Filipi 2:29 - Allah Wene Hurumbik Keron

²⁹ Eke ari halug, hit hinahien haruk wilil, at ninomin ninim Allah wene waruk aheon etno waha-o, ulug heahi wabuhup-o. Eke it ap nin at ebe ilitoho halug, du ap fanowon at-o, ulug ininuk suontepfuruk amuk-o.

Filipi 2:29 ပူးပေါင်းရင်းမြစ်များ

Lukas 9:5

Laruk amuhupmu, eke it o misihen heahi war hinaptuk eleg isalug, it aphe dahon imbisawon etno iniluk amag ulug, o etno hiniog sabele horoho imbisaruk amuk-o,” ulug yig isebag.

Yohanes 13:20

Ariroho yig hisihireg fam, wene demat uruk amon etno yig hisamin-o, “It aphe ninen An nanggimbu lahap isa waharuk ahion epmano demat ulug heahi war inaptuk isalug, An nebe-at heahi war naptuk-o. Eke An nebe heahi war naptuk isalug, At lahap nabik waharision etno-at heahi watuk-o,” ulug yig isebag.

Kisah Para Rasul 2:46

Og isaruk wilil, nintul nantul o Allah ibam wonggalik keheg, eke inibamen orom nenggeg suruk wilil, inindi inahientoho welapag.

Kisah Para Rasul 28:10

Fano inaptuk atisimu, it epmanowen yi angge di angge og nisaruk atusa. Og nisaruk atusama, nit fobik so fam luog ulug surukmu, kwalemen narukon nin og nisarusa.

Kisah Para Rasul 8:8

Inilanggen haruk apareg, it Samaria aphe epmano inahien anggolo hebag.

Roma 10:15

Eke it wene yig isil nuruk amag ulug mondep isaruk eleg halug, wene etno keroho yig isil nuruk amuhup-o? Eke ari halug, Alkitab etnowen yig nisaruk wilil, “It wene fano wene yig isil wamon etno inahientoho wereg-o,” ulug yig nisaruk-o.

Roma 16:2

Eke it Allah udakien inomini inim fanoroho welamuog ulug suruk etno hag, hit At Ninowe inuk fam at hwe etno fanoroho hinim wilil, aren yig hisaruk halug fanoroho yalmaharuk amuk-o. Eke at hwe ebe it nin obog inim, eke an inim fanoroho welamuhuken ulug ninaohi esag ninaptisi-o.

1 Korintus 16:10

Eke fobik at Timotius hinambeg waruhu halug, fanoroho hinim welamuk-o. Eke an Allah yabuk suruk ahi etno hag, At Allah yabuk surukon-at heheg, ap misihen seberepfuk sohorep isalug, fanoroho mondepfuhup-o.

1 Korintus 16:18

Eke hit hinindi oag werehep hisaharuk etno hag, an nindi oag werehep naharusa-o.

2 Korintus 10:18

Eke onggarehen suontepatarukon halug, doron neken-at wereg-o.

2 Korintus 7:2

Niren yig hiseheon etno ebebuog ulug hinindi sok husig neken welamuk-o. Eke ap misig ninenggal-at obam denggeleheg, eke obabut indi arik sebeheg, eke ap misig ninalomnangge holeheg suruk atukuk fug-o, ulug ihion ari hit hinoag del hinabiog ulug yig hisihi fug-o.

Filipi 2:28

Eke ari halug, at ebe hinambeg lahapfik wariog ulug nahla buruk ahi-o. Eke fobik hinambeg waharuk aruhumu, at ebe hinilanggen halug hinahien hahup-o. Hinahien hahup ari fam, an nindi dag atision etno fano aruhu-o.

Kolose 4:10

Eke at Aristarkhus ninim hele waroko kolap ninaptuson etnowen wahinaniog ulug heahi war hinaptuk-o. Eke at Barnabas omin Markus etno duroho heahi wabuhup ulug arat holal imbirikikon etno inim,

1 Tesalonika 5:12

Nomini-o, eke it ap hineyabuk seheg, eke hit hinindi aso welaheg, eke hinesanggo wareheg suruk amag ulug At Allahen heako minduhup isarision epmano hiniknisi neken it inune hinesanggo holtuk amuk-o.

1 Timotius 5:17

Eke it ap Allah wene yig isarukon epmano hag, aphe inindi aso fanoroho wereg isalug, ininuk suontepfuruk amuk-o. Eke it Allah wene yanggul isarukon epmano yabuk fanoroho suruk isalug, Allah ake umburukon epmano anggoloroho og isaruk amuk-o, ulug wene ariroho yig hisihi ari, Alkitab famen yig nisaruk wilil, “Wam sapi iog fam wiyagfut anggen loltil nurukmu, ambilik hele wabuk fug-o,” eke “It ap yabuk surukon epmano onggo ilitoho og isa fano-o,” ulug yig nisaruk-o.

Ibrani 13:17

Eke hit it hinowesien yig hisarukon epmano hinesanggo holtuk wilil, ilitoho suruk amuk-o. Eke it hinowesi epmano yabuk duroho surukuk ulug At Allah il fam bukaloko yig imuhup etno fam, it kidia kelseheg eleg-at hinindi aso wereg-o. Eke hiren it inune hinesanggo holtuk hisalug, it inahientoho-at suruk amuhup-o. Eke hiren holtuk eleg hisalug, it epmano inindi inambitoho suruk wilil, hit hinindi yabuk fanoroho suruk amuhup fug-o.

3 Yohanes 1:10

Fobik an hit hinambeg waruhukseg, aren sirision obog bukaloko yig hisahuk-o. At une dahon urukon etno inim, enggal-at nobam denggeltukon etno inim, obog-at bukaloko yig hisahuk-o. Nin sirision etno du wereg-o. It ninomini hinambeg waharukmu, ninim nohulen ulug yig isaruk eleg-o. Eke it ninen ninim nohulen ulug urukon etno sohorep isiek-o ulug it Allah udaki wereg ambehen selema wilip isiog ulug suruk-o.