Filipi 1:28 - Allah Wene Hurumbik Keron

²⁸ Eke hit hinim healeg walehebon epmano hinakol isaruk eleg wilil, hinindi hinahlahiroho-at welamuk-o. Eke ariroho welamuhup etno fam it hinim healeg welahebon etnowen inahla buruk wilil, it ap Allah inim werehon duen nit seberep nisahalug, it suon amuhup-o, ulug inahla buhup-o.

Filipi 1:28 ပူးပေါင်းရင်းမြစ်များ

Matius 10:28

It apheyen inebe war inaptuk oke, inahut war inaptuk elehon etno hinakol isa fug-o. Eke At Allahen inebe inim inahut inim o dagma imbisahuon etno hag hinakol haruk amiek-o.

Markus 3:3

Inilanggen wenaharuk weregma, At Yesusen ap inggik hunduhukon etno yig ituk wilil, “Hat hebe minatuk apmihinteg bulmu dia ma-o,”

Lukas 3:6

Fobik At Ninowe Yesus ninili wahuon etno waharukmu aphe obog inilanggen hahup-o,” ulug at Yesayaen holal embebag etno ilitoho it yi aphe di aphe obog at Yohanesen ikma belap ninabukag ulug ambeg lebag.

Yohanes 16:8

Lahapfik waruhuk aruhukmu, At etno waharuk aruhureg, it aphe kweanmon epmano alem henahan eta fam yanggul isahu-o, alem ebe dag surukon epmano inim, eke alem dahon inobam weregma elehepfukon epmano inim, eke At Allahen inoag deloko imbisawon etno inim, yanggul isahu-o.

Kisah Para Rasul 28:28

ulug at Paulusen yig isaruk wilil, “Ari halug, At Allahen ninili wawon wene etno it Allah wene inapelehon epmanowen demat ulug eberoko wawag ulug yig isaruk wereg-o,” ulug yig isaruk atisimu,

Roma 8:17

Eke nit At Allah udaki wereg nisalug, At udaki ahien inobam umbukon etno nit inim-at og nisahu-o. Eke Aren angge At Kristus og iruhuon etno nit inim-at og nisahu-o. Eke At Kristus ninim dahon etno ninobam umburuk isalug, At ninim-at suontep nisaharuk aruhu-o.

1 Tesalonika 2:2

Eke hit hinambeg o Tesalonika etno awan waharuk eleg niseheg, o Filipi etnowen inune yig nisaruk wilil, dahon etno ninobam umburusa ari hit hiniluk-o. Eke dahon etno ninobam umburuson oke, it nin hit wereg ambehen inim-at winimug yig nisaruk atusama, wene fano wene At Allahen yig nisarukon etno yig hisawag ulug At Allahen oag werehep nisaharisi-o.

Ibrani 13:6

hinindi oag weregsoho welamuk-o. Ariroho wilil, niren duroho uruk amuk-o, “At Ninikni etno ninim wilil, aben dag seko ninombisahukon etno ninakol hahuk fug-o,” ulug uruk amuk-o.

Wahyu 2:10

Ari halug, iren yi angge di angge dahon hinobam umbuog ulug suruk isalug, hinakol isa fug-o. Eke hit nin at iblis etnowen hinindi kahaliug ulug aphe dahon imbi­saruk ambeg epmano kolap hisahureg inggik nomaloen angge fam dahon etno hinobam umbuhuon oke, eleg aruhu-o. Eke hit hag, waram ninakol eleg-o, ulug uruk hisalug, hiniluk welamon etno og hisahuk-o.