Filipi 1:25 - Allah Wene Hurumbik Keron

²⁵ Eke ariroho buruk ahi ari fam, nebe niluk welaruhuk ari demat ulug nahla buruk ahi-o. Ariroho hinim wilil hinindi oag werehep hisahakeg, eke Allah wene eberoko waruk hisalug hinindi hinahientoho welamag ulug yig hiseheg suruk aruhuk-o.

Filipi 1:25 ပူးပေါင်းရင်းမြစ်များ

Lukas 22:32

Simon wai. Ariroho suhu ari fam, hat hindimuen demat ulug ebetuk ehenon etno eleg am nowen ulug hake sembahyang irikik ari fam hindi wereg atuk halug, haren it homini inindi werehep isahun-o,” ulug yig epag.

Kisah Para Rasul 11:23

Laruk apareg, At Allahen aphe duma ahien arat inobam imbisi, ulug ahla buruk apareg, yig isaruk wilil, “Hit hinindi At Ninowe Yesus obam ebetuk wilil, hinim hinindi hunduhuk welamiek-o,” ulug yig isebag.

Kisah Para Rasul 14:22

Laruk apareg, it aphe o epma Allah wene warukon epmano inesanggo watuk wilil, “Hit At Allah weregma kuhuben yi wene di wene dahon epmano hinobam umburuk iseheg, At Yesusen wene ebahon epmano fanoroho eberoko waruk amuk-o,” ulug yanggul isaruk apareg,

Kisah Para Rasul 20:25

Eke At Allah weregmen sukon wene etno yig hisaruk wilil, hit obog ninim welatukuk-o. Eke fobik an nebe etno hit obohen hinilanggen neahup fug-o,” ulug yig isaruk atisireg, yig isaruk wilil, “Eke kidia alem misig yig hisamin-o.

Roma 15:13

Eke ari fam, At Allahen fano ninabuhu ulug ninahla buruk aheon etnowen hit hinahien hawag ulug yig hiseheg, eke hiren At obam ebetuk ahebon epmano fam dambulip hisahakeg suruk amag ulug yig hisihi-o. Eke ariroho dambulip hisaharuk aruhumu, Aren fano ninabuhu-o ulug hinahla buruk ahebon etno At Roh Kudusen oag werehon etno og hisaruk halug, su aruhu-o.

Roma 15:18

Eke an nune oag weregsoho uruk ahi ari, At Kristusen yig nitukmu-at yabuk suruk atikik ulug yig hisaruk ahi-o. Eke At Kristus ninim yabuk sulug eleg anden-at yabuk sirikik ulug uk ari an nakol-o. Eke At Kristus etno ninim yabuk suruk wilil, it aphe bilin wene inapeleg welatuson epmano Allah wene inesanggo holtuk amag ulug nune yig iseheg, eke yabuk seheg,

Roma 15:29

Eke hinambeg waruhuk ari, At Kristus ahien ninobam umbukon wene etno suon-at walug waruhuk-o.

Roma 5:2

Eke ariroho At obam ebetuk atukukseg fam, At Allahen ninabua nisawag ulug og ninaplug waharisi-o. Ariroho og ninaplug waharisireg fam, kidia At Allahen ninabua nisaruk heheg minduhuk neken welahe-o. Ariroho wilil, At Allah ninim suon neken welamuhuk-o ulug ninahientoho ninahla buruk ahe-o.

2 Korintus 1:24

Eke hit hinoag weregsoho wene demat ulug ebetuk ahep ari fam, anden hit ariroho hinindi ebetuk amuk ulug nalontoho wilil yig hisiog ulug suruk ahi fug-o. Eke hit hinahien hawag ulug an hit hinim yabuk suruk ahe-o.

Filipi 1:24

ulug nahla buruk ahion oke, eke hit hinindi yabuk siog ulug nebe niluk welam ari mondog fano-at buruk ahi-o.

Filipi 2:24

Eke At Ninowe etnowen fano-at uruk halug an nebe-at bik hisa waruhuk nahla buruk ahi-o.

Filemon 1:22

Eke misig ari, an noho­ruk ambeg nibam baharik misig fikfag hal naptuk amin-o. Eke hiren an nake sembahyang uruk ahep etno At Allahen esanggo holtug an nebe suhuluk hit hinambeg lahap nabik wamag ulug sembahyang uruk ahi-o.

1 Petrus 1:8

Eke At Yesus Kristus etno hinilanggen harikip fug oke, hinindimu hinim hunduhuk welahep-o. Eke At etno hinilanggen haruk ahep fug oke, At obam ebetuk ahep-o. Ariroho welahep ari, hinindi hinahien suon haruk wilil,