atisi ari, bilin wene baleg fam ariroho eleg aruhu-o, ulug ebahon etno demat ebag ulug inahla bukag ulug eleg atisi-o.

Yohanes 17:5

Eke o kweanma duma awan wal haruk eleg wilil, Hat ninim ilitoho-at suon welahoag etno hag, kidia Hat hilanggen wilil suontep nahin-o.

Kisah Para Rasul 5:31

Minduhupfirisireg, At Allah inggik bikit fil imbik laharisi-o. Imbik laharisireg, At Yesus ap suon etnowen inili waruk wilil it Israel aphe inim iren dag surukon epmano sohorep isalug inapelegsoho apma imbiseheg suruk amag ulug imbik laharisi-o.

Efesus 1:10

Eke Aren hurumbik dindiloko yig nisebahon etno ilitoho-at suruk aruhu-o. Eke Aren sukon etno arat fanggog ik waharuk aruhumu, yi angge di angge boholma kweanma obog-at wal hebahon epmano At Kristus Ninowe suon welamag ulug dambuksoho ninombisahaku-o.

Kolose 1:18

Eke it At Kristus awene warukon epmano At ebe neken wereg-o. Eke inungguluag ari At Kristus wereg-o. Eke niniluk atukon etno inim alem At Kristus-at wereg-o. At Amloho manggia etno it aphe warehon wereg ambeg epmanowen minapareg, yi angge di angge obog alem at-at wereg-o.

2 Tesalonika 1:12

Eke ariroho fanoroho wereg hisalug, hit farim At Ninowe Yesus inuk suontepfeheg, eke At Yesus farim hit hininuk suontepfeheg suruk amuhup-o. Eke At Ninikni Allah inim, eke At Ninowe Yesus Kristus inimen ninabua nisarusa-o ulug suontepfuruk amuhup-o.

Ibrani 1:4

At Allahen At Amloho etno inuk suon-at soaloko embebag-o. Eke it malaikat etno ininuk doron neken-at soal inapag-o. Ariroho sebag ari fam, At Amloho etno suon wereg heheg, it malaikat epmano doron neken-at wereg-o.

Ibrani 1:9

Eke it fanoroho surukon halug, hahien isaruk ahen-o. Eke it dag surukon halug, hambit isaruk ahen-o. Ari halug, An Hikni Allah etnowen it homini epma sohorep isalug, Hat hag yi angge di angge obog unde welahen etno fam, Hat hahien hahunen ulug, Anden imig haptikik-o,” ulug yig epag.

Ibrani 12:2

Ariroho suruk wilil, nit ninindi demat ulug ebetuk amuhuken At Yesus ninolohot fil lebahon etno-at ninilanggen fikfag wenaharuk amuk-o. Eke At etno An e fam lenggaloko nowabuhup ulug akolen bok apag fug-o. Eke At etno An fobik nahien anggolo hahuk-o, ulug ahla buruk wilil, e fam lenggaloko waramon etno ari hai ulug ahla ebebuk sohorep isalug fanowon unug epahon etno holaruk apareg, At Allah horieg wereg ambeg inggik bikit fil horieg wereg-o.

Ibrani 2:9

Isaruk ahe fuhon oke, At Yesus-at ninilanggen haruk ahe-o. Eke At ebe elamna-at it malaikat epmano inapma welamag ulug embebareg fam, At Allahen it yi aphe di aphe obog inabua isaruk heheg, At it inake waramag ulug sohorep isebahon oke, At ebe waratuk wilil yahan wapareg fam, kidia At ebe suon alon werehon-at wereg haruk ahe-o.

1 Petrus 3:22

o boholma lahabareg, At Allah inggik bikit fil wilil, it malaikat inim eke it boholma suon inoag werehon epmano inim Inikni neken wereg-o.

2 Petrus 1:17

Eke At Allahen une oag weregsoho Yesus yig ituk wilil, “An Namloho nindi hunduhukon du nahien hiyihi-o,” ulug yig itukmu ninesanggo holtukuk-o.

3 Yohanes 1:7

It epmano luog ulug surukmu, mondep isa lahun-o. It epmano Kristus yabuk sil nurukon halug, it Allah wene waruk elehonen og isarukmu etno holahup fug-o.

Wahyu 1:5

Eke At Yesus Kristus wene demat urukon etno yig niseheg, eke it ap o ahik ya da suon epmano Inowe suon welaheg, eke Amloho manggia neken it warehon imbisaruk ambehen iluksoho minduhupfebahon etno ahien hinobam umburuk-o. Eke At Yesus etno nit ninebe indi hunduhuk wilil, ninake waratuk apa­reg, niren dag suruk aheon epmano ninobam ninapelegsoho Aren apma ninombisahabag-o.

Wahyu 11:15

Eke fobik at malaikat sabiron etno ambinggon une suon irisimu, o boholmen inune amitmit uruk wilil, “It aphe kweanma inungguluag dombog Inikni aruhuon etno, At Allah inim, eke Amloho Kristus inimen ombatarusa-o. At Inowe suon Raja itog mondog-at welaruhu-o,” ulug urusa-o.

Wahyu 19:16

Ariro­ho ahla birisireg, Ap du yi aphe di aphe inowesi epmano Inowe suon-at wereg-o ulug asum fam eke iog fam inim holal baleg welatisi-o.

Wahyu 3:21

Eke it inoag weregsoho anduhunmu welamuhubon epmano An kidia Nikni ombandu bikit fil su­on-at welahi etno hag, it epmano og inaplug An nombandu fil welamag ulug suontoho imbi­sahuk-o.

Wahyu 5:12

di misig inune suon uruk wilil, “Wam Domba Udag etno waroko embebahon oke, niren kidia At oag werehon etno inuk suontepfuk-o. At ebe etno yi angge di angge obog-at unde wilil, indimu ilukon etno niren Ninowe suon ulug inuk suontepfuk-o,” ulug di etno uruk atusama,