Filipi 2:14 - Allah Wene Hurumbik Keron

¹⁴ Eke hiren yi angge di angge suruk wilil, nambit eheg, eke winimug neken abeheg, uk ari sohorep isalug, yamintal neken suruk elehon inim, eke apheyen hinobam denggeltuk elehon inim hit hinebe arion-at welamuk-o.

Filipi 2:14 ပူးပေါင်းရင်းမြစ်များ

Matius 20:11

Ariroho og isaruk atusama, uang anggen etno waruk atusareg, at ap yabuk unde etno inune fanggogsoho yig ituk wilil,

Markus 14:5

Ambusu etno fam uang anggen tiga ratus onggo baloko it ap inaharek elehon epmano og iselepmen fano-o,” ulug hwe etno abug baltuk apareg, winimug yig epag.

Markus 9:14

Yig isaruk apagma, it At omini nin epmano inambeg wapag. Waharuk apag, it aphe nin anggolo inambeg wonggaleg wilil, it wene baleg unde epmano ninen At omini epmano inim wene sahaltukmu ilanggen isebag.

Lukas 5:30

Inim horieg weregma, it Farisi ap nin inim, it wene baleg unde epmano inomini nin inimen inilanggen isaruk apareg, At Yesus omini epmano yig isaruk wilil, “It uang onggo kino urukon inim, it dag surukon inim hit keroho ulug hinim-at orom naruk ahep-o?” ulug hinog waruk apagma,

Kisah Para Rasul 15:2

alem ari fam it aphe epmanowen Paulus Barnabas inim winimug aptuk apagma, it ninen uruk wilil, “It Paulus Barnabas etano o Antiokhia ap nin inim alem ari fam it mondep isebahon epmano hinog og inabukag ulug o Yerusalem lawag-o,” ulug it Allah wene warukon epmanowen lahap isaruk apagma,

Kisah Para Rasul 15:39

inim winimug aptuk apareg, inakeleg sik-at laruk wilil, at Barnabas etnowen Yohanes Markus walug ik so fam o Siprus etno lebag.

Kisah Para Rasul 15:7

at Petrus etno minatuk apareg yig isaruk wilil, “Nomini-o, it Allah wene waruk elehon epmano yig isarukmu inesanggo holtug eberoko wawag ulug At Allahen amuk hit hinanggelegmen minduhup nahabag etno hiniluk-o.

Kisah Para Rasul 6:1

Eke fobik, it nin anggolo Allah wene waruk apagma, it Yahudi ap Yunani une urukon epmano uruk wilil, “Nintul nantul uang sumburoko og isaruk ahebon oke, hweap niron suhweon etno sohorep isehep-o,” ulug it Yahudi ap inune urukon epmano inim winimug apag.

Roma 12:18

Eke hit yi aphe di aphe obohen du suk fano ulug urukon etno-at suruk amuk-o. Eke hinobabut fano wilil, it yi aphe di aphe obog-at hinim dambuksoho welamag ulug suruk amuk-o.

Roma 14:1

Eke ap hiron misig indi oag eleg halug, hinim fanoroho welamuk-o. Ariroho wilil, hinim winimug aptuk am fug-o.

Roma 16:17

Nomini-o, it ap ninen aphe fano werehon healoko imbiseheg, eke it apheyen wene demat ulug ebetukon etno seberoho embeheg, eke wene yanggul hisarukukon epmano hai neken inahla beheg surukon epmano fikfag yaharoho wilil, hinim dambuksoho welam fug-o, ulug yig hisaruk ahi-o.

1 Korintus 10:10

Eke it ninen ninambit ulug inune fog fog urukmu, at war inaptukon etnowen war inapag etno hag, nit ariroho ninambit ulug ninune fog fog uruk am fug-o.

2 Korintus 12:20

Eke fobik hinambeg waruhukseg, hit an nune hinesanggo holtuk ahep fuhon etno nilanggen hisahuk ari an nambit-o. Eke hiren at Paulus obabut ninambit haruk aheon etno-at waha ulug hiren ariroho yig num ari an nambit-o. Eke hit winimug abeheg, eke hinindi hinasine aheg, eke hinune fanggogsoho eheg, eke an-at suon aruhuken ulug eheg, eke aphe inobam denggeleheg, eke aik dahog eheg, eke hinonggarehen suontepateheg, eke narlog harlog seheg, hiren ariroho surukmu an nilanggen hisaruk ari nambit-o.

Galatia 5:15

Eke wam elien it it aptuk etno hag, hit nambit hambit uruk wilil, hit hit healtuk ahep ari, ninonggarehen watehe ha nowen ulug hinahla buruk wilil, yaharoho welamag ulug yig hisihi-o.

Galatia 5:26

Eke an suon aruhuken ulug sil nurukon etno inim, eke nambit hambit urukon etno inim, eke ap du suon wereg du nindi-e, an ariroho suon welatle, ulug inahla burukon etno inim, obog-at sohorep isaruk amuk-o.

Filipi 2:3

Eke hiren uruk wilil, an nebe suon-at welaruhuk-o, ulug hinonggarehen suontepataruk wilil, suruk am fug-o. Eke nomini du fano wereg heheg, an dag welahi-o ulug it hinomini inil fam seberepataruk amiek-o.

1 Tesalonika 5:13

Eke hiren it inobam hinindi hunduhuk wilil, iren nit nineyabuk fanoroho suruk-o, ulug ininuk suontepfuruk amiek-o. Eke hit it hinomini hinim fanoroho dambuksoho welamuk-o nomini.

1 Tesalonika 5:15

Eke at ap misig dag suruk halug, onggo dahon-at obam embeheg suruk am fug-o. Eke it hinomini inim, it aphe obog inim, nintul nantul fano inabuog ulug suruk amuk-o.

Ibrani 12:14

Eke hit it yi aphe di aphe obog hinim dambuksoho welamuhuben hinobabut fanoroho-at suruk amuk-o. Hinobabut fanoroho suruk amuhup fug halug, At Ninowe etno hinilanggen hahup fug-o.

Yakobus 1:20

Nit Allah yabuk fanoroho suruk wilil, ninasineyen suruk ahe ari hai-o.

Yakobus 3:14

Eke hit hinuneyen nambit hambit eheg, eke hinindi famen hinasine heheg, eke yi angge di angge an-at hulik ulug hinahla beheg suruk wilil, an-at suon ulug, fano wene etno sohorep isalug hinenggal wene etno uruk am fug-o.

Yakobus 5:9

Eke hit hinebe epmano At Allahen oag deloko o dagma hinombisahuk nowen, winimug abeheg eleg-at welamiek-o. Fobik ninaren baluhuon etno horog fanggog ik wariog ulug suruk-o, nomini.

1 Petrus 3:11

Hiren dag surukon sohorep isaruk wilil, fanoroho suruk amuk-o. Aphe hinim fanoroho hinindi hunduhuk welamuk-o. Ariroho hinim fano wilil, hinahientoho welamuhup-o.

1 Petrus 4:9

Eke it hinomini hinambeg waharuk isalug, ninim orom nalug nohulen-o ulug hinindi hinahientoho wilil hinim welamuk-o.

Yudas 1:16

Ari halug, dagma imbisahubon ari, it inambilik butuk urukon epmano inim, it inune inabuaregsoho uruk elehon epmano inim, yi angge di angge suk ulug inahla burukon epmano inim, iren suontepatarukon epmano inim, it inenggal-at, nomin hat fano, ulug yig itukon etno inim, it epmano obog-at o dagma imbisahubon wereg-o.