Filipi 1:8 - Allah Wene Hurumbik Keron

⁸ Eke At Kristus Yesus hit hinobam indi hunduhuk wereg etno hag, an hit hinobam nindi hunduhuk welahi-o, ulug an At Allah inuk fam demat yig hisaruk ahi-o.

Filipi 1:8 ပူးပေါင်းရင်းမြစ်များ

Lukas 1:78

Eke At Allahen yonggonoko neken yig nisaruk etno ninabuen-at yig nisaruk-o. Eke o witaruk wilil monggik ninobam waharuk etno hag, ninili wawon etno ariroho-at og nisahu-o.

Roma 1:9

Eke an nintul nantul hit hinake sembahyang uruk wilil, At Yesus Kristus awene fanowon etno nindimuen eberoko walug yig isil nuruk ahi ari fam, At Allahen demat hinake sembahyang uruk-o, ulug yig hisahu-o.

Roma 9:1

Eke anden At Kristus inuk fam yig hisamin ari, nenggal imin fug-o. Eke an nindimuen demat bukag ulug At Roh Kudus etnowen henggal uruk ahen ulug yig nituk eleg-o.

2 Korintus 13:9

Eke nit hag ninoag eleg, hit hag hinoag wereg halug, ari ninahien haruk ahe-o. Eke hit hag mondog hinindi oag wereg amag ulug hinake sembahyang uruk ahe-o.

2 Korintus 6:12

Eke hit hinawene etno ninindi ebebuog ulug, ninindi sok husig neken welahe-o. Eke hit hag nit ninawene etno ebebuog ulug hinindi sok lareg neken welahep-o.

2 Korintus 7:15

Eke at Titus etnowen ahla buruk wilil, “An nebe inambeg larikikmu, inindi inakoltoho-at heahi war naptusareg, eke fobik an nune yig isarukmu fanoroho-at inesanggo holtusa-o,” ulug indi ebetuk wilil, aren hinebe mondog indi hunduhuk wereg-o.

Galatia 1:20

Eke an nenggal ihi fug-o, ari At Allah il fam demat yig hisaruk ahi-o.

Galatia 3:26

Eke At Kristus hinim wilil obam ebetuk ahep etno fam At Allah udaki-at welahep-o.

Galatia 4:19

Ari halug, nudaki nindi hunduhukon wai. Eke hwe misig udag ahumlareg welatlug, udag ebe endetuk etno hag, At Kristus hit hinindimu welamag ulug, anden endag hinabiog ulug suruk ahi-o.

Filipi 2:1

Eke At Kristus hinim welahep etno fam hinindi oag wereg atuk ano? Eke hinindi hunduhuk welahep ari fam, hinindi fano atuk ahep ano? Eke At Roh Kudus hinindimu weregma, hinim welahep ano? Eke it hinomini inabua isaruk wilil, hinim hinindi hunduhuk welahep ano?

Filipi 2:26

Eke at Epafroditus etno ninim yabuk sat anggoloroho suruk atukukmu, eke hiren an yalmag nabuog ulug nambeg lahapfik waharikip-o. Eke at Epafroditus etno hit obog bik hisiog ulug indi ebetukmu, eke hiren at Epafroditus uk wareg ulug hinesanggo holtikip etno fam, it keroho inahla buhup ulug indi seneni ebetuk-o.

Filipi 4:1

Hit nomini nindi hunduhukon wai. Hit bik hisa wamon nahla buruk wilil, nahien hisaruk ahi-o. Eke hit hag Allah wene yig hisarikikon etno eberoko warikip-o, nomini. Eke At Ninowe awene etno waruk wilil, ariroho suk ulug yig hisihion etno ilitoho suruk wilil hinoag weregsoho suruk amuk-o.

Kolose 2:1

Eke yabuk ari suruk wilil, hit Kolose ap inim, eke it Laodikia ap inim, eke it ap nin an nebe inilanggen nearusa fuhon inim obog-at hinake an narug fanoroho suruk wilil, yabuk sat anggolo suruk atikik etno yig hisamin-o. Hit obog hinindi oag weregsoho welamag ulug, hat misihen nindi eheg, eke hat misihen nindi eheg uruk wilil, hinindi hunduhuk welamag ulug,

Kolose 3:12

Eke At Allahen indi hunduhuk wilil, At udaki welamag ulug heako hinombisahabag halug, hit Allah udaki-at wilil, hinobabut fanoroho welamiek-o. Eke hinindi fanowon etno inim, eke hinobabut fanoroho welahebon etno inim, eke hinindi seberoho welahebon inim, eke hinobabut misig-at wilil fanoroho welamiek-o.

1 Tesalonika 2:5

Eke hit hinahien nisawag ulug yuhun-at nit ninune fanoroho yig hisa waharukuk fug etno hit hiniluk-o. Eke ninaharek anggolo amag ulug ninune fanowon ninenggal-at yig hisaruk atukuk fug etno At Allah iluk-o.

1 Tesalonika 2:8

Eke hit hinobam ninindi hunduhuk wilil, wene fanowon At Allahen yig nisarukon etno yig hiseheg, eke o dumen waram ari fano at-o ulug ninahla beheg suruk wilil, mondog-at hinobam ninindi hunduhuk welatukuk-o, nomini.

2 Timotius 1:4

Eke haren ioba yatuk ahenon etno nahla buruk wilil, nahien hahuken hat bik hea wariog ulug nahla buruk ahi-o.

Filemon 1:12

Eke at ebe lahapfik waharuk wilil, nindi hunduhuk heheg-at lahapfik waharuk ahi-o.

Filemon 1:20

Ari halug nomin-o. At Allah inuk fam hinog yig hirihion etno ilito­ho siuk-o. Eke hat an ninim At Kristus awene waruk ahe etno fam an nahien hawag ulug hat nominen ariroho siuk-o.

1 Yohanes 3:17

Ap misig aharek werehon etno omin aharek elehon etno ahmuroho suruk eleg halug, At Allah inim indi hunduko welam behep?