Filipi 1:21 - Allah Wene Hurumbik Keron

²¹ Eke nit niniluk welahe etno ebe nongge wereg buruk ahep-o? An hag At Kristus ninim wilil niluk welahi-o. Eke nebe waratlug fanowon etno-at holahuk-o.

Filipi 1:21 ပူးပေါင်းရင်းမြစ်များ

1 Korintus 1:30

Eke At Allahen hit Kristus Yesus hinim dambuksoho hinombisaharisi-o. Eke At Kristus etno inuk fam ninindi yi angge di angge iniluk atukon epmano-at og nisarisi-o. Eke nit ninebe At Allah ninim dambule nisahakeg, eke nit At Allah udaki welamag ulug heako ninombisahakeg, eke ninebe ninili weheg suruk amag ulug At Allahen Amloho Yesus etno nit ninake belabik wapag-o.

1 Korintus 3:22

Eke yi angge di angge obog-at hiren angge wereg-o. Eke at Paulus inim, eke at Apolos inim, eke at Kefas inim, eke kwean duma inim, eke nit ninebe niniluk welaheon epmano inim, eke it waratukon epmano inim, eke o kidia werehon epmano inim, eke o fobik welaruhuon epmano inim obogsoho hiren angge-at wereg-o.

2 Korintus 5:1

Eke nit ninebe ari ninibam sum fam falehon etno mial atuk halug, At Allahen o boholma ninibam itog mondog welamon fal ninaptukon epmano og nisahu ari niniluk-o.

2 Korintus 5:6

Ariroho og nisarisireg fam, nit ninindi oag weregsoho-at suruk ahe-o. Eke nit ninebe ninibam duma neken wilil, At Ninowe ibam etno awan ninim welahe fug ari niniluk-o.

2 Korintus 5:8

Eke ari halug, ninindi oag weregsoho-at wilil, nit ninebe ninibam duma neken welaheon epmano sohorep isalug, At Ninowe ibam epmano ninim welam ninindien suruk aheon oke,

Galatia 2:20

Eke an nebe At Kristus ninim e fam lenggaloko ninombisahabagma, waratuk soag oke, an niluk welahi ari, an nebe eleg-o, At Kristus etno-at nindimu iluk wereg-o. Eke kidia niluk welahi ari, At Allah Amloho-at obam ebetuk wilil niluk welahi-o. Eke At Allah Amloho nobam indi hunduhuk welapag etno fam, an nake-at warapag-o. Eke At Allah ninabua nisaruk wilil ninili wawon etno ebe werlekon neken imbisaruk ahi fug-o.

Galatia 6:14

Eke an hag, At Ninowe Yesus Kristus e fam lenggaloko embebagma, nit ninake warapahon etno inuk-at suontepfuruk aruhuk-o. Eke at ebe ariroho an nake warapareg fam, yi angge di angge it ap kweanmonen surukon epmano elegsoho imbisaruk ahi-o. Eke it aphe kweanmonen an nebe inapeleg neken atisi-o.

Filipi 1:20

Eke kidia inim, eke fobik nintul nantul inim an neyabuk og nitision etno fanoroho suhuken ulug nindi haruk ahi-o. Ariroho nindi haruk wilil, an nindi oag weregsoho At Kristus inuk suontepfuhuken ulug suruk ahi-o. Eke an nebe niluk wilil ano, waratlug ano At Kristus inuk-at suontepfiog ulug suruk ahi-o.

Filipi 1:22

Eke an nebe niluk wilil yabuk fanowon etno-at suruk aruhuk ari fam, nebe niluk welamon ano, eke waramon ano, an nongge hag imig saruk arik ulug an napeleg-o.

Filipi 1:23

Eke alem biren etno an nindimuen yig nituk-o. An nebe niluk welamon etno sohorep isalug, At Kristus ninim welam ari fano,

Filipi 2:21

Eke it yi aphe di aphe epmanowen inonggareg ineyabuk sukon inahla burukon oke, At Yesus Kristus eyabuk sukon etno hag inahla buruk eleg-o.

Kolose 3:4

Eke At Kristus hit hinim welahep etno fam, At ebe suon etno waharuk aruhumu, At hinim hinoag weregsoho hinombisahaku-o.

Wahyu 14:13

Uruk atisimu, eke fobik boholmen une misig uruk wilil, “It At Ninowe eyabuk suruk atlug war amuhubon epmano fobik inahien hahup-o,” ulug at une etnowen yig nituk atisimu, eke At Roh Kudus etnowen uruk wilil, “Demat-o, it Allah yabuk fanoroho suruson halug, onggo og isaruk aruhumu, fanoroho wilil, kelsaruk amuhup-o,” ulug yig nitukmu, nesanggo holtikik-o.