Filipi 2:20 - Allah Wene Hurumbik Keron

²⁰ Eke at Timotius etno an ninim ninindi misig-at welahe etna hit hineyabuk fanoroho-at suhu-o.

Filipi 2:20 ပူးပေါင်းရင်းမြစ်များ

Yohanes 10:13

Eke yuhunon etno anggom eleg wilil, ebe anggimbu yuhunon neken wereg etno fam, hite wilip atuk wilil, wam domba inaso fanoroho wereg eleg-o.

Yohanes 12:6

Ariroho ebag ari, it aphe inaharek elehon epmano inabuen ebag fug-o. Eke it aphe ninen At Yesus omini uang anggen og isaruk apahon epmano eset aren seneg welapag fam, uang anggen epmano herahiog ulug-at ebag-o.

Roma 15:5

Eke At Allahen inahlahiroho wilil inindi oag weregsoho welamon etno og isebag etno hag, hit ariroho hinebe dambuksoho hinindi misig-at wilil, At Kristus Yesusen sebahon epmano ilitoho suruk amon etno og hisawag ulug yig hisihi-o.

1 Korintus 16:10

Eke fobik at Timotius hinambeg waruhu halug, fanoroho hinim welamuk-o. Eke an Allah yabuk suruk ahi etno hag, At Allah yabuk surukon-at heheg, ap misihen seberepfuk sohorep isalug, fanoroho mondepfuhup-o.

Filipi 2:2

Eke ari fam hinindi misig-at ebereheg, eke it hinomini hinim hinindi misig-at hunduhuk welaheg, eke hinobabut misig-at welaheg suruk hisalug, an nindi nahien hisahuk-o.

Filipi 2:22

Eke at Timotius etnowen yabuk fanoroho sirisi etno hit hiniluk-o. Eke at inim, an ninim ikni amloho neken wilil, wene fano wene yig isawon etno ninim dambuksoho urukuk etno hiniluk-o.

Kolose 4:11

eke at Yosua inuk misig Yustus etno inimen wahinaniog ulug heahi war hinaptuk-o. It inebe henahan etano Yahudi ap-at oke, Allah wene demat ulug eberoko warusareg, Allah yabuk ninim suruk wilil yalmag naptusa-o.

1 Timotius 1:2

At Ninikni Allah inim, eke At Ninowe Yesus inimen inahien hobam embeheg, eke habua heyeheg suruk wilil, hinim welamag ulug yig hirihi-o.

1 Timotius 4:6

Eke hat Allah wene eberoko wawon etno inim, eke wene du demat ulug ebetukon etno inim amuk arat yanggul hitusareg fam haren an wene yig hirihion du homini obog yanggul isaruk healug, At Yesus Kristus anggimbu fano mondog welaruhun-o.

2 Timotius 1:5

Eke hat humbia Lois inim, eke hat hisina Eunike inim Allah wene demat ulug eberoko webag etno hag hat ariroho-at Allah wene demat ulug eberoko waruk ahen etno niluk wilil, hobam nindi ebetuk ahi-o.

2 Timotius 3:10

Eke hat hag, wene yanggul isaruk ahion etno inim, eke an sil nuruk ahion etno inim, eke ariroho suhuk ulug nahla buruk ahion etno inim, eke Allah wene demat ulug nahla ebetuk ahion etno inim, eke aphe winimug yig isaruk ahi fuhon etno inim, eke aphe ninim ninindi hunduhuk welaheon etno inim, eke dahon etno nobam umburukmu nahla bugsoho welahion etno inim, obog-at hiluk welahen-o.