Filipi 2:26 - Allah Wene Hurumbik Keron

²⁶ Eke at Epafroditus etno ninim yabuk sat anggoloroho suruk atukukmu, eke hiren an yalmag nabuog ulug nambeg lahapfik waharikip-o. Eke at Epafroditus etno hit obog bik hisiog ulug indi ebetukmu, eke hiren at Epafroditus uk wareg ulug hinesanggo holtikip etno fam, it keroho inahla buhup ulug indi seneni ebetuk-o.

Filipi 2:26 ပူးပေါင်းရင်းမြစ်များ

Matius 11:28

Uruk apa­reg, eke fobik yig isaruk wilil, “Eke hit obog hinobam anggi­non epmano weregma, hinambol ele atukon halug, An nambeg waharuk amuhupseg, ninim weregma, Anden sat yal hinaptuk aru­huk-o.

Matius 26:37

Laruk apareg, At etno indi dag atuk wilil, akol anggolo hebag.

Kisah Para Rasul 21:13

Yig ituk atukukmu, eke aren yig nisaruk wilil, “Hit nongge farim an nobok yatuk wilil, nindi dahap suruk ahep? An Yesus inuk fam weregma, it o Yerusalemen hele war nabuk fano at-o. Eke nebe nowabuk halug fano at-o,” ulug yig nisaruk atisireg,

Roma 1:11

Ariroho uruk ahi ari, hit hinindi oag weregsoho welamon wene etno-at yig hisa wariog ulug nindimuen sembahyang uruk ahi-o.

Roma 12:15

Ari halug, it inahien harukon etno hit hinim-at hinahien haruk amuk-o. Eke it ioba yatukon halug, hit hinim-at ioba yatuk amuk-o. Eke hit hit hinomini hinim hinindi misig-at welamuk-o.

Roma 9:2

Eke anden yig hipmin ari, it an nomini nungguluahon epmano farim nintul nantul ioba yatuk wilil, nindi mondog dag atuk-o.

1 Korintus 12:26

Eke inebe atog wataruk halug, atog atog obog-at olok atuk-o. Eke it apheyen atog misig suontepfuruk halug, atog atog obog-at inahien suruk-o.

2 Korintus 9:14

Eke At Allah ahien anggolo hinobam embebareg fam, it epmanowen hinebe inindi hunduhuk wilil hinake sembahyang uruk amuhup-o.

Galatia 6:2

Eke yi angge di angge angginon hinobam werehon epmano hit hit yalmag yalmag suruk amuk-o. Ariroho suruk wilil, bilin At Kristusen yig hisebahon etno ilitoho suruk amuhup-o.

Efesus 3:13

Eke an hit hinake dahon nobam umburukon ari hinesanggo holtug hinindi oag eleg am fug-o, ulug yig hisaruk ahi-o. Eke hit hinil nealug hinoag weregsoho welamag ulug ariroho welahi-o.

Filipi 1:3

Eke hit hinobam ebetuk wilil, hit farim an Ninikni Allah wa ulug yig ituk ahi-o.

Filipi 1:8

Eke At Kristus Yesus hit hinobam indi hunduhuk wereg etno hag, an hit hinobam nindi hunduhuk welahi-o, ulug an At Allah inuk fam demat yig hisaruk ahi-o.

Filipi 2:25

Eke at ninomin Epafroditus etno inim-at lahapfik wariog ulug nahla birikik-o.

Filipi 2:27

Eke at ebe demat uk waruk wilil, warariog ulug sirision oke, At Allahen abua harisi-o. Ariroho abua harisireg, an inim-at nabua harisi-o. Eke at Epafroditus uk wareg welatisireg, iluk atisi etno fam, inim-at nabua ha-o.

Filipi 4:1

Hit nomini nindi hunduhukon wai. Hit bik hisa wamon nahla buruk wilil, nahien hisaruk ahi-o. Eke hit hag Allah wene yig hisarikikon etno eberoko warikip-o, nomini. Eke At Ninowe awene etno waruk wilil, ariroho suk ulug yig hisihion etno ilitoho suruk wilil hinoag weregsoho suruk amuk-o.

1 Petrus 1:6

Og hisawon epmano weregma, kidia-at hinahien haruk amiek-o. Eke kidia it ninen yi dag di dag hinobam umburukmu ioba yatuk neken welahep oke,