Filipi 2:1 - Allah Wene Hurumbik Keron

¹ Eke At Kristus hinim welahep etno fam hinindi oag wereg atuk ano? Eke hinindi hunduhuk welahep ari fam, hinindi fano atuk ahep ano? Eke At Roh Kudus hinindimu weregma, hinim welahep ano? Eke it hinomini inabua isaruk wilil, hinim hinindi hunduhuk welahep ano?

Filipi 2:1 ပူးပေါင်းရင်းမြစ်များ

Lukas 2:25

Nin eke ap misig inuk Simeon etno o Yerusalem welapag. At ap etno indi fano mondog wilil, Allahen yig epahon etno-at suruk apag. Eke At Roh Kudus indimu wilil, at it Israel aphe inindi fano inaptukon etno aso welapag.

Yohanes 14:18

Yig isaruk apareg, eke fobik yig isaruk wilil, “An nebe hit udag wenaborlangge neken hinombisahalug lahuk fug-o. Fobik niog suhuluk hinambeg waruhuk-o.

Yohanes 14:27

Ariroho ebebuhubon oke, eke kidia hag hinindi hinahlahiroho welamag ulug yig hisaruk ahi-o. Ariroho yig hisaruk wilil, An ninuk fam hinindi hinahlahiroho welamon etno og hisaruk ahi-o. Ariroho og hisaruk ahi ari, it ap kweanmonen inindi inahlahiroho welamag ulug og isaruk etno hag og isaruk ahi fug-o. Ariroho og hisaruk nealug, hit hinindi dag am fug-o. Eke hinakol ha fug-o.

Yohanes 17:13

Eke An hambeg wariog ulug suruk ahion oke, kidia o kweanma duma wilil, it inindimu inahien anggolo haruk amag ulug yi wene di wene obog-at yig isarikik-o.

Kisah Para Rasul 2:46

Og isaruk wilil, nintul nantul o Allah ibam wonggalik keheg, eke inibamen orom nenggeg suruk wilil, inindi inahientoho welapag.

Kisah Para Rasul 4:32

Nin eke, it Allah wene webahon epmano inindi misig-at dambulig welapag. Inindi misig-at dambulig wilil, du an naharek uruk apag fug. Nit obog ninaharek-o, ulug uruk apag.

Roma 5:5

Eke demat fanoroho ninombisahaku ulug ninahla buruk wilil, ninindi dag atuk eleg-o. Eke nit ninindimu At Allahen bilin Roh Kudus kelegsoho og nisarision etnowen yig nisaruk wilil, “At Allahen hit hinebe indi hunduhuk wereg-o,” ulug yig nisaruk-o.

Roma 8:26

Eke ari ilitoho, nit ninindi oag elehon etno At Roh Kudus etnowen yalmag nisaruk-o. Eke nit hag fanoroho wilil sembahyang uruk amon etno keroho uk-o? ulug ninapeleg niseheg, At Roh Kudus etnowen une niren uk haion etno fam ninake At Allah obam sembahyang uruk-o.

1 Korintus 12:13

Eke At Allahen nit obog-at Roh Kudus misig etno Kristus ebe misig-at amag ulug belap nisa wapag. Eke it Yahudi ap inim, eke it Yunani ap inim, eke it aphe inanggimbu epmano inim, eke it unde werehon epmano inim, obog ninebe misig-at amag ulug ikma belap ninapag. Eke nit obog At Roh Kudusen ambusu etno misig-at og nisebagma, naruk ahe-o.

1 Korintus 15:31

Eke At Ninowe inuk suon Kristus Yesus etno inuk fam hit farim suontep naharukon etno halug, an nintul nantul waratuk ahi-o.

1 Korintus 3:16

Eke hit hinebe At Allah ifaleg neken-at welahep oke, eke hit At Roh Kudus etno ninindimu wereg eleg buruk ahep ano?

2 Korintus 2:14

Eke At Allah wa ulug yig imuk-o. Nit At Kristus ninim wereg nisalug, At Allahen At Kristus suontepfuruk etno hag, nit At mutlug laruk aheon epmano ariroho-at suontep nisaharuk-o. Eke amben fanowon misig halug, it apheyen amben baltuk etno hag, At Kristus awene fanowon etno it obohen iniluk amag ulug At Allahen lahap nisaharuk-o.

Galatia 4:6

Eke hit ariroho Allah udaki atikipseg fam, At Allah Amlohoen angge Roh Kudus etno hinindimu belap hisa waharisi-o. Eke At Roh Kudus etno ninindimu wilil, “Ninikni,” ulug yig ituk-o.

Galatia 5:22

Eke At Roh Kudusen surukon ari it aphe inim inindi hunduhuk werehon etno inim, eke inahien harukon etno inim, eke aphe inim dambuksoho werehon etno inim, eke inindi fanoroho welamon etno inim, eke aphe inune fanoroho yig isarukon etno inim, eke inobabut fanoroho surukon etno inim, eke yabuk fanoroho surukon etno inim,

Efesus 4:4

Eke At Roh Kudus ebe misig-at wereg ari hag, it Allah udaki etno inebe misig-at wereg-o. Eke At Allahen fanowon etno og hisahuk ulug abug yig hisarisi halug, misig etno-at huluog ulug welahep-o.

Filipi 1:8

Eke At Kristus Yesus hit hinobam indi hunduhuk wereg etno hag, an hit hinobam nindi hunduhuk welahi-o, ulug an At Allah inuk fam demat yig hisaruk ahi-o.

Filipi 3:3

Eke nit hag Roh Kudus etno fam At Allah inuk weheg, eke At Yesus Kristus ninim wilil ninahientoho welaheg suruk ahe fam nit hag niniyunggul ambilik baleg neken welahe-o. Eke it iniyunggul ambilik balehon epmano inenggal-at wereg-o. Eke nit hag yi angge di angge nininggiken surukon epmano fam ninili wahu fug buruk ahe-o.

Kolose 2:2

Allah wene etno hiniluk wilil, hinindi demat ulug ebetuk amuhupseg, hit hinoag weregsoho welamuhuben ulug hit hinake yabuk suruk ahi-o. Eke ari halug, At Kristus bilin heraho neken welapahon etno ebe iniluk atlug,

Kolose 3:12

Eke At Allahen indi hunduhuk wilil, At udaki welamag ulug heako hinombisahabag halug, hit Allah udaki-at wilil, hinobabut fanoroho welamiek-o. Eke hinindi fanowon etno inim, eke hinobabut fanoroho welahebon etno inim, eke hinindi seberoho welahebon inim, eke hinobabut misig-at wilil fanoroho welamiek-o.

Ibrani 6:18

Ariroho yig isebag etno hag, Aren hurumbik urukon etno inim, eke At inuk fam urukon etno inim yig nisaruk halug, At Allahen enggal-at ulug imbisahu fug-o. Ari halug, nit At Allahen ninili wawag ulug obam ebetuk aheon etno ninindi oag weregsoho wilil, Aren og hisahuk ulug yig nisebahon etno aso welahe-o.

1 Petrus 1:2

At Allahen indi bulug fuloko hinombisaharisi etno, At Allah Roh Kudusen hinindi fano hinabukag ulug, At Yesus Kristus une holtuk hisalug, At amep fam ho hinaptisi-o. Eke kidia At Allahen ahien hinobam umburuk amag ulug sembahyang uruk ahi-o.

1 Yohanes 3:24

Eke At Allahen wene duroho suruk amuk eke duroho suruk am fug ulug yig nisebahon etno ilitoho suruk nisalug, At Allah ninindimu wilil, ninim welahe-o. Eke At Roh Kudus og nisarision etnowen yig nisarukmu, At Allah ninindimu wereg etno niniluk-o.

1 Yohanes 4:12

It apheyen At Allah ebe hebag fug-o, eke nit ninomini ninindi ninim hunduhuk welahe halug, Allah ebe ninindimu-at wereg ari mondog ninindimu hunduhuk wereg-o.

1 Yohanes 4:16

Eke nit hag, At Allah nit indimu hunduhuk wereg etno niniluk atisimu, ninahla buruk ahe-o. At Allah it aphe indimu hunduhuk wereg-o. Weregma, omini inim hunduhuk werehon halug, Allah inindimu wilil, inim wereg-o.