Filipi 1:4 - Allah Wene Hurumbik Keron

⁴ Eke an nintul nantul hit hinake sembahyang uruk wilil, nahientoho-at sembahyang uruk ahi-o.

Filipi 1:4 ပူးပေါင်းရင်းမြစ်များ

Markus 5:5

Sohorep isaruk apagma, ilikia hupmu aphe warehon imbisaruk ambeg epmano inim, eke bunu alo anggolo wereg ambeg epmano inim laruk wilil, une suon eheg, eke onggarehen helep fam-at wateheg, sil laruk apag.

Lukas 15:10

it Allah malaikat epmanowen at dag surukon misig ioba yatuk atlug indi wereg atuk halug, inahien haruk-o,” ulug At Yesusen yig isebag.

Lukas 15:7

eke at ap dahon misig ioba yatuk atlug, indi wereg atuk halug, it boholmon inahien anggolo haruk-o. Eke it sembilan puluh sembilan ninindi wereg ulug inahla burukon epmano fam it boholmon inahien dorat haruk-o, ulug An demat yig hisaruk ahi-o,” ulug At Yesusen yig isebag.

Roma 1:9

Eke an nintul nantul hit hinake sembahyang uruk wilil, At Yesus Kristus awene fanowon etno nindimuen eberoko walug yig isil nuruk ahi ari fam, At Allahen demat hinake sembahyang uruk-o, ulug yig hisahu-o.

Filipi 2:2

Eke ari fam hinindi misig-at ebereheg, eke it hinomini hinim hinindi misig-at hunduhuk welaheg, eke hinobabut misig-at welaheg suruk hisalug, an nindi nahien hisahuk-o.

Filipi 3:18

Eke bilin nintul nantul yig hisaruk atikikon epmano ioba yatuk wilil kidia dahagsoho yig hisamin-o. Eke it nin inobabut dahan fahan suruk wilil, At Kristus nit ninake e fam lenggaloko warepfebahon etno inim healeg neken wereg-o.

Filipi 4:1

Hit nomini nindi hunduhukon wai. Hit bik hisa wamon nahla buruk wilil, nahien hisaruk ahi-o. Eke hit hag Allah wene yig hisarikikon etno eberoko warikip-o, nomini. Eke At Ninowe awene etno waruk wilil, ariroho suk ulug yig hisihion etno ilitoho suruk wilil hinoag weregsoho suruk amuk-o.

Kolose 2:5

Eke an nebe yatma-at welahi oke, nahla buruk ahion etno hit hinim horog-at wereg-o. Ariroho weregma, At Kristus awene eberoko waruk wilil hinoag weregsoho welahebon etno nilanggen haruk wilil, an nahientoho-at welahi-o.

1 Tesalonika 1:2

Eke niren nintul nantul sembahyang uruk wilil, hit farim At Allah wa yig ereheg, eke hit hinake sembahyang eheg suruk ahe-o.

Filemon 1:7

Eke ari halug, nomin nindi hunduhukon wai. Hat it Allah udaki obog hinim hindi hunduhuk wilil, haren inin­di fano inaptuk ahenon etno nesanggo holtikikseg, nahien anggo­lo haruk wilil, nonggarehen nindi oag werehepatarikik-o.

2 Yohanes 1:4

Nahaloho-o, hat hudaki nin Allah wene warusa-o, ulug nesanggo holtikikseg, nahien harikik-o. At Allahen an nawene wimiek ulug yig nisebag etno fam, an nahien harikik-o.