Filipi 2:21 - Allah Wene Hurumbik Keron

²¹ Eke it yi aphe di aphe epmanowen inonggareg ineyabuk sukon inahla burukon oke, At Yesus Kristus eyabuk sukon etno hag inahla buruk eleg-o.

Filipi 2:21 ပူးပေါင်းရင်းမြစ်များ

Matius 16:24

Yig ituk apareg, eke fobik omini epmano yig isaruk wilil, “Hit An ninim sil nuruk amuhuken ulug hinahla buruk ahep halug, yi angge di angge hinindi hunduhuk welahebon epmano sohorep isalug, hinahe salib etno hinomalo fam holalug, An ninim-at sil nuruk amuhuk-o.

Lukas 14:26

“Hit An nomini welamuog ulug hiniknisi inim, hinisasi inim, eke hinuhwesi inim, hinudaki inim, hinowe not inim, hinaholani inim, sohorep isalug, hit hinebe An mug naplug maniek-o.

Kisah Para Rasul 13:13

Eke fobik at Paulus omini inim o Pafos etno sohorep isalug, ik weregma so fam o Pamfilia, Perga etno lebag. Laruk apareg, eke at Yohanes Markus etnowen it epmano sohorep isalug, suhuluk o Yerusalem lebag.

Kisah Para Rasul 15:38

at Paulus etnowen, “Eleg-o, at iog suhuluk liog ulug o Pamfilia epmen sohorep nisahalug akeleg-at larision etno ninim lahuk fug-o,” ulug yig ituk apagma,

1 Korintus 10:24

Eke hit obog nit ninaharek-at su amag ulug heahil sil nuruk am fug-o. Eke it aphe obog-at inaharek su amag ulug heahil sil nuruk amuk-o.

1 Korintus 10:33

Eke an yi seheg, di seheg suruk wilil, it ap obohen inahien hawag ulug suruk ahi-o. Eke an yi angge di angge og nemag ulug heahil sil nuruk ahi fug-o. Eke it aphe obog inili holeheg, eke fanowon etno holeheg suruk amag ulug suruk ahi-o.

1 Korintus 13:5

Eke aik dahog uruk eleg-o. Eke aharek su amag ulug heahil sil nuruk eleg-o. Eke obam winimugsoho suruk eleg-o. Eke at du dag suruk-o ulug indimu ebetuk eleg-o.

2 Korintus 1:5

Eke At Kristus obam dahon anggolo embebag epmano hag, ninobam umburukon oke, eke At Kristus ahlahiroho welapag etno hag, nit ninahlahiroho welamag ulug yig nisaruk-o.

Filipi 2:4

Eke an neyabuk-at sik-o, ulug hinahla buruk eleg wilil, it hinomini ineyabuk yalmag inaptuk amiek-o.

2 Timotius 1:15

Eke it obog o Asia werehon epmano inim, eke it Figelus, Hermogenes etno inimen sohorep naharusa etno hat hiluk-o.

2 Timotius 3:2

Eke fobik it aphe an-at hulik ulug inahla burukon etno inim, an uang nindi urukon etno inim, inindi arikon epmano inim, inonggarehen suontepatarukon etno inim, eke it aphe inobam denggeltukon etno inim, eke iniknisi inune holtuk elehon etno inim, eke wa ulug uruk elehon etno inim, eke Allah wene fanoroho ebetuk elehon etno inim,

2 Timotius 4:10

Eke at Demas etno hag kweanmen surukon etno indi ebetuk atisireg, sohorep naharisi-o. Sohorep naharuk atisireg, o Tesalonika larisi-o. Eke at Kreskes o Galatia etno larisi-o. Eke at Titus o Dalmatia etno larisi-o.

2 Timotius 4:16

Eke an bilin nili huliog ulug minatlug wene yig isarikikon etno it obohen sohorep naharusa ari, At Allahen inobam inapelegsoho apma umbukag-o.