Filipi 2:8 - Allah Wene Hurumbik Keron

⁸ Ap ilitoho seg atisi ari, onggarehen seberepatalug, At Ikni une etno esanggo holtuk wilil, e fam lenggaloko nowabukag ulug At ebe etno onggarehen dorontepatarisi-o.

Filipi 2:8 ပူးပေါင်းရင်းမြစ်များ

Matius 17:2

Laharuk apareg, epmano inim wilil, At olohore akeleg neken seg apag. Akeleg neken seg atuk apareg, At asum obog apinag suruk wilil, At olohore etno mo yatukon etno ilitoho hulu apag.

Matius 26:39

Yig isaruk apareg, At etno horog-at laruk wilil, olohore kweanma wanduk uruk apareg, sembahyang uruk wilil, “Nikni-o, An nebe war nabukon ari sohorluk ambusu honanggowon ilitoho wereg etno, Haren na nowen ulug hahla buruk ahen halug, An ninggi ha nowen, Haren wimin-o, ulug yig hirihion oke, Anden yig hirihion etno fam suk ari hai-o. Hat hindien bulug-at suk ari hag fano-o,” ulug sembahyang ebag.

Matius 26:42

eke At Yesus bilin lebag etno hag fobik laruk apareg, sembahyang uruk wilil, “Nikni-o, An ambusu sohorluk fam honanggo du naruk eleg nealug, Haren wamihin fug hiyihi-o. Ari halug, Hat hahla buruk ahenon etno-at siuk-o,” ulug sembahyang uruk apareg,

Lukas 9:29

Lahabareg, sembahyang urukmu, At etno olohore ninon-at atuk wilil, asum inim obog olohore libil labal surukmu yet hao hai neken seg apag.

Yohanes 10:18

Eke An nebe etno it aphe nin inakeleg-at inahla buruk amuhupseg, nowabuhup fug-o. An nonggarehen it inake nowabukag ulug nahla buruk atikikon etno fam-at nowabuhup-o. Eke An nebe niluk welariog ulug, eleg aheg, wereg aheg, sukon etno unde welamag ulug An Niknien-at minduhup naharisi-o,” ulug yig isebag.

Yohanes 14:31

Eke An nebe nowaruhu ari, it yi aphe di aphe epmanowen, At Yesus etno Ikni indi hunduhuk wereg ulug iniluk amagsoho nebe nowabukag ulug Anden-at imig sarikik-o. Eke An Nikni nindi hunduhuk welahi etno fam Aren duroho siuk ulug yig nitukon etno-at ilitoho suruk ahi-o,” ulug yig isebag. Yig isaruk apareg, eke fobik yig isaruk wilil, “Nit o duma sohorep isalug, lulen minamiek-o,” ulug yig isebag.

Yohanes 15:10

Eke An Niknien yig nitukon epmano ilitoho suruk nealug, At ninim ninindi hunduhuk welahe etno hag, hit Anden wene yig hisaruk atikikon epmano ilitoho suruk hisalug, hit An ninim hinindi hunduhuk welamuhuk-o,

Yohanes 4:34

eke At Yesusen yig isaruk wilil, “An ebe naruk ahion ari, At lahap nabik waharision etnowen ahla burukon etno ilitoho seheg, eke An yabuk suruk amag ulug og nitision etno arat seheg suruk ahi ari fam, naharom neken nalug welahi-o,” ulug yig isebag.

Kisah Para Rasul 8:33

Eke At ebe seberepfuruk apareg, yuhun-at enggali wapag-o. Eke At ebe wapahon oke, o kweanmen eleg apag etno fam, At awene etno At udaki sandehen uruk amuhup-o?” ulug at Yesayaen bilin wene holal embebahon etno at ap Etiopia ap suon etno Filipus inimen wane suruk apareg,

Roma 5:19

Eke at ap misihen Allah une holuk sohorep isalug, dag sebag etno fam it aphe obog-at dag suruk apag etno hag, at misihen Allah une holtug fano sebag etno fam it aphe obog At Allah inim fanoroho welamag ulug dambul inapag-o.

2 Korintus 8:9

At etno aharek anggolo welapahon oke, hit hinake-at aharek elehon neken seg apag-o. Eke At etno ariroho aharek elehon neken seg apag ari, hit hinaharek anggolo werehep hisahiog ulug ariroho seg apag-o.

Galatia 3:13

Eke At Kristus etno wene homali nit ninobam werehon etno At obam ombatebareg fam, it Yahudi aben wene duroho suruk amuk eke duroho suruk am fug ulug ebahon etnowen homali ninobam embebahon etno elehepfebag-o. Eke ari halug, at Alkitab etno fam yig nisaruk wilil, “At ap misig e fam lenggaloko werehon halug, homali etno obam wereg-o,” ulug yig nisarukon etno wereg halug, At Kristus etno ninake ariroho sebag.

Titus 2:14

Nit yi dag di dag suruk aheon epmano onggo baloko ninili weheg, eke it fano mondog suk ulug inahla ebetukon epmano At udaki obog-at welamag ulug ho ninabeheg sukag ulug ninake og nisebag-o.

Ibrani 12:2

Ariroho suruk wilil, nit ninindi demat ulug ebetuk amuhuken At Yesus ninolohot fil lebahon etno-at ninilanggen fikfag wenaharuk amuk-o. Eke At etno An e fam lenggaloko nowabuhup ulug akolen bok apag fug-o. Eke At etno An fobik nahien anggolo hahuk-o, ulug ahla buruk wilil, e fam lenggaloko waramon etno ari hai ulug ahla ebebuk sohorep isalug fanowon unug epahon etno holaruk apareg, At Allah horieg wereg ambeg inggik bikit fil horieg wereg-o.

Ibrani 12:4

Eke hit hinebe etno bilin alem dag surukon epmano hinim wim aptuk wilil, mondog ninusukag ulug hinahla buruk wilil suruk atikip fug-o.

1 Petrus 2:24

Eke At Kristus niren dag suruk atukukon epmano omalo fam walug e fam lenggaloko embebag etno niren dahon sohorep isalug fanowon-at suruk amag ulug embebag-o. Eke it epmanowen At ebe ele suon wapag etno fam, hinebe fano atikip-o.

1 Petrus 3:18

Eke At Kristus obabut mondog fanowon-at oke, hit dahon hinake-at warapag-o. Hiren dag suruk atikibon epmano hinapelegsoho At Allah apma imbisawag ulug warapag-o. At ebe wapahon oke, fobik iluksoho minduhupfebag.