Filipi 1:20 - Allah Wene Hurumbik Keron

²⁰ Eke kidia inim, eke fobik nintul nantul inim an neyabuk og nitision etno fanoroho suhuken ulug nindi haruk ahi-o. Ariroho nindi haruk wilil, an nindi oag weregsoho At Kristus inuk suontepfuhuken ulug suruk ahi-o. Eke an nebe niluk wilil ano, waratlug ano At Kristus inuk-at suontepfiog ulug suruk ahi-o.

Filipi 1:20 ပူးပေါင်းရင်းမြစ်များ

Yohanes 21:19

Ariroho yig epag ari, at Petrus etno waratuk wilil Allah inuk suroho suontepfuhun ulug At Yesusen hurumbik yig iriog ulug, ariroho yig epag. Yig ituk apareg, eke fobik yig ituk wilil, “Hat An nombolim mug naplug ma-o,” ulug yig epag.

Kisah Para Rasul 20:24

Ariroho yig nitisimu, an nebe niluk wilil, nili holao ulug yig hisaruk ahi fug-o. Eke At Ninikni Allahen ninabua nisarukon wene fano wene etno it aphe obog yig isawag ulug At Ninowe Yesusen an nebe etno minduhup naharisi-o. Ariroho yig nitisi famen an neyabuk og nitision etno-at suhuk ulug nahla buruk ahi-o.

Kisah Para Rasul 21:13

Yig ituk atukukmu, eke aren yig nisaruk wilil, “Hit nongge farim an nobok yatuk wilil, nindi dahap suruk ahep? An Yesus inuk fam weregma, it o Yerusalemen hele war nabuk fano at-o. Eke nebe nowabuk halug fano at-o,” ulug yig nisaruk atisireg,

Kisah Para Rasul 4:31

Sembahyang uruk apagma, o yugul suruk wilil, o it wereg ambeg etno aplohok sebag. Aplohok suruk apagma, it epmano Roh Kudus inindimu kuruk wilil yig isarukmu, Allah wene inakol elegsoho yig isaruk apag.

Roma 12:1

Eke ari halug nomini-o. At Allahen ninabua nisarisi etno fam, duroho suruk amag ulug yig hisamin-o. Eke hit hiniluk wilil, hinebe At Allah ake embeheg, eke At eyabuk-at suhuken ulug hinahla beheg, eke At ahien hawag ulug seheg suruk amuk-o. Eke hit hinahla buruk ahebon epmano At Allah ake umburuk wilil, ari fam At obam ebetuk amuk-o.

Roma 5:5

Eke demat fanoroho ninombisahaku ulug ninahla buruk wilil, ninindi dag atuk eleg-o. Eke nit ninindimu At Allahen bilin Roh Kudus kelegsoho og nisarision etnowen yig nisaruk wilil, “At Allahen hit hinebe indi hunduhuk wereg-o,” ulug yig nisaruk-o.

Roma 6:13

At hit hinebe warehon neken weregma hiniluksoho minduhup hisaharision etno fam At Allah apma welamuog ulug seberoho welamiek-o. Eke hit hinebe atog-atog etnowen fanoroho suhuken ulug At Allah-at og ituk amuk-o.

Roma 6:19

Eke hit hinindi fanoroho ebebukag ulug, nune it apheyen uruk etno hag-at yig hisihi-o. Eke o amuk dag-at suruk wilil, hit hinebe dag surukon epmano anggimbu neken welamuog ulug apma seberepataruk atikibon oke, kidia hag fanoroho-at suruk wilil, alem fanoroho surukon etno anggimbu neken welamuog ulug hit hinebe obogsoho apma seberepataruk amuk-o.

Roma 8:19

Eke yi angge di angge wal hebahon epmano inolohore boholma lahaboho neken wilil, At Allahen udaki suontep isawon etno aso wereg-o.

Roma 9:33

Eke helep ari fam at Alkitab etnowen yig nisaruk wilil, “Helep aphe iniog ahap watukon etno o Sion epma umburuk ahi ari, helep suon inambit harukon etno-at umburuk ahi-o. Eke At ebe helep ilitoho werehon etno obam ebetuk isalug, inenggali hahup fug-o,” ulug yig isebag-o.

1 Korintus 15:31

Eke At Ninowe inuk suon Kristus Yesus etno inuk fam hit farim suontep naharukon etno halug, an nintul nantul waratuk ahi-o.

1 Korintus 6:20

Eke hinebe ari hinonggareg unde welahep fug-o. At Kristus hinonggo anggolo embebag etno fam, hit hinebe ari At Allah-at unde wereg-o. Eke ari halug, hit hinebe inim, eke hinindi inim etnowen At Allah inuk-at suontepfuruk amuk-o.

1 Korintus 7:34

Eke hole duhumon ap oho elehon etno At Ninowe eyabuk sukon etno-at indi ebetuk-o. Ariroho ebetuk ari at ebe inim, indi inim Allah ake welamag ulug indi ebetuk-o. Eke at hwe ahun werehon etno yi angge di angge kweanmon epmano indi ebetuk wilil, nahun ahien hawag ulug keroho sik-o? ulug ahla buruk-o.

2 Korintus 10:8

Eke hit hinebe niren seberep hisahukon etno sohorep isalug, hinindi oag werehep hisahukag ulug At Allahen minduhup nisarisireg fam dot anggolo neken suontepatarukukseg oke, an nenggali haruk ahi fug-o.

2 Korintus 3:12

Eke wene du itog mondog welaruhu ulug ninahla buruk ahe etno fam, ninakol elegsoho-at yig isaruk ahe-o.

2 Korintus 4:10

Eke At Yesus wapag etno hag, ninebe war ninabuog ulug suruk ari fam, At etno iluk wereg-o, ulug selegma amag ulug ninebe niniluk welahe-o.

2 Korintus 5:15

Eke ari halug, nit kidia niniluk welaheon epmano nit ninahla buruk aheon sukon epmano sohorep isalug, At ninake warapareg iluksoho minapahon etnowen ahla burukon etno-at niren suruk amag ulug ninake warapag-o.

2 Korintus 7:14

Eke anden at Titus yig ituk wilil suontep hisaharikikon etno hiren an nenggali hawag ulug sirikip fug-o. Eke an hit farim it ariroho suruk ulug nintul nantul hinabug demat yig isaruk ahi-o. Eke fanoroho-at suruk ulug hinabug at Titus yig itikikon etno ilitoho-at suruk atikip-o.

2 Korintus 7:4

Eke anden yig hisawon etno demat suhup ulug bukaloko yig hisaruk wilil, suontep hisaharuk ahi-o. Eke dahon anggolo ninobam umburukon oke, hit farim ninindi werehepataruk wilil, ninahien anggolo haruk ahe.

Filipi 1:14

Eke an nebe hele wareg welahi etno fam, it ninomini At Allah obam ebetuk atusareg, inahla bugsoho wilil, inakol elegsoho-at wene yig isil nuruk-o.

Filipi 2:17

Eke an neyabuk atog neken hit hinake Allah wene yig hisaruk atikikon epmano At Allah il fam eberoko waruk ahep-o. Eke fobik atog neken an namep etno hit hinake del atuk halug ari fano at-o. Ariroho suruk aruhukseg, nahien hahuk-o.

Kolose 1:24

Eke an hit hinake neken dahon etno nobam umburukon oke, nahientoho welahi-o. Nahientoho wilil, At Kristus etno udaki inake bilin war ariog ulug indi dag apag etno hag, an atog ilitoho neken kidia nindi dag atuk ahi-o.

1 Tesalonika 5:23

Eke At Allah fanoroho dambuk ninaptukon etnowen hinobabut fanorep hisahaku-o. Eke At Ninowe Yesus Kristus waruhu ari sambit fanoroho welamuhuben ulug At Allahen hinebe inim, hinindi inim, hinahurangge inim fanorep hisahaku-o.

1 Petrus 4:16

Yuhun-at welatlebon oke, eke Kristus inuk warikipseg fam dahon etno hinobam umburuk isalug, hinenggali haruk am fug-o. Hit At Kristus inuk warukukseg welahe-o, ulug At Allah wa yig ituk wilil, sembahyang uruk amiek-o.

1 Yohanes 2:28

At Yesus-at inim welam fano. Eke At fobik waruhumu, ninenggali elegsoho unda yatuk wilil, Ninowe-o, ulug heahi wabuhuk-o.