Efesus 5:2 - Allah Wene Hurumbik Keron

² Eke At Kristus nit ninobam indi hunduhuk welapag etno hag, hit hit hinindi hunduhuk welamuk-o. Eke At Kristus ari nit ninake warariog ulug onggarehen imig saruk wilil, At Allah ahien hawag ulug At ebe fanowon etno Allah ake atisi-o.

Efesus 5:2 ပူးပေါင်းရင်းမြစ်များ

Matius 20:28

Eke An Allahen minduhup naharision etno hag, it aphe nanggimbu neken wilil napma seberoho imbisiog ulug waharikik fug-o. An nebe etno it aphe inanggimbu wilil inilioko inake wararuhuken ulug waharikik-o,” ulug yig isebag.

Yohanes 13:34

Ari halug, kidia wene keron neken misig yig hisamin-o. Ariroho yig hisaruk nealug, hit hit hinomini hinim hinindi hunduhuk welamuk-o. Eke Anden hit nindi hunduhuk welahi etno hag, hit hinomini hinim fanoroho hinindi hunduhuk welamuk-o.

Yohanes 6:51

Eke orom iniluk inaptukon boholmen ambik waharision etno ari An at-o. Eke orom roti iniluk inaptukon etno naruk isalug, iniluk mondog welamuhup-o. Eke orom roti Anden og isahukon ari, it yi aphe di aphe kweanmon obog-at iniluk welamag ulug An nebe etno-at og isahuk-o,” ulug yig isebag.

Roma 15:16

it aphe bilin Allah wene inapeleg welatuson epmano yig isawag ulug At Yesus Kristus anggimbu neken minduhup naharisi-o. Ariroho minduhup naharisireg fam it aphe bilin wene inapeleg welatuson epmano anden Allah wene fanowon etno yig isaruk wilil, it epmano At Roh Kudusen inindi yabuk suruk halug, At Allah il fam inobabut fano amag ulug neyabuk suruk ahi ari, it ap Allah unde epmanowen bilin Allah ake fanoroho umburuk apag epmano hag suruk ahi-o.

Roma 4:25

Eke niren dag surukon epmano ninake war amag ulug fuloko embebareg, nit alem dahon ninobam werehon epmano elehep nisahalug, At Allahen ninim dambuksoho ninombisahiog ulug iluksoho minduhupfebag-o.

Roma 8:3

Eke ninebe kweanmon etnowen fano suk ninoag elegma, at wene duroho suruk amuk eke duroho suruk am fug ulug ebahon etnowen fano ninabuk hai atision oke, At Allahen fano ninaptisi-o. Eke At Allahen Amloho etno it ap kweanmon inebe dag surukon epmano ilitoho belabik waharuk wilil, At Kristus obam alem dag surukon epmano onggo umbukag ulug belabik wapareg fam, alem dag surukon epmano oag deloko elehepfebag-o.

Roma 8:37

Eke At nit ninebe indi hunduhuk wereg heheg, alem misihen heal ninabuhu fug ulug demat niniluk welahe-o.

1 Korintus 16:14

Eke yi angge di angge suruk wilil, aphe hinim hinindi hunduhuk welamuk-o.

1 Korintus 5:7

Eke hit hag roti keron neken amuhuken ulug, roti su amag ulug werehon amukon dag sirikibon epmano horoho wilipfisiek-o. Eke it Israel ap amuk wam domba Paskah esebuog ulug wapag etno hag, At Kristus etno nit ninake warapareg fam,

2 Korintus 2:14

Eke At Allah wa ulug yig imuk-o. Nit At Kristus ninim wereg nisalug, At Allahen At Kristus suontepfuruk etno hag, nit At mutlug laruk aheon epmano ariroho-at suontep nisaharuk-o. Eke amben fanowon misig halug, it apheyen amben baltuk etno hag, At Kristus awene fanowon etno it obohen iniluk amag ulug At Allahen lahap nisaharuk-o.

2 Korintus 2:15

Eke kemenyan etno hondok yalepfurukmu amben fanowon haruk etno hag, At Kristus awene fanowon etno yig isawag ulug lahap nisarukmu, At Allahen ilanggen nisaruk-o. Eke it aphe nin amben dahon misig etno halug, waratuk etno hag, it aphe nin o dagma lahubon epmanowen Allah wene inesanggo holtuk oke, inindimuen ninambit buruk wilil, inili holaruk eleg etno fam waratuk-o. Eke it aphe nin amben fanowon misig halug, inahien suruk etno hag, it aphe nin o fanoma lahubon epmanowen Allah wene inindimuen eberoko waruk ari fam inili holaruk-o. Eke ari halug, Allah wene yig isawon etno at sen iluk wereg-o?

2 Korintus 8:9

At etno aharek anggolo welapahon oke, hit hinake-at aharek elehon neken seg apag-o. Eke At etno ariroho aharek elehon neken seg apag ari, hit hinaharek anggolo werehep hisahiog ulug ariroho seg apag-o.

Galatia 1:4

Eke o dagma welahe ambeg dumen ninili wawag ulug At Ninikni Allahen ahla buruk apareg fam, At Kristus nit dag suruk aheon ninonggo bal ninabiog ulug warapag-o.

Galatia 2:20

Eke an nebe At Kristus ninim e fam lenggaloko ninombisahabagma, waratuk soag oke, an niluk welahi ari, an nebe eleg-o, At Kristus etno-at nindimu iluk wereg-o. Eke kidia niluk welahi ari, At Allah Amloho-at obam ebetuk wilil niluk welahi-o. Eke At Allah Amloho nobam indi hunduhuk welapag etno fam, an nake-at warapag-o. Eke At Allah ninabua nisaruk wilil ninili wawon etno ebe werlekon neken imbisaruk ahi fug-o.

Efesus 1:4

Eke o kweanma duma awan wal haruk eleg wilil, nit At Kristus inuk fam At Allah udaki welamag ulug Aren arat imig ninapag-o. Eke nit ninebe At il fam dag seheg eleg-at wilil ninobabut fano-at welamag ulug imig ninapag-o.

Efesus 3:17

eke At Kristus obam ebetuk hisalug, At ebe hinindimu welaheg suruk amag ulug an sembahyang uruk ahi-o.

Efesus 3:19

Eke At Kristusen ninobam indi hunduhuk werehon etno niren obogsoho ebebuk fug oke, obog-at hiniluk am ari fano-o. Ariroho hiniluk wereg hisalug, At Allahen hinim welamon etno hinindimu kelegsoho-at og hisahu-o.

Efesus 4:15

Sohorep isaruk amuhukseg, eke fobik ninindi hunduhuk wilil, wene demat ulug uruk aheon etno uruk amuhukseg, At Kristus ninungguluag neken werehon etno ninim wilil, ninanggohon neken amuhuk ari fano-o.

Efesus 4:2

Ariroho suruk wilil, hinindi seberoho welaheg, eke hinune fanoroho yig iseheg, suruk amuk-o. Eke hinomini hinim hinindi hunduhuk wilil, fanoroho hinim welamuk-o.

Efesus 5:15

Ariroho minatlug wereg healug, At Kristusen selegma hombahaku-o,” ulug ariroho Alkitab fam weregma, hiren ninobabut keroho welamuk ulug hinindi fikfag ebetuk amiek-o. Hit it ap inapelehon wereg etno hag welam fug-o. It ap inindi inilukon wereg etno hag welamuk-o.

Efesus 5:25

Eke At Kristus etno At udaki indi hunduhuk welapag etno hag, hit aben hinuhwesi hinindi hunduhuk welamuk-o. Eke At Kristus ari At udaki inake warapareg fam,

Filipi 4:18

Eke hiren nombaharikibon etno arat og nitisimu, kidia yi angge di angge obog-at wereg-o. Eke hiren yi angge di angge nombaharikibon epmano at Epafroditus etnowen og nirik waharisireg fam, kidia an naharek obog-at wereg-o. Eke hiren an nombaharikibon epmano ambusu amben fanowon neken At Allah ake ulug umburuk atikipseg fam, At Allah ahien hisahu-o.

Kolose 3:14

Eke hele homaharuk etno hag, hinebe misig-at dambulig wilil, hinindi misig-at welamiek-o.

1 Tesalonika 4:9

Eke anden hinomini hinim fanoroho hinindi hunduhuk welamuk ulug yig hisao ari hai-o. At Allahen hit hinomini hinim fanoroho hinindi hunduhuk welamuk ulug yanggul hisarisi-o.

1 Timotius 2:6

Eke At Yesus ari nit yi aphe di aphe obog-at ninonggo warapag-o. Eke At etno bilin warapareg fam, At Allahen aphe obog ninili wiog ulug suruk-o, ulug niniluk atuk-o.

1 Timotius 4:12

Ariroho suruk healug, it apheyen, hat hebe doron atma, bok amin-o, ulug yig hum ari hai-o. Eke haren uruk ahenon etno inim, eke hobabut fanoroho suruk ahenon etno inim, eke aphe hinim hunduhuk welahebon etno inim, eke Allah wene demat ulug ebetuk wilil ilitoho suruk ahenon etno inim, it aphe obohen inilanggen healug, nit ari ilitoho suruk amuk-o ulug inahla bukagsoho suruk amin-o.

Titus 2:14

Nit yi dag di dag suruk aheon epmano onggo baloko ninili weheg, eke it fano mondog suk ulug inahla ebetukon epmano At udaki obog-at welamag ulug ho ninabeheg sukag ulug ninake og nisebag-o.

Ibrani 8:3

Eke it ap Allah unde suon epmano hag, iren yi angge di angge Allah ake embeheg, eke wam waroko At Allah ake ulug hondok yaleheg suruk amag ulug minduhup isaruk-o. Ariroho suruk etno ilitoho nit Ninowe Allah unde suon etnowen angge Allah ake embebahon misig wereg-o.

Ibrani 9:14

Eke At Kristus etno At ahut itog mondog werehon etno fam At ebe Allah ake warariog ulug imig sebag-o. Ari halug, niren usaroho suruk atukukon epmano sohorep isalug, At Allah iluk werehon etno anggimbu wilil At eyabuk-at suruk amag ulug, At Yesus amep fam ninindi horoho ninobabut keron neken ninombisaharuk-o.

Ibrani 9:23

Eke yi angge di angge boholmon ilitoho ulug kweanma ahut haloko embebahon epmano wam amep etno fam ho sebahon oke, yi angge di angge boholmon epmano Allah ake fanowon misig embebahon etnowen ho inapag-o.

Ibrani 9:26

o kweanma duma alem bilin wal hebag etno famen dahon etno obam umburukmu, nintul nantul-at waratlep-o. Ariroho selebon oke, kidia o ebe elehap sukon etno fanggog uruk heheg, At ebe etno misihim-at waharuk apareg, it apheyen dag surukon epmano elehap siog ulug At ebe misihim-at Allah ake ombatebag-o.

1 Petrus 4:8

Eke misig du alem suon neken yig hisaruk ahi-o. Ari hit hinomini hinim fikfag hinindi hunduhuk welamuk-o. Hinomini hinim hunduhuk wilil, iren dahan fahan suruk isalug, seberoho imbisahup-o.

1 Yohanes 3:16

Eke At Kristus nit ninake warapag etno niniluk-o. Nit halug, nit ninomini inake inili wa fano-o.

1 Yohanes 3:23

Eke komo yig nisarukon etno ebe du at-o, At Amloho Yesus Kristus inuk fam ebebuk-o, eke At Kristusen yig nisebag etno hag, niren ninomini at misig nindi eheg, at misig nindi eheg suruk amuk-o.

Wahyu 1:5

Eke At Yesus Kristus wene demat urukon etno yig niseheg, eke it ap o ahik ya da suon epmano Inowe suon welaheg, eke Amloho manggia neken it warehon imbisaruk ambehen iluksoho minduhupfebahon etno ahien hinobam umburuk-o. Eke At Yesus etno nit ninebe indi hunduhuk wilil, ninake waratuk apa­reg, niren dag suruk aheon epmano ninobam ninapelegsoho Aren apma ninombisahabag-o.

Wahyu 5:9

Ininggikmu senetuk atusareg, di keron misig uruk wilil, “Hat hag holal baleg etno walug, hele homahowon etno yumbuk suk hoag wereg-o. Hat hebe howatuk apagma, aphe inake waratuk senareg fam, o ahik ya da inune inakeleg sik urukon inim, inungguluag dombog yi aphe di aphe obog inim At Allah og umon in­onggo baliog ulug amburuk senag-o.