Filipi 2:25 - Allah Wene Hurumbik Keron

²⁵ Eke at ninomin Epafroditus etno inim-at lahapfik wariog ulug nahla birikik-o.

Filipi 2:25 ပူးပေါင်းရင်းမြစ်များ

Yohanes 13:16

Ari halug, Anden hit wene demat uruk amon etno yig hisamin-o. Ap misig anggimbu etno suon neken, eke ikni etno doron neken wereg eleg-o. Eke ap misihen at misig lawag ulug mondepfurukon etno suon neken, eke at lag ulug yig itukon etno doron neken wereg eleg-o,

Yohanes 17:18

Eke Haren An nebe o kweanma duma lahap nabik waharikin etno hag, Anden it inebe o kweanma duma lahap isa waharikik-o.

Roma 16:3

Eke it Priskila Akwila ninim At Kristus Yesus eyabuk suruk aheon epmano heahi war inaptuk ahi-o.

Roma 16:9

Eke at an nomin Urbanus, At Kristus eyabuk ninim suruk aheon etno inim, eke nomin nindi hunduhukon Stakhis etno inim obog-at heahi war inaptuk amuk-o.

1 Korintus 3:9

Eke nit hag At Allah eyabuk ninim suruk aheon-at welahe-o. Eke hit Allah eyabuk inim, ifaleg inim hit-at welahep-o.

2 Korintus 2:13

Ariroho harikikon oke, at ninomin Titus etno o epma ebe eleg harikikseg, nindi seneni anggolo ebetikik-o. Ariroho ebetuk atikikseg, it aphe epmon obog heahi warep isalug, o Makedonia etno waharikik-o.

Filipi 2:26

Eke at Epafroditus etno ninim yabuk sat anggoloroho suruk atukukmu, eke hiren an yalmag nabuog ulug nambeg lahapfik waharikip-o. Eke at Epafroditus etno hit obog bik hisiog ulug indi ebetukmu, eke hiren at Epafroditus uk wareg ulug hinesanggo holtikip etno fam, it keroho inahla buhup ulug indi seneni ebetuk-o.

Filipi 4:18

Eke hiren nombaharikibon etno arat og nitisimu, kidia yi angge di angge obog-at wereg-o. Eke hiren yi angge di angge nombaharikibon epmano at Epafroditus etnowen og nirik waharisireg fam, kidia an naharek obog-at wereg-o. Eke hiren an nombaharikibon epmano ambusu amben fanowon neken At Allah ake ulug umburuk atikipseg fam, At Allah ahien hisahu-o.

Filipi 4:3

Eke hat nomin ninim Allah yabuk suruk atukukon etnowen it hweap biren eta yalmag inabin-o. Eke it hweap epmano inim, eke at Klemens inim, eke it nomini nin ninim Allah yabuk surukukon epmano iniluk welamag ulug At Allahen holal imbirision etno hit obog-at wene fano wene etno yig isil lawag ulug ninim yabuk sat anggolo surukuk-o.

Kolose 1:7

At ninomin Epafras etnowen yig hisarukmu, eberoko warikip-o. Eke at Epafras etno niren yig itukmu, At Kristus eyabuk eberoko suruk etno fam,

Kolose 4:11

eke at Yosua inuk misig Yustus etno inimen wahinaniog ulug heahi war hinaptuk-o. It inebe henahan etano Yahudi ap-at oke, Allah wene demat ulug eberoko warusareg, Allah yabuk ninim suruk wilil yalmag naptusa-o.

1 Tesalonika 3:2

O epma wilil, at Timotius Kristus awene fanowon yig isil lawon etno ninim Allah yabuk suruk aheon etno lahapfik waharukuk-o. At lahapfik waharukuk ari, it ninen dahon etno hinobam umburukmu, hit hinindi dag atlug, Allah wene etno hinapeleg am nowen ulug at Timotiusen hinindi werehep hisahakeg, Allah wene etno yig hisaruk amag ulug lahapfik waharukuk-o.

Filemon 1:24

Eke it nomini ninim yabuk suruk aheon epmano, at Markus inim, eke at Aristarkhus inim, eke at Demas inim, eke at Lukas inim, it obohen heahi war haptuk-o.

Ibrani 3:1

Nomini, Kristus udaki du wai, nit hit ninim At Allahen wol nisebareg fam, At Yesus etno wene demat uruk aheon etno unde wilil inuk suon welamag ulug lahabik waharision etno hinilanggen haruk amiek-o.