Filipi 1:7 - Allah Wene Hurumbik Keron

⁷ Eke hit nintul nantul an nindimu neken welahep ari fam, an nahientoho hinobam ebetuk ahi-o. Eke bilin an nebe o ahik ya da laruk wilil, Allah wene yig iseheg, eke inindi ayeg warep iseheg, suruk atikikseg, kidia an nebe hele wareg welahion oke, At Allahen nit obog ninabua nisawon wene hit an ninim dambuksoho seneg welatukuk-o.

Filipi 1:7 ပူးပေါင်းရင်းမြစ်များ

Kisah Para Rasul 20:23

Eke an o ahik ya da sil nuruk neyeheg, At Roh Kudusen yig nituk wilil dahon hobam hombahalug, o it aphe dahon imbisaruk ambeg epma kolap hahakup ulug hurumbik yig nitisi-o.

Kisah Para Rasul 21:33

Sohorep isaruk atusama, it ap inowe sehen senehon etnowen at Paulus etno senoko hele bisuemanggen biren fam hele wabukag ulug yig isaruk atisareg, hinog uruk wilil, “Ap du inuk sa-o? Aren keroho sehek-o?” ulug hinog og inaptuk atisimu,

1 Korintus 13:7

Eke yi angge di angge surukon epmano inobam inapelegsoho apma imbisaruk-o. Eke yi angge di angge demat ulug ahla buruk-o. Eke yi angge di angge fano ban suruk amuhup ulug indi ebereg wereg-o. Eke at ebe obabut fano mondog wilil ariroho suruk-o.

1 Korintus 9:23

Wene fano wene du ninim eberoko wahuken ulug, yi angge di angge ariroho-at suruk ahi-o.

2 Korintus 3:2

Nit ninaholal baleg ari hit hinebe welahep-o. Eke ninaholal ninindimu baleg werehon ari it aphe obohen wane sulug iniluk am ari fano-o.

2 Korintus 7:3

Eke waramuog ulug inim, niniluk welamuog ulug inim, hit ninim welam ninindi hunduhuken uruk ahi-o, ulug yig hisarukukon etno fobik inim dahagsoho yig hisaruk ahi-o.

Galatia 5:6

Eke nit At Yesus Kristus ninim hunduhuk wereg nisalug, wene niniyunggul ambilik balukon etno alem eleg neken wereg-o; eke nit At Kristus obam ebetuk wilil, ninim hunduhuk welahe etno fam wene Aren ebahon etno ilitoho sukon ari alem suon neken-at wereg-o.

Efesus 3:1

Eke an Paulus At Kristus Yesus awene etno hit aphe bilin Allah wene hinapeleg welatikibon epmano yig hisaruk atikikseg, an nebe hele wareg wilil, At Allah obam sembahyang uruk ahi-o.

Efesus 4:1

Eke an At Ninowe anggimbu halug hele wareg welahion etnowen nune oag weregsoho yig hisaruk ahi-o. Eke hit At Allahen wol hisaruk wilil, ariroho suruk amiek-o ulug yig hisarisi etno ilitoho-at suruk amiek-o.

Efesus 6:20

Eke an nebe kidia hele wareg welahion oke, wene fano wene etno yig isil lawag ulug mondep naharisi-o. Eke anden wene yig isawon etno nakol elegsoho yig isaruk amag ulug hiren nake sembahyang uruk amuk-o.

Filipi 1:12

Nomini-o, an yi angge di angge nobam umburuson epmano fam wene fano wene etno su atisi-o ulug hiniluk amagsoho yig hisaruk ahi-o.

Filipi 1:13

Eke an yi angge di angge nobam umburuson epmano fam it ap at Kaisar ibam aso werehon epmano inim, eke it nin epmano inim it obog-at, at Paulus ari At Kristus anggimbu halug hele waroko kolapfurusa-o, ulug iniluk atisi-o.

Filipi 1:14

Eke an nebe hele wareg welahi etno fam, it ninomini At Allah obam ebetuk atusareg, inahla bugsoho wilil, inakol elegsoho-at wene yig isil nuruk-o.

Filipi 1:5

Eke amuk inim, kidia inim wene fano wene yig isil lawon yabuk etno hiren yalmag naptikip etno fam, an nahientoho hinobam ebetuk ahi-o.

Filipi 2:22

Eke at Timotius etnowen yabuk fanoroho sirisi etno hit hiniluk-o. Eke at inim, an ninim ikni amloho neken wilil, wene fano wene yig isawon etno ninim dambuksoho urukuk etno hiniluk-o.

Filipi 4:14

Ariroho suruk ahion oke, kidia an yi angge di angge epmano elegma, hiren yalmag naptikip ari fano-at sirikip-o.

Filipi 4:15

Eke amuk wene fano wene etno yig isil laruk wilil, o Makedonia etno sohorep isalug larikikmu, hit Allah udaki o Filipi welahebon epmano hinakelehen-at yalmag naptikip etno hiniluk-o. Eke anden yi angge di angge og isawag ulug hiren og nitikip-o.

Filipi 4:3

Eke hat nomin ninim Allah yabuk suruk atukukon etnowen it hweap biren eta yalmag inabin-o. Eke it hweap epmano inim, eke at Klemens inim, eke it nomini nin ninim Allah yabuk surukukon epmano iniluk welamag ulug At Allahen holal imbirision etno hit obog-at wene fano wene etno yig isil lawag ulug ninim yabuk sat anggolo surukuk-o.

Kolose 4:18

Eke an Paulusen heahi war hinaptuk ahi-o, ulug holal ari an ninggiken-at balihi-o. Eke an hele wareg welahion etno hinapeleg am fug-o. Eke At Allahen hinabua hisawag ulug yig hisihi-o.

Kolose 4:3

Hit ariroho sembahyang uruk wilil, At Paulusen it aphe Allah wene fanoroho yig isaruk amag ulug hinindi ebetuk wilil, nake sembahyang uruk amiek-o.

1 Tesalonika 5:5

Eke hit obog o seleg udaki welahep-o, o ilingge udaki-at welahep-o. Nit o hubanggo udaki neken welahe fug-o.

2 Timotius 1:8

Ari halug, At Ninowe awene yig isawon etno nenggali ulug uk fug-o. Eke at Paulus Yesus awene yig isarukmu hele watuson etno nenggali ulug uk fug-o. Ariroho uk sohorep isalug, At Allahen hoag werehep haharuk etno fam, wene fano wene etno apma seberoho welamuk-o.

2 Timotius 2:9

Ariroho yig isil nuruk ahi etno fam, dahon etno nobam umburuk atusareg, ap dahon neken-at hele war naptusa; an nebe hele war naptuson oke, Allah wene etno hele wareg wereg eleg-o.

Filemon 1:13

Eke an Allah wene yig isarukmu hele war naptuson etno hat hubulukmu yalmag nabukag ulug, hat Onesimus duma welamin ulug yig etleon oke,

Ibrani 3:1

Nomini, Kristus udaki du wai, nit hit ninim At Allahen wol nisebareg fam, At Yesus etno wene demat uruk aheon etno unde wilil inuk suon welamag ulug lahabik waharision etno hinilanggen haruk amiek-o.

1 Petrus 4:13

At Kristus welapag etno ilitoho atikipseg, hinahientoho wilil, fobik At ninim ilitoho suon amuhuk-o, ulug hinindi ebetuk amiek-o.

1 Petrus 5:1

Eke kidia an Allah wene yig isaruk ahion etnowen hit Allah wene yig isaruk ahebon epmano an wene misig yig hisaruk ahi-o. An At Kristus obam dahon umburukmu nilanggen harikikon etno fobik At ninim ilitoho welamuhuk-o, ulug yig hisaruk ahi-o.

2 Petrus 1:13

Yig hisa fano bihion oke, At Nowe Yesus Kristusen bilin yig nepag etno hag, horog kidia nebe wararuhuk-o.

1 Yohanes 3:14

Nit wareg neken welatukukon oke, kidia ninilukep nisaharisi-o; eke ninomini ninindi hun inaptuk ahe arien niniluk atuk-o. Eke at misig omini indi hun inaptuk elehon halug, wareg neken wereg-o.