Filipi 1:6 - Allah Wene Hurumbik Keron

⁶ Eke At Allahen bilin hinindi yabuk fanowon etno atog suruk atisireg, eke fobik At Kristus Yesus waruhu etno fam atog suhu-o ulug, an demat yig hisaruk ahi-o.

Filipi 1:6 ပူးပေါင်းရင်းမြစ်များ

Yohanes 6:29

“Hit Allah yabuk keroho suruk amuk ulug ehep ari, hit At Allahen lahabik waharision etno obam hinindi ebetuk amuk ulug yig hisaruk-o. Eke At obam ebetuk ahep etno ari Allah yabuk-at suruk ahep-o,” ulug yig isebag.

Kisah Para Rasul 11:18

Yig isaruk apagma, inesanggo holtuk apareg, iren, “Bilin ninune fanggogsoho eheon etno yig ituk sohorep isul, ulug inahla buruk apareg, At Allah inuk suontepfuruk apareg, uruk wilil, ari halug, At Allahen it At awene inapeleg welatuson epmano iren dag suruk atuson sohorep isalug, iniluk welamon wene etno og isaruk hehe-o,” ulug uruk apag.

Kisah Para Rasul 16:14

Ninim wene urukukon etno at misig inuk Lidia, ibam Tiatiraon etno at ebe sum huluon fanowon at ambeg onggo baltukon welatisi. Eke at hwe etno Allah wene warukon oke, At Allahen fikfag esanggo warepfirisimu, at Paulusen irision etno indimu eberoko warisi.

1 Korintus 1:8

Eke At Ninowe Yesus Kristus waruhu ari sambit hit hinobam dag seko umbukon mondog eleg amag ulug, At awan waharuk eleg heheg, hinindi oag weregsoho hinombisaharuk-o.

2 Korintus 1:15

Eke an ihion etno demat ulug nahla buruk wilil, hit ninim birenam ninahien hahuken ulug hinambeg bik hisa wamon etno nahla birikik-o.

2 Korintus 2:3

Eke an nahien haruk nealug, hit obog hinahien haruk ahep etno demat ulug nahla buruk ahi-o.

2 Korintus 7:16

Eke ari fam, hiren ariroho sirikip etno fam, yi wene di wene yig isarukmu, fanoroho-at inesanggo holuhup-o ulug nahla buruk wilil, nahien hisaruk ahi-o.

2 Korintus 9:4

Eke it Makedonia aphe epmano ninim hinambeg waharuk amuhukseg, hit yalmag inaptuk elegma niren ninilanggen hisahuk ari hai-o. Eke niren it demat yalmag inabuhup ulug suontep hisaharukukon oke, hiren ariroho suruk eleg welatlepma, nit ninenggali anggolo holo-o. Eke hit ariroho-at hinenggali anggolo helep-o, ulug ariroho nahla buruk wilil,

Galatia 5:10

Eke an welahi etno hag, hit ariroho At Ninowe hinim welahep etno fam, hinindi dahan fahan ebebuhup fug ulug nahla buruk ahi-o. Eke at ap wene enggal-at yig hisarukon ari ap sa ulug inuk an napelehon oke, At Allahen iluk wilil, onggo etno demat obam umbuhu-o.

Efesus 4:12

Eke ariroho minduhup isarisi ari, At Allah udaki epmanowen yabuk fanowon etno suruk amag ulug yanggul iseheg, eke it At Kristus ebe neken werehon epmano inoag werehep iseheg suruk amag ulug minduhup isarisi-o.

Filipi 1:10

Eke ariroho Allah wene etno hinindimuen su atuk aruhumu, du dag du fano ulug yi angge di angge inakeleg sik imbisaruk amuhupseg, eke fobik At Yesus Kristus waruhu ari sambit hinobabut fanowon inim, eke apheyen hinobam denggeltuk elehon etno inim, hinobabut arion-at welamuhup-o.

Filipi 1:29

Eke hit hinabua hisaruk wilil, At Kristus anggimbu welamon etno og hisarisireg fam, hiren At Yesus obam ebetuk ahep-o. Eke At awene ebetuk ahep etno fam dahon etno hinobam umburuk-o.

Filipi 2:12

Nomini nindi hunduhukon wai. An hit ninim weregma nune holtuk atikip etno hag, kidia nebe yatma welahi oke, nune holtuk amuk-o. Eke hinili wawon etno huluog ulug hinakoltoho suruk amiek-o.

Filipi 2:13

Ariroho suruk hiseheg, At Allahen ariroho suruk amuhup ulug yig hisebahon hinahien haruk wilil ilitoho sukon etno nintul nantul og hisaruk-o.

Filipi 2:16

eke ariroho nahien haruk wilil, an o kweanmen yabuk sat anggolo suruk wilil werlek-at suruk atikik fug-o, ulug nahla buhuk-o.

Kolose 2:12

Ariroho hinombisahabag etno fam, hit hinebe ikma belap hinaptukmu, At Yesus o wikelma waroko embebag etno hag, hinindi dahon sohorep isa ambulug, At Kristus iluk apag etno hag, ikmen minatikip-o. Ari bilin At Allahen At Kristus iluksoho minduhupfebahon etnowen hit hinindi oag weregsoho ikmen minduhup hisaharisi-o.

1 Tesalonika 1:3

Eke hiren wene eberoko waruk wilil, ilitoho suruk ahebon etno inim, eke hinindi hunduhuk wilil, yabuk anggoloroho suruk ahebon epmano inim, eke At Ninowe Yesus Kristusen fano ninabuhu-o ulug fanoroho hinindi ebetuk ahebon etno inim obog-at nintul nantul At Ninikni Allah il fam ninindi ebetuk ahe-o, nomini.

2 Tesalonika 1:11

Eke ari halug, nintul nantul hinake sembahyang uruk ahe-o. Eke At Allahen wol hinaptisireg fam hiniluk welamon etno holawag ulug fanorep hisahakeg, eke hiren nit fanowon etno suk ninindi-o, ulug uruk hisalug, oag weregsoho og hiseheg, eke At awene demat ulug ebebukon atog imbirision etno atog og hiseheg, suruk amag ulug At Allah obam sembahyang kino uruk ahe-o.

2 Tesalonika 3:4

Eke niren yig hisaruk aheon ilitoho suruk ahep etno hag, fobik ilitoho suhup ulug At Allahen hit farim yig nisaruk-o.

Filemon 1:21

Eke an hinog yig hirihion etno aren ilitoho suhu ulug nahla buruk wilil, holal du bal hirihi-o. Eke yig hirihion etno inim, eke nin yig hituk ahi fuhon inim suhun ari an niluk-o.

Ibrani 10:35

Ari halug, hinindi oag weregsoho-at welamuk-o. Ariroho wereg hisalug onggo fanowon etno anggolo-at og hisahu-o.

Ibrani 12:2

Ariroho suruk wilil, nit ninindi demat ulug ebetuk amuhuken At Yesus ninolohot fil lebahon etno-at ninilanggen fikfag wenaharuk amuk-o. Eke At etno An e fam lenggaloko nowabuhup ulug akolen bok apag fug-o. Eke At etno An fobik nahien anggolo hahuk-o, ulug ahla buruk wilil, e fam lenggaloko waramon etno ari hai ulug ahla ebebuk sohorep isalug fanowon unug epahon etno holaruk apareg, At Allah horieg wereg ambeg inggik bikit fil horieg wereg-o.

1 Petrus 5:10

Eke kidia horog dorat dahon etno hinobam umburukmu, fobik At Allah ninabua nisarukon etnowen fano hinabuhu-o. Aren At Kristus hinim ilitoho wilil, hinoag weregsoho welamuhuben ulug fano hinabuhu-o.

2 Petrus 3:10

Eke ap inalomnangge wuog ulug herag herag waharuk etno hag, At Ninowe Yesus hetnogsoho waruhu-o. Waharuk aruhumu, bohol etno une suon uruk wilil, eleg aruhu-o. Eke mo inim, bikalem inim, soholoal inim, yi angge di angge kweanma werehon epmano inim hondoken naruk wilil, eleg aruhu-o.