Filipi 2:19 - Allah Wene Hurumbik Keron

¹⁹ Eke At Ninowe Yesusen fano-at uruk halug, at Timotius etno sono hao lahapfik waruhuk-o. Lahapfik waruhukmu, fobik suhuluk nambeg lahureg, nindi nahien hawag ulug it Filipi ap epmano fano wereg ulug yig niruhu-o.

Filipi 2:19 ပူးပေါင်းရင်းမြစ်များ

Matius 12:21

Ninowe dil ninaptukon etno ebe du at-o, ulug At obam ebebuhup-o, ulug at Yesayaen amuk holal embebag etno ilitoho seg amag,” ulug At Yesusen yig isaruk apag.

Kisah Para Rasul 16:1

Nin eke at Paulus etno o Derbe inim, o Listra inim lebag. Laruk apareg weregma, ap Allah wene warukon misig inuk Titus etno isina Allah wene warukon ungguluag Yahudi hwe weregma, eke ikni ungguluag Yunani ap welapag.

Roma 15:12

eke fobik at Yesaya etnowen yig nisaruk wilil, “At Isai etamu misig etno lahik waharuk aruhumu, it ap bilin Allah wene inapeleg welatuson epmano Inowe welamag ulug minduhupfuhu-o. Minduhupfuruk aruhumu, it epmanowen Aren fano ninabuhu-o ulug inahla buhup-o,” ulug wene holal embebag-o.

Roma 16:21

Eke at Timotius yabuk ninim suruk aheon etno inim, eke it an nungguluahon ininuk Lukius, Yason, Sosipater etano inimen heahi war hinaptuk-o.

1 Korintus 4:17

Eke an At Kristus inuk fam o ahik ya da At Allah udaki wereg ambeg wene yanggul isaruk ahion epmano nobabut suruk ahion hinindi ebebukag ulug, an namloho Timotius indi oag weregsoho sil nurukon, At Ninowe inuk fam nindi hunduhukon etno hinambeg lahabik waharikik-o.

Efesus 1:13

Eke hit ariroho-at wene fano wene demat urukon hinili wawon etno hinesanggo holtuk atikipseg At Kristus obam ebetuk atikip-o. Ebetuk atikipmu, eke At Allahen Roh Kudus og hisahuk ulug abug yig hisarision etno arat og hisarisireg fam, aphe inebe duma An nudaki at-o, ulug yig hisarisi etno hiren demat bukag ulug yig hisarisi-o.

Filipi 1:1

Nit Paulus Timotius At Kristus Yesus anggimbu etnowen hit Allah udaki At Kristus Yesus awene waruk wilil, o Filipi welahebon obog inim, eke hit hinindi aso welahebon inim, eke hit yalmag inaptukon epmano inim,

Filipi 2:18

Hahuk ari hit ninim-at obog ninahien hahuk-o. Eke hit ariroho-at hinahien haruk wilil, yig nituk amuhupseg, nit obog ninahien hahuk-o.

Filipi 2:28

Eke ari halug, at ebe hinambeg lahapfik wariog ulug nahla buruk ahi-o. Eke fobik hinambeg waharuk aruhumu, at ebe hinilanggen halug hinahien hahup-o. Hinahien hahup ari fam, an nindi dag atision etno fano aruhu-o.

1 Tesalonika 3:2

O epma wilil, at Timotius Kristus awene fanowon yig isil lawon etno ninim Allah yabuk suruk aheon etno lahapfik waharukuk-o. At lahapfik waharukuk ari, it ninen dahon etno hinobam umburukmu, hit hinindi dag atlug, Allah wene etno hinapeleg am nowen ulug at Timotiusen hinindi werehep hisahakeg, Allah wene etno yig hisaruk amag ulug lahapfik waharukuk-o.

1 Tesalonika 3:5

Eke anden it o Tesalonika epma Allah wene warukon etno keroho waruk ulug nahla buruk wilil, at Timotius etno hinambeg lahapfik waharikik-o. Eke at iblisen hinindi kahalik waharukmu, niren hinindi yabuk surukukon etno eleg atisi ano ulug nahla buruk wilil, at Timotius lahapfik waharikik-o.

2 Tesalonika 1:3

Nomini-o, hit farim nintul nantul Allah wa ulug yig ituk am ari fano-o. Eke hit bilin wene demat ulug ebetuk atikipseg, fobik mondog suon-at ebetuk ahebon etno inim, eke bilin hinomini hinindi hunduhuk welatikipseg fobik mondog hinindi hunduhuk welahebon etno inim, ariroho welahep etno fam nit Allah wa ulug yig ituk am ari fano-o. Eke hit ariroho welahep etno fam, niren At Allah udaki o ahik ya da yig isaruk wilil,

2 Timotius 1:12

Hele war naptuson oke, nindi At Allah obam-at ebetuk wilil, At Allahen og hiruhuk ulug irision etno At Yesus waruhu sambit og niriog ulug naso wereg-o, ulug an nenggali elegsoho-at welahi-o.

Yakobus 4:15

Ariroho halug, hiren, “At Allahen fano uruk halug, ninebe niniluk wilil, yi angge di angge epmano suhuk,” ulug ariroho uruk am fano-o.

1 Petrus 1:21

Belabik wapareg, fobik o aphe warehon wereg ambehen iluksoho ebe suon-at minduhupfebag-o. Hit At minduhupfebahon etno obam ebetuk wilil, At Allahen fobik fanoroho seko ninombisahuku, ulug hinindi ebetuk amuk-o.