Filemon 1:22 - Allah Wene Hurumbik Keron

²² Eke misig ari, an noho­ruk ambeg nibam baharik misig fikfag hal naptuk amin-o. Eke hiren an nake sembahyang uruk ahep etno At Allahen esanggo holtug an nebe suhuluk hit hinambeg lahap nabik wamag ulug sembahyang uruk ahi-o.

Filemon 1:22 ပူးပေါင်းရင်းမြစ်များ

Kisah Para Rasul 27:24

yig nituk wilil, ‘Paulus wai, hat hakol ha fug-o. Hat fobik at Kaisar il fam minaruhun-o. Minaruhun ari fam, At Allahen hinabua hisaruk heheg, it obog so du fam hinim laruk ahebon epmano waramuhup fug-o,’ ulug at malaikat etnowen yig nitisi.

Kisah Para Rasul 28:23

Yig ituk atusama, o ari sambit wene uhuk, ulug at Paulus inim uruk atusareg, it inebe obog at Paulus wereg ambeg wonggalik waharusa. Wonggalik waharuk atusama, at Paulusen Allah weregma sukon wene etno ilikia hubet yig isarisi. Yig isaruk mondog weregma, o hupmu atisi. Eke o ari fam yanggul isaruk wilil, at Musaen ebahon etno yig iseheg, eke it nabien wene holal embebahon epmano yig iseheg suruk wilil, At Yesus ari Kristus at-o ulug iren eberoko wawag ulug yig isarisi.

Roma 15:24

Eke an fobik o Spanyol epma waharuk wilil halug, kwalema bik hisao nindi-o. Ari fam, hit welahep ambeg epma nininggik dorat ninim ninahientoho welatlug o Spanyol etno wariog ulug mondep nahakup ano, ulug nahla buruk ahion oke,

2 Korintus 1:11

Eke hiren inili wahun ulug ninake sembahyang uruk wilil, yalmag ninaptuk ahep-o. Eke it aphe obohen ninake sembahyang urukon epmano At Allahen esanggo holtug ninili warisi etno fam, it obohen wa ulug ninake sembahyang uruk amuhup-o.

Filipi 1:19

Eke hiren an nake sembahyang uruk hiseheg, At Yesus Kristus etno inim eke At Roh Kudus etno inimen yalmag nabuhu ari fam, hele hibiloko nombahakup etno niluk-o.

Filipi 2:24

Eke At Ninowe etnowen fano-at uruk halug an nebe-at bik hisa waruhuk nahla buruk ahi-o.

Ibrani 13:19

Eke an nebe etno At Allahen fobik inim dulum-at hinambeg lahap nabik wamag ulug sembahyang uhuben ulug yig hisihi-o.

Ibrani 13:23

Eke at ninomin Timotius o aphe dahon imbisaruk ambeg epmanowen hele hibiloko wilipfurusa ari hit hiniluk amag ulug-at yig hisihi-o. Eke at etno ebe dulum-at waharuk halug, an ninim-at hinambeg bik hisa wamuhuk-o.

Yakobus 5:16

Ari halug, hiren dag suruk ahebon epmano hinomini inil fam bukaltuk amuhupmu, hinebe hinindi fano amag ulug hit obohen hinomini inake sembahyang uruk amuhup-o, eke at ap misihen demat ulug indimu ebetuk halug, aren sembahyang urukon etno oag weregsoho-at uruk-o.

2 Yohanes 1:12

Nin anggolo yig humon wereg oke, anden hin fam holal baloko og hipmin fug-o, ari hambeg waruhukseg, nuneyen-at ninim wene uhuk-o. Nuneyen-at hat ninim uruk wilil, ninahiroho uhuk-o.

3 Yohanes 1:14

Eke horog kidia hinambeg waruhukseg, nuneyen-at ninim wene uhuk-o.