Filipi 2:2 - Allah Wene Hurumbik Keron

² Eke ari fam hinindi misig-at ebereheg, eke it hinomini hinim hinindi misig-at hunduhuk welaheg, eke hinobabut misig-at welaheg suruk hisalug, an nindi nahien hisahuk-o.

Filipi 2:2 ပူးပေါင်းရင်းမြစ်များ

Yohanes 3:29

Eke hwe misig ahun etnowen-at uhwe holaruk-o. Eke at hwe etno ahun omini epmano inim dambuksoho wilil, at ahun etno une inesanggo holtug inahien haruk-o. Ari ilitoho at une etno nesanggo holtug nahien haruk ahi-o.

Kisah Para Rasul 1:14

It obog epmano inuhwesi inim, eke At Yesus isina Maria etno inim, At Yesus owe not epmano inim it obog inindi misig-at wilil, nintul nantul sembahyang uruk apag.

Kisah Para Rasul 2:1

O hari Pentakosta esebukon etno fam it Yesus une warukon epmano obog wonggaloko weregma,

Kisah Para Rasul 2:46

Og isaruk wilil, nintul nantul o Allah ibam wonggalik keheg, eke inibamen orom nenggeg suruk wilil, inindi inahientoho welapag.

Kisah Para Rasul 5:12

It mondep isebahon epmanowen sukfugangge seheg, eke inakol werehon seheg sil nurukmu, it Allah wene warukon epmano at Salomo asok elma epmano wonggalik laruk apag.

Roma 12:16

Eke hinebe suontepatawon etno sohorep isalug, hinebe seberoho neken wilil yi angge di angge etno epmano suruk amuk-o. Eke hiren an yi angge di angge alem obog niluk-o, ulug hinindi fam ebetuk am fug-o.

1 Korintus 1:10

Nomini-o, hit hit healeg welahep ha nowen hinune uruk ahebon etno misig-at uruk amuk-o. Eke hinahla buruk ahebon epmano inim, eke hinindimu ebetuk ahebon epmano inim misig-at amag ulug anden At Ninowe Yesus Kristus inuk suon etno fam yig hisaruk ahi-o.

2 Korintus 13:11

Ari halug, nomini, hit hinahien haruk wilil, hinindi oag wereg amag ulug suruk amuk-o. Ariroho suruk wilil, an nune yig hisihion etno hinesanggo holiuk-o, holtuk wilil, hit fikfag dambuksoho welamuk-o. Eke ari halug, At Allah indi hunduhuk wilil, dambuk ninaptukon etno hinim welamuhup-o.

2 Korintus 2:3

Eke an nahien haruk nealug, hit obog hinahien haruk ahep etno demat ulug nahla buruk ahi-o.

2 Korintus 7:7

Eke at etno waharuk atisimu, ninahien haruk atukukseg hiren at indi werehepfirikibon etno dindiloko yig nisarisi etno fam ninindi oag werehep nisaharisi-o. Eke an nebe hit bik nisa wamag ulug hinindien suruk ahebon etno inim, eke an farim hinindi dag atukon epmano inim, eke hiren an nake suruk ahebon epmano inim, obog-at yig nituk atisimu, kidia nahien anggolo haruk ahi-o.

Filipi 1:4

Eke an nintul nantul hit hinake sembahyang uruk wilil, nahientoho-at sembahyang uruk ahi-o.

Filipi 2:16

eke ariroho nahien haruk wilil, an o kweanmen yabuk sat anggolo suruk wilil werlek-at suruk atikik fug-o, ulug nahla buhuk-o.

Filipi 2:20

Eke at Timotius etno an ninim ninindi misig-at welahe etna hit hineyabuk fanoroho-at suhu-o.

Filipi 4:2

Eke hit Euodia, Sintikhe At Allahen yig nisaruk etno ilitoho hinindi misig-at wilil hit nehe hehe neken welamuk-o.

Kolose 2:5

Eke an nebe yatma-at welahi oke, nahla buruk ahion etno hit hinim horog-at wereg-o. Ariroho weregma, At Kristus awene eberoko waruk wilil hinoag weregsoho welahebon etno nilanggen haruk wilil, an nahientoho-at welahi-o.

2 Tesalonika 2:13

Eke nomini hinobam At Ninowe indi hunduhuk werehon etno hit farim At Allah wa ulug sembahyang uruk ahe-o. Eke At Allahen hinili wiog ulug bilin imig hinaptisireg fam, At Allah udaki amag ulug Roh Kudus oag werehon etno og hisarisimu, hiren wene demat urukon etno eberoko waruk ahep-o.

2 Timotius 1:4

Eke haren ioba yatuk ahenon etno nahla buruk wilil, nahien hahuken hat bik hea wariog ulug nahla buruk ahi-o.

Filemon 1:20

Ari halug nomin-o. At Allah inuk fam hinog yig hirihion etno ilito­ho siuk-o. Eke hat an ninim At Kristus awene waruk ahe etno fam an nahien hawag ulug hat nominen ariroho siuk-o.

2 Yohanes 1:4

Nahaloho-o, hat hudaki nin Allah wene warusa-o, ulug nesanggo holtikikseg, nahien harikik-o. At Allahen an nawene wimiek ulug yig nisebag etno fam, an nahien harikik-o.

3 Yohanes 1:4

Ari hit nudaki Allah inuk waruk wilil fano surukmu nesanggo holtuk atikikseg, nahien harikik-o.