Efesus 5:3 - Allah Wene Hurumbik Keron

³ Eke hit Allah udaki welahep halug, wanggik surukon etno inim, suk sohorep isawon surukon etno inim, eke yi angge di angge an-at hulik ulug urukon epmano inim, eke hinune mirlog uruk ahebon etno inim, eke aik dahog urukon etno inim, eke nenek neken urukon etno inim, obog-at hit hinanggelegmen suk hai-o.

Efesus 5:3 ပူးပေါင်းရင်းမြစ်များ

Matius 15:19

It apheyen dag suog ulug inindimuen ebetuk-o. Inindimuen ebetuk atlug, ap watukon etno inim, eke ap inuhweon diloko warukon etno inim, eke hweap selemen surukon etno inim, eke inalomnangge heraharukon etno inim, eke inenggal-at urukon etno inim, eke inune dahon inobam denggeltukon etno inim,

Lukas 12:15

Yig ituk apareg, eke fobik it obog yig isaruk wilil, “Yi angge di angge nindi nindi uruk wilil huluog ulug surukon epmano hit ariroho sehe ha nowen ulug yaharoho welamiek-o. Eke ap misig aharek yi angge di angge anggolo wereg halug, epmano fam fanoroho welaruhu fug-o,” ulug yig isebag.

Lukas 16:14

Yig isaruk apagma, it Farisi ap inesanggo holtuk apareg, uang anggen inindi hunduhuk welapag etno fam At Yesus ahunda yapag.

Kisah Para Rasul 15:20

Eke niren holal baloko og isaruk wilil, wene alem empat dia hiren suk fug ulug yig isuk; ari alem kwanangge anggom ulug waroko umburukon epmano na fug-o. Eke wanggik suk fug-o. Eke yi angge di angge amep eleg warehon na fug-o. Eke amep ebe inim na fug-o, ulug alem holal baloko umbulug og isa fano-o.

Kisah Para Rasul 20:33

Eke anden ap misihen angge perak, emas, sum, onggo ulug holarikik fug-o.

Roma 1:29

Ariroho imbisaruk apagma, dahon inindi kahaltukon etno wilil, yi dag di dag sukon epmano ebereheg, eke inobabut dahon-at welaheg, eke inahlahiroho seheg, eke inindi famen uwa eheg, eke ap wareheg, eke yikangge abeheg, eke inenggal wene eheg, eke inambolma dahaleheg, ariroho suruk-o.

Roma 16:2

Eke it Allah udakien inomini inim fanoroho welamuog ulug suruk etno hag, hit At Ninowe inuk fam at hwe etno fanoroho hinim wilil, aren yig hisaruk halug fanoroho yalmaharuk amuk-o. Eke at hwe ebe it nin obog inim, eke an inim fanoroho welamuhuken ulug ninaohi esag ninaptisi-o.

Roma 6:13

At hit hinebe warehon neken weregma hiniluksoho minduhup hisaharision etno fam At Allah apma welamuog ulug seberoho welamiek-o. Eke hit hinebe atog-atog etnowen fanoroho suhuken ulug At Allah-at og ituk amuk-o.

1 Korintus 10:8

Eke ap iron ninen hweap inuhwesion nin seg inaptuk apareg, o misihim ap inebe dua puluh tiga ribu warapag. Etno hag, eke nit ariroho seg inabuk eleg-o.

1 Korintus 5:1

Eke it ap hinim welahebon epmanowen hwe ap uhweon holaruk ulug yig nirik waharusa-o. Eke it wene inapeleg ambeg epmanowen hweap og inaptuk wereg oke, eke ap hiron misihen ikni uhwe holalug inim wereg etno hag hai-o.

1 Korintus 6:13

Eke ninaharom ari nit ninahum fam welamon ulug wereg-o. Eke ninahum ari ninaharom yonggatukon-at wereg-o. Ariroho wereg oke, eke fobik At Allahen ninaharom inim, ninahum inim ebe elehapsuhu-o. Eke ninebe etno hwe ap uhweon surukon ulug wereg eleg-o. Eke nit ninebe an At Ninowe inuk suon etno apma neken-at welahe-o. Eke Ninowe inuk suon ari nit ninebe ninake-at wereg-o.

1 Korintus 6:18

Eke hwe ap uhweon surukon ari namberak ulug sohorep isao fano. Eke it apheyen yi dag di dag surukon epmano inebe dahapsaruk eleg oke, it hwe ap uhweon surukon epmano hag inebe-at dahapsaruk-o.

2 Korintus 12:21

Eke an fobik hinambeg waruhukseg fam At Allahen hit hinanggelegma epmen seberep nahaku ari nambit-o. Eke it ap nin hinanggelegma werehon epmano bilin dag suruk wilil, wanggik seheg, eke dahan fahan seheg suruk atuson epmano sohorep iseheg eleg-at wereg isalug an ioba yaruhuk ari nambit-o.

Efesus 5:12

Eke iren herako surukon epmano anden selegma uk ari nenggali-o.

Efesus 5:5

Eke alem misig du inim yig hisamin-o, it wanggik surukon etno inim, eke it fano suk sohorep isawon surukon etno inim, eke it yi angge di angge an-at hulik ulug uruk wilil, it inaharek ninamonggat ulug suontepfurukon etno inim it obog-at At Kristus Allah inim weregma kuhup fug-o.

Filipi 1:27

Eke an nebe, fobik bik hisa waruhuk ano eleg ano ulug napelegma, hit wene alem misig du suruk amag ulug yig hisaruk ahi-o. Eke wene yig hisaruk ahi ari, At Kristusen wene fano wene etno fam ariroho siek ulug yig hisarukon etno hiren ilitoho sukag ulug yig hisaruk ahi-o. Eke hit hinindi misig-at dambuksoho wilil, hinoag weregsoho-at wene fano wene etno demat ulug ebetuk ahe-o ulug urukmu nesanggo holuhuk-o.

Kolose 3:5

Eke ari halug, kweanmen dahon suruk ahebon epmano hinapelegsoho sohorep isiek-o. Eke dahon ari, ap uhweon inalomnangge surukon etno inim, it ap ap wanggik surukon etno inim eke inobam ahahe laharukon etno inim eke dag suk ulug inahla burukon etno inim eke nindi nindi il nurukon etno inim eke kwanangge nindi ulug seneg werehon etno inim,

1 Tesalonika 4:3

Eke At Allahen hit hinobabut fanoroho seheg, eke hwe ap uhweon wanggik surukon etno sohorep iseheg suruk amag ulug yig hisaruk-o.

1 Tesalonika 4:7

Eke At Allahen yi dag di dag suruk amag ulug wol hinaptisi fug-o. Aren hinobabut fanoroho suruk amag ulug wol hinaptisi-o.

1 Timotius 2:10

It hweap an Allah wene waruk ahi-o ulug urukonen suruk etno ilitoho inobabut fanoroho wilil suruk amag-o.

1 Timotius 3:3

eke ambusu nenek surukon etno naruk elehon halug, eke asine elehon halug, eke indi humbulihon halug, eke indi fanowon halug, eke yikangge aptuk elehon halug, eke yi angge di angge kweanmon nindi ulug heahil sil nuruk elehon halug, it ap aphe inindi aso welamon etno arion-at fuloko imbisawag-o.

1 Timotius 6:10

Eke yi dag di dag surukon epmano alem yi angge di angge inim, uang inim nindi nindi urukon etno-at wereg-o. Eke it ap ninen uang ari-at nindi-o, ulug uruk wilil, wene demat ulug urukon etno sohorep isalug, eke ap misig wataruk wilil, yahayen bal saruk etno hag, it aphe nindi nindi urukon etno eleg atuk halug, inindi dag atuk-o.

2 Timotius 3:2

Eke fobik it aphe an-at hulik ulug inahla burukon etno inim, an uang nindi urukon etno inim, inindi arikon epmano inim, inonggarehen suontepatarukon etno inim, eke it aphe inobam denggeltukon etno inim, eke iniknisi inune holtuk elehon etno inim, eke wa ulug uruk elehon etno inim, eke Allah wene fanoroho ebetuk elehon etno inim,

Titus 1:11

Eke it ap ariroho inenggal urukon etno bok amag ulug yig isimuk-o. Eke it epmano dahan fahan suruk wilil, inaharek anggolo amag ulug o sili misig keheg sil nuruk wilil, wene dahon-at it yi aphe di aphe yig isaruk-o.

Titus 1:7

Eke at ap Allah wene yig isarukon ari dag suruk eleg halug, Allah yabuk etno aso welamag-o.

Titus 2:3

Eke it hweap inanggohon ari ari­roho-at it Allah wene warukon ilitoho wilil inakol weregsoho welamag ulug yig isaruk amin-o. It hweap inune mirlog urukon etno inim, eke ambusu nenek surukon donggogsoho narukon etno inim, hweap arion welam hai-o. Eke ariroho suk fano ulug yanggul isarukon et­no-at welamag-o.

Ibrani 12:16

Eke at Esau etno manggia-at endag apareg fam, wene ap manggien uruk amon etno unde welatlebon oke, orom dorat farim onggo baltuk wilil, at ebe fobikon neken apag-o. Eke at obabut dahon wilil, dahan fahan suruk apag etno hag, hit ariroho sehep ha nowen fikfag welamuk-o.

1 Petrus 5:2

It Allah udaki epmano yaharoho welamuhuben ulug minduhup hisahabahon etno yabuk fanoroho-at surukmu, At Allahen une yig hisarukmu, yabuk hinahiroho-at suruk amiek-o. Eke yi angge di angge nawon epmano og nisahup, ulug hinahla buruk am fug-o. Fanoroho inaso wilil, yaharoho welamuk ulug hinahla buruk amiek-o.

2 Petrus 2:10

Eke it aphe inenggal yig hisarukon ari inahlahiroho wilil, it malaikat boholmon etno inakol isaruk eleg-o.

2 Petrus 2:14

Eke it epmano hwe dahon inilag warukon etno-at suog ulug heahil nuruk-o. Heahil nuruk wilil, nintul nantul dag suk ulug inahla buruk-o. Inahla buruk wilil, bak yep suruk etno hag, iren aphe inindi elehen epmano dag sukag ulug inindi kahalik waharuk-o. Ariroho suruk wilil, inindi dag mondog-at wereg isalug, fobik At Allahen waramiek yig isahu-o.

2 Petrus 2:3

It epmano inonggarehen yi wene di wene inahla buhupseg, hit hinebe inapmarep hisaharuk amuhup-o. Inapmarep hisaharuk amuhubon oke, eke at oag del inaptukon etno iluk wilil, fobik mondog dagma-at imbisahu-o.

Wahyu 2:14

Ariroho waruk atikipseg fam, eke kidia alem misig fam hinesang­go warik-o. Alem ari, amuk it Israel aphe epmano wam uson neng­geg, wanggik seheg suruk amag ulug at Bileam etnowen at Balak etno yanggul epag etno hag, it nin ilitoho surukon hinim wela­hep-o.

Wahyu 2:21

Ari halug, at hwe arien dag sirision epmano sohorep isawag ulug aso welatikikon oke, aren wanggik surukon etno sohorep isao ambera­ken suruk-o.

Wahyu 21:8

It epmano og inaptuk aruhukon oke, eke it inakol werehon inim, it fanoroho ebetuk elehon inim, it dahon inim, it ap watukon inim, it wanggikon inim, it usa surukon inim, it kwanangge senehon inim, it inenggal urukon inim, it epmano obog hondok helep wandal hahon etnowen inahu ambeg epmano welamuhup-o. Birenam waratukon ari mondog-at senebuhup-o,” ulug yig nitukmu nesanggo holtikik-o.

Wahyu 22:15

It epmano epma kuhubon oke, eke it yangge neken sil nurukon epmano inim, it usa surukon epmano inim, it wanggik surukon epmano inim, it ap watukon epmano inim, it kwanangge senehon epmano inim, eke it dahan fahan suruk wilil inenggal urukon epmano inim, it epmano obog-at o selema welamuhup-o.

Wahyu 9:21

Ariroho ebetuk wilil, it aphe epmanowen ap war inabeheg, eke usa seheg, eke wanggik seheg, eke inalomnangge herahakeg surukon epmano sohorep isarusa fug-o.