Filipi 1:14 - Allah Wene Hurumbik Keron

¹⁴ Eke an nebe hele wareg welahi etno fam, it ninomini At Allah obam ebetuk atusareg, inahla bugsoho wilil, inakol elegsoho-at wene yig isil nuruk-o.

Filipi 1:14 ပူးပေါင်းရင်းမြစ်များ

Markus 3:3

Inilanggen wenaharuk weregma, At Yesusen ap inggik hunduhukon etno yig ituk wilil, “Hat hebe minatuk apmihinteg bulmu dia ma-o,”

Lukas 1:74

‘Hinim healeg welahebon epmano hit hinapma neken imbisaruk aruhukmu, hinakol eleg wilil, An ninuk waruk amuhup-o,’ ulug yig nisebag etno hag,

2 Korintus 3:12

Eke wene du itog mondog welaruhu ulug ninahla buruk ahe etno fam, ninakol elegsoho-at yig isaruk ahe-o.

2 Korintus 7:4

Eke anden yig hisawon etno demat suhup ulug bukaloko yig hisaruk wilil, suontep hisaharuk ahi-o. Eke dahon anggolo ninobam umburukon oke, hit farim ninindi werehepataruk wilil, ninahien anggolo haruk ahe.

Efesus 3:13

Eke an hit hinake dahon nobam umburukon ari hinesanggo holtug hinindi oag eleg am fug-o, ulug yig hisaruk ahi-o. Eke hit hinil nealug hinoag weregsoho welamag ulug ariroho welahi-o.

Filipi 1:20

Eke kidia inim, eke fobik nintul nantul inim an neyabuk og nitision etno fanoroho suhuken ulug nindi haruk ahi-o. Ariroho nindi haruk wilil, an nindi oag weregsoho At Kristus inuk suontepfuhuken ulug suruk ahi-o. Eke an nebe niluk wilil ano, waratlug ano At Kristus inuk-at suontepfiog ulug suruk ahi-o.

Filipi 1:7

Eke hit nintul nantul an nindimu neken welahep ari fam, an nahientoho hinobam ebetuk ahi-o. Eke bilin an nebe o ahik ya da laruk wilil, Allah wene yig iseheg, eke inindi ayeg warep iseheg, suruk atikikseg, kidia an nebe hele wareg welahion oke, At Allahen nit obog ninabua nisawon wene hit an ninim dambuksoho seneg welatukuk-o.

Filipi 4:1

Hit nomini nindi hunduhukon wai. Hit bik hisa wamon nahla buruk wilil, nahien hisaruk ahi-o. Eke hit hag Allah wene yig hisarikikon etno eberoko warikip-o, nomini. Eke At Ninowe awene etno waruk wilil, ariroho suk ulug yig hisihion etno ilitoho suruk wilil hinoag weregsoho suruk amuk-o.

Kolose 4:4

Eke an At Kristusen wene ebahon etno yig isarukmu sen naptusareg, aphe hele waroko kolap inaptuk ambeg epmano kolap naharusama, At Kristus inuk etno selemen motoho yig isaruk amag ulug an nake sembahyang uruk wilil, Allah kino yig ituk amuk-o.

Kolose 4:7

Eke ninomin Tikhikus Allah yabuk eberegsoho ninim nintul nantul suruk aheon etnowen at Paulus duroho wereg ulug yig hisahu-o.

1 Tesalonika 2:2

Eke hit hinambeg o Tesalonika etno awan waharuk eleg niseheg, o Filipi etnowen inune yig nisaruk wilil, dahon etno ninobam umburusa ari hit hiniluk-o. Eke dahon etno ninobam umburuson oke, it nin hit wereg ambehen inim-at winimug yig nisaruk atusama, wene fano wene At Allahen yig nisarukon etno yig hisawag ulug At Allahen oag werehep nisaharisi-o.

2 Timotius 2:9

Ariroho yig isil nuruk ahi etno fam, dahon etno nobam umburuk atusareg, ap dahon neken-at hele war naptusa; an nebe hele war naptuson oke, Allah wene etno hele wareg wereg eleg-o.