Filemon 1:17 - Allah Wene Hurumbik Keron

¹⁷ Eke ari halug, an nebe nomin ulug heahi war naptuk ahen etno ilito­ho, at ebe heahi waroko hibam hinim welamuk-o.

Filemon 1:17 ပူးပေါင်းရင်းမြစ်များ

Matius 10:40

At Yesusen yig isaruk wilil, “Ap misihen ninim welamulen ulug yig hisaruk halug, An nebe-at ninim welamulen yig nituk-o. Eke An nebe ninim welamulen yig nituk isalug, At lahap nabik waharision etno-at ninim welamulen yig ituk-o.

Matius 18:5

It udag nin ariroho-at An ninuk baloko og inaptuk amuhupseg, heahi war inaptuk hisalug, An nebe-at og nabuhup-o,” ulug yig isebag.

Matius 25:40

Yig nituk amuhupmu, An Hinowe etnowen yig isaruk wilil, ‘Hit fanoroho sirikip ulug yig hisihi ari, hiren it ap An nosi doron epmano fikfag inabua suruk atikip ari fam, An-at nabua suruk atikip ulug demat yig hisihi-o,’ ulug yig isahuk-o.

Kisah Para Rasul 16:15

Waruk atisimu, at inim eke at ibam werehon aphe epmano inim ikma belap inaptusa. Ikma belap inaptuk atusama, at hwe etnowen yig nisaruk wilil, “Hit demat hwe du Yesus wene eberoko waruk ulug buruk ahep halug, hit an ninim nibam epma welamuhuken maniek,” ulug une oag weregsoho yig nisaruk atisimu, o epma ninim welatukuk.

2 Korintus 8:23

Eke at nomin Titus etno hag, ninim hit hinindi yabuk suruk ahe-o. Eke it ninomini nin at Titus inim hinambeg waharukon ari, it aphe demat ulug ebetukon epmanowen mondep isarusareg fam, At Kristus inuk etno suontepfuruk-o.

Efesus 3:6

Eke wene misig heraho welapahon bukaloko yig isarision etno duroho yig isarisi-o, bilin it Yahudi ap At Allah ahien inobam embebahon oke, kidia wene fano wene yig isil lawon etno fam it bilin Allah wene inapeleg welatuson epmano inim-at ahien inobam umburuk-o.

Filipi 1:7

Eke hit nintul nantul an nindimu neken welahep ari fam, an nahientoho hinobam ebetuk ahi-o. Eke bilin an nebe o ahik ya da laruk wilil, Allah wene yig iseheg, eke inindi ayeg warep iseheg, suruk atikikseg, kidia an nebe hele wareg welahion oke, At Allahen nit obog ninabua nisawon wene hit an ninim dambuksoho seneg welatukuk-o.

1 Timotius 6:2

Eke iniknisi arien Allah wene waruk isalug, it inanggimbu etnowen, an nikni ninim hunduhuk weregma, fanowon etno-at og niruhu etno fam kidia at eyabuk fanoroho at suruk aruhuk-o, ulug inahla bukag-o, ulug anden yi wene di wene yig hirihion etno it aphe obog-at yanggul isaruk amuk-o.

Filemon 1:10

Eke at Onesimus etno an hele wareg wilil Allah wene yig itikikseg, namloho neken endag sarikikon etno farim yig hituk ahi-o.

Filemon 1:12

Eke at ebe lahapfik waharuk wilil, nindi hunduhuk heheg-at lahapfik waharuk ahi-o.

Filemon 1:18

Eke at ebe haren angge yi angge di angge heragsalug obam nomat neken wereg halug, an nobam nomat neken wereg-o.

Ibrani 3:1

Nomini, Kristus udaki du wai, nit hit ninim At Allahen wol nisebareg fam, At Yesus etno wene demat uruk aheon etno unde wilil inuk suon welamag ulug lahabik waharision etno hinilanggen haruk amiek-o.

Ibrani 3:14

Eke nit bilin ninindi oag weregsoho wilil Allah wene warukuk etno hag, nintul nantul-at senebuhuk halug ari, At Kristus omini-at welamuhuk-o.

Yakobus 2:5

An nune etno fanoroho holiek-o. It aphe o kweanmen inaharek elehon epmano At Allah udaki welamag ulug Aren fuloko imbisaruk weregma, iren inindimu fikfag ebetuk wilil, At Inikni inindi hunduhuk wereg isalug, At Allah weregma imbisiog ulug abug yig isebahon etno fam ombatawag ulug fuloko imbisarisi-o.

1 Petrus 5:1

Eke kidia an Allah wene yig isaruk ahion etnowen hit Allah wene yig isaruk ahebon epmano an wene misig yig hisaruk ahi-o. An At Kristus obam dahon umburukmu nilanggen harikikon etno fobik At ninim ilitoho welamuhuk-o, ulug yig hisaruk ahi-o.

1 Yohanes 1:3

Eke ninesanggo holtukukon etno hit-at yig hisaruk ahe-o. Eke hit ninim ninomini atlug, Allah ninim eke Amloho Yesus Kristus ninim dambuksoho welahe-o.