Filipi 1:10 - Allah Wene Hurumbik Keron

¹⁰ Eke ariroho Allah wene etno hinindimuen su atuk aruhumu, du dag du fano ulug yi angge di angge inakeleg sik imbisaruk amuhupseg, eke fobik At Yesus Kristus waruhu ari sambit hinobabut fanowon inim, eke apheyen hinobam denggeltuk elehon etno inim, hinobabut arion-at welamuhup-o.

Filipi 1:10 ပူးပေါင်းရင်းမြစ်များ

Matius 16:23

At Yesus etnowen olohore dahagsoho at Petrus etno yig ituk wilil, “Hat iblis nambolma welahen ari wilip amin-o. Haren An nolohot baltuk ahen-o. Eke hat At Allahen indi ebetuk etno hag ebetuk ahen fug-o. It apheyen inindi bulug uruk etno hag ehen hihi-o,” ulug yig epag.

Matius 26:33

Yig isaruk apagma, eke at Petrus etnowen yig ituk wilil, “Eleg-o, it obog wilip amuhup oke, an hag hombahalug lahuk fug-o,” ulug yig ituk apagma,

Yohanes 1:47

Yig ituk apagma, At Yesusen Natanael etno At ambeg waharukmu ilanggen haruk apareg, At awene etno uruk wilil, “At Israel ap misig enggal eheg eleg demat urukon etno du hinilanggen himiek-o,” ulug yig isebag.

Yohanes 3:20

Eke it yi aphe di aphe dag surukon epmanowen o seleg etno inambit haruk wilil, at o seleg wereg ambeg epmano wamon inambit haruk-o. Eke iren dag surukon epmano bukal am nowen ulug at o seleg wereg ambeg epmano wamon inambit haruk-o.

Kisah Para Rasul 24:16

Eke At Allah inim, it aphe inim obog-at inil fam nobabut fano-at welariog ulug suruk ahi-o.

Roma 12:2

Eke it aphe kweanmon dumen suruk etno hag suruk am fug-o. Eke At Allahen hinindi ebetuk ahebon etno ketoho hinombisahukag ulug At akeleg-at mutlug laruk amuk-o. Ariroho laruk hisalug, At Allahen duroho siuk ulug yig hisawon etno hiniluk amuhup-o. Eke At Allahen duroho suhup ahla burukon etno atog arat ahla birisi ari, fanowon ahien hawon etno-at ahla birisi-o.

Roma 12:9

Ariroho suruk wilil, hinomini hinim hinindi hunduhuk welahebon epmano nomin ulug hinuneyen hinenggal-at uruk am fug-o. Eke dag surukon epmano hinambit haruk wilil, fano suruk amon etno mutlug laruk amuk-o.

Roma 16:17

Nomini-o, it ap ninen aphe fano werehon healoko imbiseheg, eke it apheyen wene demat ulug ebetukon etno seberoho embeheg, eke wene yanggul hisarukukon epmano hai neken inahla beheg surukon epmano fikfag yaharoho wilil, hinim dambuksoho welam fug-o, ulug yig hisaruk ahi-o.

Roma 2:18

Eke At Allahen ariroho siuk yig hisebahon epmano wereg heheg, fano surukon du at-o, ulug hindimu ebetuk ahen-o.

Roma 7:16

Eke an suk nambit buruk ahion etno-at suruk ahi ari fam, wene duroho suruk amuk eke duroho suruk am fug ulug ebahon etnowen demat yig nisaruk-o ulug nindi ebetuk ahi-o.

Roma 7:22

Eke nindi undamen At Allahen wene duroho suruk amuk eke duroho suruk am fug ulug ebahon etno nahien haruk ahion oke,

Roma 8:7

Eke ari fam, at misig kweanmen surukon etno-at ahla buruk halug, At Allah inim healeg wereg-o. Ariroho wilil, At Allahen wene duroho suruk amuk eke duroho suruk am fug ulug ebahon etno ilitoho suk hai atuken esanggo holtuk eleg-o.

1 Korintus 1:8

Eke At Ninowe Yesus Kristus waruhu ari sambit hit hinobam dag seko umbukon mondog eleg amag ulug, At awan waharuk eleg heheg, hinindi oag weregsoho hinombisaharuk-o.

1 Korintus 10:32

Eke it Yahudi ap inim, eke it Yunani ap inim, it Allah udakion inim, it obohen hit suruk ahebon epmano inilanggen hisalug, iren keroho suruk ulug inahla buruk wilil, inambit ha nowen ulug, hiren motoho-at suruk amiek-o.

1 Korintus 8:13

Ari halug, an naruk ahi etno fam at nomin etno indi oag elehap sihi ha nowen ulug an wam inu etno mondog naruk aruhuk fug-o.

2 Korintus 1:12

Eke niren suontepataruk aheon epmano alem du wereg-o, nit ninebe niniluk wilil, o kweanma o ahik ya da inim, eke hit wereg ambeg inim ya keheg sil nuruk atukuk ari, it aphe ninen ninindi wereg ulug bukon etno sohorep isalug ninindi seberoho wilil, At Allah oag weregsoho ahien nisebareg fam, Aren yig nisarukon etno-at yig isil larukuk ulug ninindi ebetuk ahe-o.

2 Korintus 2:17

Eke it nin epmanowen Allah wene yuhun-at inenggal neken yig isaruk etno hag suruk eleg wilil, nit ninebe At Allahen mondep nisahabahon etno At Kristus anggimbu atukukseg, At Allah il fam wilil, Aren yig nisaruk etno hag motoho yig isaruk ahe-o.

2 Korintus 6:3

Eke ap misihen nit yabuk suruk aheon etno dag surusa ulug ninobam denggeluk nowen ulug, ap misig il fam dahan fahan suruk ahe fug-o. Eke nit yi seheg di seheg fanoroho suruk nisalug, it apheyen du Allah anggimbu at-o ulug inahla bukag ulug ninahlahiroho welahe-o.

2 Korintus 8:8

Eke ariroho siuk ulug yig hisaruk ahi fuhon oke, it ninen anggolo umburusa ulug yig hisaruk ahi ari, hit hinindi hunduhuk wilil, keroho umbuhup ulug hinaren baliog ulug yig hisihi-o. Eke At Ninowe Yesus Kristus etnowen ahmu nisebag etno hit hiniluk-o.

Galatia 5:11

Ari halug, nomini-o. Anden hit hiniyunggul ambilik balukag ulug wene yig iselemen, dahon etno keroho nobam embelep-o? Eke anden ariroho yig iselemen, At Yesus e fam lenggaloko embebagma warapahon wene etno iren ninambit ulug elep fug-o.

Efesus 4:15

Sohorep isaruk amuhukseg, eke fobik ninindi hunduhuk wilil, wene demat ulug uruk aheon etno uruk amuhukseg, At Kristus ninungguluag neken werehon etno ninim wilil, ninanggohon neken amuhuk ari fano-o.

Efesus 5:10

Eke hit At Allah ahien hawon etno-at suog ulug hinahla buruk amuk-o.

Efesus 5:27

Ariroho inakeleg-at imbisebareg fam, At udaki epmano dag seheg eleg fano mondog welamag ulug endag inapag-o.

Efesus 6:24

Eke hit obog nintul nantul At Ninowe Yesus Kristus hinindi mondog hunduhuk welahebon etno At Allahen hinabua hisawag ulug yig hisihi-o.

Filipi 1:16

Ariroho yig isarukon ari, inindi hunduhuk wilil, it aphe obog-at wene fano wene yig isawag ulug at Paulus ebe hele wareg wereg-o, ulug iniluk-o.

Filipi 1:6

Eke At Allahen bilin hinindi yabuk fanowon etno atog suruk atisireg, eke fobik At Kristus Yesus waruhu etno fam atog suhu-o ulug, an demat yig hisaruk ahi-o.

Filipi 2:16

eke ariroho nahien haruk wilil, an o kweanmen yabuk sat anggolo suruk wilil werlek-at suruk atikik fug-o, ulug nahla buhuk-o.

1 Tesalonika 5:21

Eke yi angge di angge surukon etno obog-at inaren balepfulug fanowon halug seneg welamuk-o.

1 Tesalonika 5:23

Eke At Allah fanoroho dambuk ninaptukon etnowen hinobabut fanorep hisahaku-o. Eke At Ninowe Yesus Kristus waruhu ari sambit fanoroho welamuhuben ulug At Allahen hinebe inim, hinindi inim, hinahurangge inim fanorep hisahaku-o.

1 Yohanes 4:1

Nomini-o, it obohen Roh Kudus nindimu wereg-o, ulug urukon halug, hiren demat uruk-o, ulug hinindimu ebebuk fug-o. Inaren balepfulug, ap ari demat Roh Kudus indimu wereg-o, ulug uk fano-o. Iren Roh Kudus og nitisi-o ulug inenggal urukon etno o ahik ya da epmano wilip atusa-o.

Wahyu 2:2

hiren suruk atikibon epmano inim, eke yabuk anggolo sirikibon epmano inim, eke hinindi oag weregsoho welatikibon epmano inim, obogsoho An niluk-o. Eke hiren it ap dag surukon hinambit isaruk ahebon epmano inim, eke it ninen An Yesusen mondep nahabahon-at welahi-o, ulug yamin­tal-at urukmu, hiren ap du Yesusen mondep nahabag uruk du eng­gal-at uruk-o, ulug inaren baltikibon epmano inim, An niluk-o.