Filipi 2:15 - Allah Wene Hurumbik Keron

¹⁵ Eke hit ariroho suruk ahebon etno At Allah udaki oke, it aphe yuhun-at wilil dahan fahan surukon epmano inanggelegma welahep-o. Eke hit ariroho inanggelegma wilil, wene iniluk amon etno yig isaruk hisalug, soholoal boholma werehon oke yangguk atuk etno hag, hit epmano eral fisaho neken inanggelegma welamuk-o. Ariroho wereg hisalug, At Kristus waruhu etno sambit an nahien hahuk-o;

Filipi 2:15 ပူးပေါင်းရင်းမြစ်များ

Matius 10:16

At Yesusen yig isaruk wilil, “Hit hinesanggo holtuk amiek­-o. Wam domba epmano it oloyangge hahon inayeg libil inaptukon inambeg lahap isaruk etno hag, lahap hisaruk ahi-o. Eke wam elien orom niog ulug aphe inamben baltuk etno hag, hit hinebe yaharoho wilil, sue yalme indi fano wereg etno hag hit hinindi fanoroho welamuk-o.

Matius 17:17

Yig ituk apagma, At Yesusen yig isaruk wilil, “Nomini-o, hit An ninim welaheon oke, hinindi dahon wilil fikfag ebereheg eleg sil nuruk ahep du, An ninggik maren ninim welatlug nibam lahuk-o? Eke An hit ninim welam ari nambit-o. Eke An nebe ninggik maren ninim welatlug lahuk-o?” ulug yig isaruk apareg, ap etno yig ituk wilil, “Udag ari walug nambeg dia ma-o,” ulug yig ituk apareg, setan etno winimug yig ituk apagma, wilip apag.

Matius 5:45

Eke Hinik­ni Allah boholma werehon udaki amuog ulug ariroho-at suruk amuk-o. Aren angge mo etno ap dahon inim fanowon inim og isaruk-o. Eke Aren angge osit etno it motoho surukon inim, it buruk elegsoho surukon inim og isaruk-o.

Matius 5:48

Ari halug, hit Hinik­ni boholma werehon etnowen fano­won-at suruk etno hag, hiren mondog fano­won-at suruk amuk-o,” ulug yig isebag.

Lukas 1:6

Eke it biren etano At Allah il fam inobabut fano mondog wilil, duroho suruk amuk eke duroho suruk am fug ulug ebahon etno fanoroho suruk apag.

Lukas 6:35

It hinim healeg welahebon epmano hinim hinindi hunduhuk welamiek-o. Ariroho wilil, elamna-at og isaruk sohorep isalug, mondog-at og isaruk amiek-o. Ariroho suruk hisalug, At Hinikni suon Allah etnowen onggo suon fanowon-at og isarukmu, hinebe At udaki-at welamuhup-o.

Yohanes 5:35

Eke at Yohanes etnowen eral fisaho etno hag fisatukmu, seleg atisi-o. Eke aren o seleg etno yanggul hisarukmu, hit bikalem biren henahan neken-at hinahien harikip-o.

Kisah Para Rasul 2:40

Yig isaruk apareg, inesanggo watuk wilil, “It dag surukon du fobik dagma imbisahu-o. Eke hit ariroho hinombisahuk nowen ulug hinahap wendat saruk amiek-o,” ulug yig isebag.

Kisah Para Rasul 20:30

Inindi kahalik wamuhupmu, it ap nin hiron-at waharuk amuhupseg, it Allah udaki epmano inindi kahalukag ulug inenggal wene yig hisa wamuhup-o.

Roma 16:19

Eke hit hag wene fano wene etno fanoroho-at eberoko waruk ahep ari fam it yi aphe di aphe obohen inesanggo holtusa halug, an nahien hisaruk ahi-o. Eke fano surukon etno hag hiniluksoho wilil, dag surukon epmano hinapeleg welam ari fano nahla buruk ahi-o.

1 Korintus 1:8

Eke At Ninowe Yesus Kristus waruhu ari sambit hit hinobam dag seko umbukon mondog eleg amag ulug, At awan waharuk eleg heheg, hinindi oag weregsoho hinombisaharuk-o.

2 Korintus 6:17

“It epmano sohorep isalug, hinim hinakeleg sik welamuk-o. Eke ariroho hinakeleg hinakeleg wilil, dahon werehon epmano senetuk eleg hisalug, Anden endag hinabuhuk-o.

Efesus 5:27

Ariroho inakeleg-at imbisebareg fam, At udaki epmano dag seheg eleg fano mondog welamag ulug endag inapag-o.

Filipi 1:10

Eke ariroho Allah wene etno hinindimuen su atuk aruhumu, du dag du fano ulug yi angge di angge inakeleg sik imbisaruk amuhupseg, eke fobik At Yesus Kristus waruhu ari sambit hinobabut fanowon inim, eke apheyen hinobam denggeltuk elehon etno inim, hinobabut arion-at welamuhup-o.

Filipi 3:6

Ariroho wilil, it Allah udakion epmano mondog-at war inabiog ulug naborali elegsoho-at suruk atikik-o. Eke it wene duroho suruk amuk eke duroho suruk am fug ulug ebahon ilitoho surukon etno fano welatlepmen, an wene ari obog-at nesanggo holtikikseg fam nebe mondog fano-at welatle-o.

1 Tesalonika 5:23

Eke At Allah fanoroho dambuk ninaptukon etnowen hinobabut fanorep hisahaku-o. Eke At Ninowe Yesus Kristus waruhu ari sambit fanoroho welamuhuben ulug At Allahen hinebe inim, hinindi inim, hinahurangge inim fanorep hisahaku-o.

1 Timotius 3:10

Eke it ap yalmag inaptukon du bilin inaren balepfulug, bilin dag surukon fam inune inobam umburuk eleg isalug, ap arion-at welamag-o.

1 Timotius 3:2

Eke it ap aphe inindi aso welamon ari, aphe inune at obam umburuk elehon halug, eke hwe misig-at ohowon halug, eke onggarehen indi aso wereg halug, eke indi seberoho werehon halug, eke fanoroho surukon halug, eke ap huso waharukim fanoroho inim nohorukon halug, eke aphe fanoroho yanggul inaptukon halug,

1 Timotius 5:14

Eke ariroho sil nuruk am nowen ulug, it hweap duhumon inahuni waratukon epmano inahuni holalug, udag misig endereheg, inibam ineyabuk fanoroho holeheg suruk amag ulug yig hirihi-o. Ariroho yig hirihi ari, at iblisen inindi kahalik wam nowen ulug yig hirihi-o.

1 Timotius 5:20

Eke it aphe dag surukon halug, it aphe nin inakol amagsoho selegma-at inesanggo watuk amin-o.

1 Timotius 5:7

Eke it inebe fano mondog welamagsoho an yig hirihion du haren yig isaruk amin-o.

Titus 1:6

eke at udaki Allah wene demat ulug ebetuk isalug, eke ap du udaki inesanggo wareg eleg wilil inikni une holtuk eleg-o, ulug it aphe ninen inune obam umburuk eleg isalug, ap arion-at Allah wene yig isarukon welamag ulug mindu­hupfuk fano-o.

Titus 2:10

Eke it ap inanggimbu ari herako ombateheg suk fug ulug yig isimin-o. Eke At Allah ninili warukon awene etno kiro­ho wawag ulug, it ap inanggimbu ari yi angge di angge motoho surukon etno fam iniknisi iniluk amag ulug yig isaruk amin-o.

Titus 2:15

Wene du yig isaruk wilil, it aphe hune inesanggo holtukon epmano inaso welaheg, eke inesanggo wareheg suruk amin-o. Ariroho suruk healug, eke ap misihen hat seberep hahaku fug-o.

Ibrani 7:26

Ari halug, Ninowe Allah unde suon fanoroho ninaso werehon etno ari At Yesus at-o. Eke At ebe etno obabut akeleg neken-at wilil, dahan fahan seheg, dag seheg suruk eleg-o. Ariroho wereg ari, At ebe etno it aphe dag surukon inanggelegmen akelegma-at imbiog ulug, o boholma anduhunmu etlema imbik lahabag-o.

1 Petrus 2:12

Eke it aphe Allah wene waruk elehonen yig hisaruk wilil, hit Allah udaki dag suruk hisehe-o, ulug hinobam denggeluog ulug inahla buruk wilil, iren urukon epmano eleg amag ulug, fanoroho suruk ahebon epmano inilanggen hawag-o. Ariroho hisaruk amuhupseg, iren fobik At Ninowe waruhumu, inuk suontepfuhup-o.

1 Petrus 2:9

It epmano wataruson oke, eke hit hag fuloko hinombisarision epmano, At Allah udaki-at welahep-o. Ap misig inuk fam hinungguluag soal hinaptisi fug-o. Hit Allah udaki epmano o hikmu epmanowen wol hisarisimu, o selegma wilil, At Allahen elalintoho sirision etno yig isil lawag ulug wol hisarisi-o.

2 Petrus 3:14

Ari halug nomini-o, At waruhuon etno aso wilil suruk aheon etno At Allahen ilanggen nisalug ninaren baltuk weregma, hit hinobabut fanoroho suruk wilil, hinim dambulig welamiek-o.

Wahyu 2:5

Eke hit hinebe dag sirikibon epmano hinin­di eberiek-o. Ari halug, hiren dag suruk ahebon epmano sohorep isalug, bilin suruk atikip epmano ilitoho suruk amiek-o. Eke hiren dag suruk ahebon epmano sohorep isaruk eleg hisalug, An fobik hinambeg waharuk aruhukseg, hiren eral fisako umburuk ahep ambeg etno walug o werlekma umbuhuk-o.

Wahyu 3:9

Eke it iblis udaki epmanowen nit Yahudi ap-at ulug inenggal-at urukon etno, Anden hinolohotma imbisahukmu, inolohore wandukso­ho wereg iseheg, suontep hisahakup-o. Suontep hisaharuk wilil, hit hinebe An ninim nindi hunduhuk welahion epmano iniluk aru­hu-o.