Efesus 4:5 - Allah Wene Hurumbik Keron

⁵ Eke At Ninowe ebe misig-at wereg-o, eke ninindimu demat ulug ebetuk aheon etno misig-at wereg-o. Eke ikma belap ninaptukon etno misig-at wereg-o.

Efesus 4:5 ပူးပေါင်းရင်းမြစ်များ

1 Korintus 8:6

Eke Ninowe inuk suon At Yesus Kristus misig-at wereg-o. Eke yi angge di angge epmano obog alem At Yesus-at wereg-o; nit ninebe alem etno At Yesus-at wereg-o, ulug ninahla buruk ahe-o.

1 Korintus 12:13

Eke At Allahen nit obog-at Roh Kudus misig etno Kristus ebe misig-at amag ulug belap nisa wapag. Eke it Yahudi ap inim, eke it Yunani ap inim, eke it aphe inanggimbu epmano inim, eke it unde werehon epmano inim, obog ninebe misig-at amag ulug ikma belap ninapag. Eke nit obog At Roh Kudusen ambusu etno misig-at og nisebagma, naruk ahe-o.

1 Petrus 3:21

Eke amuk iken war inabuk nowen ulug inili webag etno hag, kidia ikma belap hinaptuk ari fam hinili waruk-o. Ari hinebe finggi etno eleg amag ulug ikma belap hinaptuk eleg-o. Hinindi Allah hinim hunduhuk wilil, hinobabut fanowon-at welamag ulug ikma belap hinaptuk-o. Ikma belap hinaptukon alem ari, At Yesus iluksoho minduhupfebag etno fam ikma belap hinaptuk-o. Eke At Yesus iluksoho minduhupfebagma,

Roma 3:30

Eke At Allah ebe etno misig-at wilil, it Yahudi aben At Yesus obam ebetuk isalug, inim fanoroho welamuog ulug dambuk inaptuk etno hag, it bilin Allah wene inapeleg welatuson epmano At Yesus obam ebetuk isalug, ariroho-at inim fanoroho welamuog ulug dambuk inaptuk-o.

Matius 28:19

Ariroho minduhup naharisireg fam, hit hag it yi aphe di aphe o ahik ya da epmano wene yanggul isil laruk amuhupseg, hiren An Nikni inuk fam, eke An At Amloho ninuk fam, eke At Roh Kudus etno inuk fam inebe ikma belap iseheg,

1 Korintus 1:13

Ariroho uruk ahep oke, At Kristus ebe anggolo wereg ano? Eke at Paulus etno hit hinake e fam lenggalepfulug waroko embebag ano? Eke hit hinebe at Paulus udaki wilil inuk ebebukag ulug ikma belap hinaptusa ano?

Yudas 1:3

Nomini-o, alem At Allahen hit hinili warukon etno holal baloko og hisaminen ulug bihireg fam, fobik it inenggal urukon epmano hit hinune yig isahuben ulug holal baloko og hisaminen ulug nahla bihi-o. Wene At Allahen udaki yig isebahon etno waruk wilil welamuhuben ulug yig hisaminen ulug nahla bihi-o.

2 Korintus 11:4

Eke at ap misig hinambeg watlug niren yig hisarukuk etno ilitoho yig hisaruk eleg heheg, Yesus awene ninon neken-at yig hisaruk heheg, hiren nomin wa ulug fanoroho-at heahi watuk ahep-o. Eke niren yig hisarukmu, Roh Kudus etno inim, wene fano wene etno inim fanoroho warikibon oke, kidia wene ninon inim, eke ap werlekon ahurangge inim waruk ahep-o.

Filipi 2:11

Kunuk uruk amuhupseg, it yi aphe di aphe obohen At Ninikni Allah inuk su amag ulug uruk wilil, “Nit Ninowe At Yesus Kristus-at wereg-o,” ulug selegma-at uruk amuhup-o.

Efesus 4:13

Eke ariroho minduhup isarisireg fam, nit obog ninindi ebetuk aheon epmano obog-at dambuksoho misig-at ebetuk wilil, At Allah Amloho etno ebe fanoroho niniluk aruhu-o. Ariroho niniluk aruhumu, nit udag doron neken welaheon epmano sohorep isalug, fobik ninanggohon neken atuk amuhukseg, At Kristus ebe suon fanowon etno obabut ilitoho welamuhuk-o.

Galatia 5:6

Eke nit At Yesus Kristus ninim hunduhuk wereg nisalug, wene niniyunggul ambilik balukon etno alem eleg neken wereg-o; eke nit At Kristus obam ebetuk wilil, ninim hunduhuk welahe etno fam wene Aren ebahon etno ilitoho sukon ari alem suon neken-at wereg-o.

1 Korintus 12:5

Eke it ap Allah yabuk surukon epmano ineyabuk akeleg sik-at wereg oke, At Ninowe inuk suon etno hag ebe misig-at wereg-o.

1 Korintus 1:2

Eke hit Allah udaki o Korintus welahebon du At Allahen At Yesus Kristus inuk fam hinakeleg-at hinombisahakeg, eke At Allah udaki wilil hinakeleg welamuhuben ulug wol hiseheg suruk atision etno hit inim, eke it yi aphe di aphe ninim obog-at Ninowe Yesus Kristus inuk suontepfuruk aheon etno inim, wene holal du baloko hinombisaharuk ahe-o.

Yudas 1:20

Eke hit nomini nindi hunduhuk welahion etno Allah wene fanowon etno waruk wilil, At Roh Kudus oag werehon etno inuk fam sembahyang uruk amuhup-o.

Ibrani 13:7

Ariroho uruk wilil, it hinowesi bilin Allah wene yig hisaruson epmano inobam hinindi ebetuk amuk-o. Ari halug, hiren it bilin duroho welatusareg, waratusa ulug inobam hinindi ebetuk wilil, iren inindi demat ulug ebetuk atusa etno hag, hit ariroho-at ebetuk amuk-o.

Ibrani 6:6

It aphe ariroho surukon etnowen At Allah Amloho etno misihim inim e fam lenggaloko umburuk wilil, selegmaroho enggali warepfuruk-o. Ariroho suruk isalug, inebe inili wawon etno hai aruhu-o.

Titus 1:4

Eke hat Titus, an ninim wene demat ulug ebetuk ahe etno fam hat namloho neken welahen ari, At Ninikni Allah inim, eke At Kristus Yesus ninili warukon etno inimen habua hearuk wilil, fanowon etno og hemag ulug hake sembahyang uruk ahi-o. Eke fanoroho hinim welamag ulug yig hirihi-o.

Titus 1:1

An Paulus At Allah anggimbu wilil Yesus Kristus awene yig isil nuruk amag ulug mondep naharision etnowen wene holal du bal hirihi-o. Eke it aphe At Allahen imig inapahon etno wene du demat ulug inahla buruk wilil, fikfag yanggul isawag ulug heag naptisireg lahap naharisi-o.

Filipi 3:8

Eke At Ninowe Yesus Kristus ninim wilil At ebe niluk welahion etno ari-at fano ulug nahla buruk ahi-o. Eke yi angge di angge ninon obog doron-at ulug At Kristus inuk fam hik isarikik-o. Eke ariroho hik isaruk atikikseg, At Kristus ninim dambuksoho welamon etno-at huliog ulug nahla buruk ahi-o. Eke wene duroho suruk amuk eke duroho suruk am fug ulug ebahon etno it apheyen inesanggo holtug,

Kisah Para Rasul 10:36

Eke At Yesus Kristus yi aphe di aphe obog Ninowe inuk suon etnowen yig nisarukmu, wene fano wene dambuk ninaptukon etno bilin it Israel aphe yig isa waharisi etno hit hiniluk-o.

Kisah Para Rasul 2:36

Eke At Yesus ebe ari hiren e fam lenggaloko watikip-o. Hiren watikibon oke, At Allahen nit Ninowe Kristus suon ulug minduhupfirisi-o,” ulug at Petrusen yig isebag.

2 Petrus 1:1

Nomini-o, At Ninikni Allah Ninowe Yesus inimen fuloko hinombisaharisimu, hit nit ilitoho Allah wene fanowon etno warukmu, an Simon Petrus, Yesus omin wilil, Allah wene yig isil nuruk amag ulug mondep naharision etnowen holal du bal hisihi-o.

Yakobus 2:18

Eke at ap misihen uruk wilil, “An hag Allah wene fanoroho suruk ahion-o, hat hag huneyen-at Allah wene waruk ahen-o,” ulug yig nitlepmen eke anden ap etno yig ituk wilil, “Ap misig uneyen Allah wene urukon oke, ilitoho suruk eleg wilil, keroho neken yuhun-at wereg-o. Eke yi angge di angge fanoroho surukon etno fam it aphe obohen, ap du Allah wene demat uruk-o, ulug yig imuhup-o,” ulug anden yig itle-o.