Filipi 1:27 - Allah Wene Hurumbik Keron

²⁷ Eke an nebe, fobik bik hisa waruhuk ano eleg ano ulug napelegma, hit wene alem misig du suruk amag ulug yig hisaruk ahi-o. Eke wene yig hisaruk ahi ari, At Kristusen wene fano wene etno fam ariroho siek ulug yig hisarukon etno hiren ilitoho sukag ulug yig hisaruk ahi-o. Eke hit hinindi misig-at dambuksoho wilil, hinoag weregsoho-at wene fano wene etno demat ulug ebetuk ahe-o ulug urukmu nesanggo holuhuk-o.

Filipi 1:27 ပူးပေါင်းရင်းမြစ်များ

Matius 12:25

Yig isaruk apagma, it inahla burukon epmano At Yesus iluk wilil, yig isaruk apag, “Ap o ahik misihon it minggiroko wilil umayirluk aptuk isa­lug, inoag eleg aruhu-o. Eke ap ungguluag misihon it minggi­roko wilil umayirluk aptuk amuhup etno fam, mondog healeg welamu­hup-o.

Kisah Para Rasul 2:46

Og isaruk wilil, nintul nantul o Allah ibam wonggalik keheg, eke inibamen orom nenggeg suruk wilil, inindi inahientoho welapag.

Kisah Para Rasul 24:24

Eke fobik ininggik dorat welatusareg, at Feliks uhwe Drusila, Yahudi hweap etno walug waharisi. Waharuk atisireg, Paulus ayonggo imbirisireg, yig ituk wilil, “Haren At Yesus Kristus awene eberoko wawon etno yig nisamihin-o,” ulug yig ituk atisimu, inesanggo holtusa.

Kisah Para Rasul 4:32

Nin eke, it Allah wene webahon epmano inindi misig-at dambulig welapag. Inindi misig-at dambulig wilil, du an naharek uruk apag fug. Nit obog ninaharek-o, ulug uruk apag.

Roma 1:16

Eke At Allahen oag weregsoho inili wawon wene etno it Yahudi aben bilin eberoko weheg, eke it aphe Allah wene inapeleg welatuson epmanowen fobik eberoko waruk isalug, inili wahu etno fam, At Kristus awene fanowon etno nenggali elegsoho wilil yig isaruk ahi-o.

Roma 1:5

Ariroho yig nisebag etno fam, it yi aphe di aphe Allah wene inesanggo holtuk wilil, At inuk suontepfuruk amag ulug, nit At ninim hunduhuk wilil, mondep nisahik wapag-o.

Roma 1:9

Eke an nintul nantul hit hinake sembahyang uruk wilil, At Yesus Kristus awene fanowon etno nindimuen eberoko walug yig isil nuruk ahi ari fam, At Allahen demat hinake sembahyang uruk-o, ulug yig hisahu-o.

Roma 10:8

Eke ari halug, alem At Allah inim dambulukon etno fam uruk wilil, “Allah wene etno hit hinambeg horogsoho wilil, hinindimu inim, hinambilik fam inim wereg-o,” ulug uruk ari niren At Allah obam ebetuk amuk ulug yig hisaruk aheon etno farim-at uruk-o.

Roma 15:16

it aphe bilin Allah wene inapeleg welatuson epmano yig isawag ulug At Yesus Kristus anggimbu neken minduhup naharisi-o. Ariroho minduhup naharisireg fam it aphe bilin wene inapeleg welatuson epmano anden Allah wene fanowon etno yig isaruk wilil, it epmano At Roh Kudusen inindi yabuk suruk halug, At Allah il fam inobabut fano amag ulug neyabuk suruk ahi ari, it ap Allah unde epmanowen bilin Allah ake fanoroho umburuk apag epmano hag suruk ahi-o.

Roma 15:29

Eke hinambeg waruhuk ari, At Kristus ahien ninobam umbukon wene etno suon-at walug waruhuk-o.

1 Korintus 1:10

Nomini-o, hit hit healeg welahep ha nowen hinune uruk ahebon etno misig-at uruk amuk-o. Eke hinahla buruk ahebon epmano inim, eke hinindimu ebetuk ahebon epmano inim misig-at amag ulug anden At Ninowe Yesus Kristus inuk suon etno fam yig hisaruk ahi-o.

1 Korintus 15:58

Eke ari halug, nomini hit nindi hunduhukon wai. Hit epma hinindi oag weregsoho-at welamuk-o. Eke At Ninowe inuk suon etno eyabuk suruk wilil, o nintul nantul fanoroho suruk amuk-o. Eke hit yabuk sat anggolo suruk ahep ari, At Ninowe suon etno inuk fam eleg aruhu fug etno hit hiniluk-o.

2 Korintus 13:11

Ari halug, nomini, hit hinahien haruk wilil, hinindi oag wereg amag ulug suruk amuk-o. Ariroho suruk wilil, an nune yig hisihion etno hinesanggo holiuk-o, holtuk wilil, hit fikfag dambuksoho welamuk-o. Eke ari halug, At Allah indi hunduhuk wilil, dambuk ninaptukon etno hinim welamuhup-o.

2 Korintus 4:4

Eke it ariroho urukon epmano-at o kweanma duma inowe dahon etnowen o hikmu neken imbisaruk halug, iren wene fano wene du demat ulug inindi ebetuk eleg-o. Eke wene fano wene arien At Kristus Allah olohore ilitoho werehon etno-at suon wereg ulug yig nisaruk ari, o seleg neken wereg-o. Eke o seleg etno it aphe demat ulug ebetuk elehon epmanowen inilanggen ha nowen ulug at setanen o hikmu neken imbisaruk-o.

2 Korintus 9:13

Eke hiren ariroho og isaruk amuhup etno fam iren hinaren balepfulug uruk wilil, it du At Kristus awene fanowon etno eberoko waruk ahe ulug inune uruk wilil ilitoho suruk du fam niren Allah wa ulug hinuk suontepfuruk ahe-o. Eke iren nit inim, it aphe obog inim sumburoko og nisaruk ari fam wa ulug urukmu isahup-o.

Galatia 1:7

Eke wene ari ebe eleg oke, eke it ninen hinindi kahalik waharuk wilil, Kristus wene fano wene du at-o, ulug yig hisarukon oke, ebe ninon-at uruk-o.

Efesus 1:13

Eke hit ariroho-at wene fano wene demat urukon hinili wawon etno hinesanggo holtuk atikipseg At Kristus obam ebetuk atikip-o. Ebetuk atikipmu, eke At Allahen Roh Kudus og hisahuk ulug abug yig hisarision etno arat og hisarisireg fam, aphe inebe duma An nudaki at-o, ulug yig hisarisi etno hiren demat bukag ulug yig hisarisi-o.

Efesus 1:15

Eke hiren At Ninowe Yesus obam ebetuk ahebon epmano inim, eke hiren it Allah udaki obog inobam hinindi hunduhuk welahebon epmano inim, obog-at an nesanggo holtuk atikikseg, nintul nantul hit farim At Allah wa ulug yig ituk atikik-o.

Efesus 4:1

Eke an At Ninowe anggimbu halug hele wareg welahion etnowen nune oag weregsoho yig hisaruk ahi-o. Eke hit At Allahen wol hisaruk wilil, ariroho suruk amiek-o ulug yig hisarisi etno ilitoho-at suruk amiek-o.

Filipi 1:5

Eke amuk inim, kidia inim wene fano wene yig isil lawon yabuk etno hiren yalmag naptikip etno fam, an nahientoho hinobam ebetuk ahi-o.

Filipi 2:12

Nomini nindi hunduhukon wai. An hit ninim weregma nune holtuk atikip etno hag, kidia nebe yatma welahi oke, nune holtuk amuk-o. Eke hinili wawon etno huluog ulug hinakoltoho suruk amiek-o.

Filipi 2:24

Eke At Ninowe etnowen fano-at uruk halug an nebe-at bik hisa waruhuk nahla buruk ahi-o.

Filipi 3:18

Eke bilin nintul nantul yig hisaruk atikikon epmano ioba yatuk wilil kidia dahagsoho yig hisamin-o. Eke it nin inobabut dahan fahan suruk wilil, At Kristus nit ninake e fam lenggaloko warepfebahon etno inim healeg neken wereg-o.

Filipi 3:20

Eke it ariroho suruk oke, eke nit hag boholma lahuk ulug welahe-o. Eke At Ninowe Yesus Kristus ninili warukon etno boholmen ambik waruhu ulug aso welahe-o.

Filipi 4:1

Hit nomini nindi hunduhukon wai. Hit bik hisa wamon nahla buruk wilil, nahien hisaruk ahi-o. Eke hit hag Allah wene yig hisarikikon etno eberoko warikip-o, nomini. Eke At Ninowe awene etno waruk wilil, ariroho suk ulug yig hisihion etno ilitoho suruk wilil hinoag weregsoho suruk amuk-o.

Kolose 1:10

Eke hiniluk wilil, At Allahen ariroho siuk ulug ebahon etno-at suruk amuhup-o. Eke at ahien hinobam umbuhu-o. Eke hiren yi seheg di seheg suruk wilil, anggen fanowon yihikup-o. Eke kidia At Allah ebe hiniluk welahep ari, fobik mondog hiniluk aruhu-o.

Kolose 1:4

Ari, hit At Kristus Yesus obam ebetikibon etno inim, eke Allah udakion hinindi hunduhuk welahebon etno inim obog-at ninesanggo holtukuk-o.

1 Tesalonika 3:6

Lahapfik waharuk atikikmu, at Timotius etno hit wereg ambehen iog suhuluk ninambeg waharuk atisireg, it Tesalonika ap epma inindi hunduhuk wilil, Allah wene fano waruk-o, ulug yig nisarisi-o. Eke aren yig nisaruk wilil, “Hit it Tesalonika aben nintul nantul hinobam ebetuk-o. Eke hiren it bik isa lawon hinindi ebetuk ahep etno hag, iren hit bik hisa wamon ebetuk-o,” ulug ariroho yig nisaruk atisireg fam, nit ninahien harukuk-o.

1 Tesalonika 4:1

Nomini-o, At Allah ahien hisawagsoho hit keroho welamuhup ulug arat yanggul hisarukuk-o. Arat yanggul hisarukukon oke, eke kidia At Ninowe Yesus inuk fam keroho suk ulug hinesanggo watuk wilil, yig hisaruk ahe-o.

1 Timotius 1:11

Eke wene fano wene ari, aphe yig isawag ulug At Allah ahien ninobam umburukon etnowen minduhup naharisi-o.

1 Timotius 1:19

Ari halug, hat hobabut fanoroho suruk amin-o. Eke it ap ninen inobabut surukon etno yaha fanoroho wereg eleg isalug, iren demat ulug eberoko warukon etno inapeleg atisi-o.

2 Timotius 4:7

Eke it aben onggo huluog ulug buahen laruk etno hag, an nebe wene demat urukon etno nintul nantul eberoko waruk wilil, neyabuk og nitision etno obog-at suruk atikikseg, kidia onggo fanowon etno huliog ulug suruk ahi-o.

Titus 2:10

Eke it ap inanggimbu ari herako ombateheg suk fug ulug yig isimin-o. Eke At Allah ninili warukon awene etno kiro­ho wawag ulug, it ap inanggimbu ari yi angge di angge motoho surukon etno fam iniknisi iniluk amag ulug yig isaruk amin-o.

Filemon 1:5

Eke hat it Allah udaki obog hinim hindi hunduhuk wilil, At Ninowe Yesus obam demat ulug ebetuk ahen etno nesang­go holtikik-o.

Yakobus 3:18

Eke ap misihen fohot yaltukon i angge etno yaruhu halug, fobik fano mondog welamon etno holahu-o.

2 Petrus 3:11

Yi angge di angge obog ariroho-at eleg atuk halug, hit ap sandeg neken welamuhup-o?

2 Petrus 3:14

Ari halug nomini-o, At waruhuon etno aso wilil suruk aheon etno At Allahen ilanggen nisalug ninaren baltuk weregma, hit hinobabut fanoroho suruk wilil, hinim dambulig welamiek-o.

Yudas 1:3

Nomini-o, alem At Allahen hit hinili warukon etno holal baloko og hisaminen ulug bihireg fam, fobik it inenggal urukon epmano hit hinune yig isahuben ulug holal baloko og hisaminen ulug nahla bihi-o. Wene At Allahen udaki yig isebahon etno waruk wilil welamuhuben ulug yig hisaminen ulug nahla bihi-o.