Efesus 3:9 - Allah Wene Hurumbik Keron

⁹ “At Kristusen yi angge di angge fanowon obog-at og nisaruk-o,” ulug yig isaruk wilil, At Allahen ariroho suhuk ulug wene heraho welapahon etno kidia ilitoho suruk-o ulug it aphe obog demat inahla buruk wilil, inindi ebebukag ulug yig isaruk ahi-o.

Efesus 3:9 ပူးပေါင်းရင်းမြစ်များ

Matius 10:27

Anden kidia o hikmu neken wilil yig hisaruk ahion etno hiren selegma-at yig isa­hup-o. Eke nit ninahlen yig hisarukmu holtuk ahebon etno o isin fam selegma epmen yig isahup-o.

Matius 13:35

Ariroho yig isebag ari, amuk at nabi etnowen hurumbik yig isaruk wilil, “Wene yig isahukon etno ilitoho neken-at yig isahuk-o. Eke yi wene di wene kweanma wal hebahon etno fam hurumbik inapeleg welatuson epmano anden yig isahuk-o,” ulug at nabien ebahon etno hurumbik demat ebag-o ulug it aphe epmanowen inindi ebebukag ulug, At Yesusen wene ilitoho neken-at yig isebag.

Matius 25:34

An Hinowe suon etnowen it aphe ninggik bikit fil werehon epmano yig isaruk wilil, ‘Hit hinebe An Nikni ahien hinobam imbirision du hag maniek-o. Waharuk atlihipseg, amuk o kweanma epma awan wal haruk eleg wilil, o fanoma hit hinebe fano mondog welam ambeg ulug dugsoho hinombisahabahon etno-at holalihip-o.

Matius 28:19

Ariroho minduhup naharisireg fam, hit hag it yi aphe di aphe o ahik ya da epmano wene yanggul isil laruk amuhupseg, hiren An Nikni inuk fam, eke An At Amloho ninuk fam, eke At Roh Kudus etno inuk fam inebe ikma belap iseheg,

Lukas 24:47

Minduhupfuruk aruhumu, At inuk fam it apheyen dag surukon epmano sohorep isalug, inobam inapelegsoho imbisawon wene etno it Yerusalem aphe bilin yig iseheg, eke it aphe o kweanma inungguluag obog werehon epmano fobik yig iseheg suruk amuhup-o, ulug nahurumbik bilin embebahon epmano yig hisihi-o.

Yohanes 10:30

Eke nit An Nikni ninim ninebe misig-at welahe-o,” ulug yig isebag.

Yohanes 5:17

Ariroho uruk apagma, At Yesus etnowen yig isaruk wilil, “An Nikni nintul nantul yabuk suruk etno hag, An ariroho yabuk suruk am ari fano-o,” ulug ariroho yig isaruk apagma,

Yohanes 5:19

Eke fobik At Yesusen yig isaruk wilil, “An wene demat urukon etno yig hisamin-o. At Amloho etno onggareg ahla buluhen-at suruk eleg-o. At Iknien surukon epmano ilanggen halug-at suruk-o. Eke At Iknien suruk etno hag, At Amloho etno ariroho-at suruk-o.

Kisah Para Rasul 15:18

ulug At Allahen amuk hurumbik ebahon etno wereg-o,” ulug at Yakobusen yig isaruk apareg,

Roma 11:25

Nomini-o, hit wene herahowon misig du hinapeleg welam ari haien yig hisamin-o. Ariroho yig hisamin ari hiren nit-at ninindi enggaron welahe-o, ulug hinahla buruk am nowen ulug yig hisamin-o. Ari halug, wene ebe yig hisaminon du at-o, it Israel ap inindi arikepataruson ari mondog mondog-at inindi arikepatarusa fug-o. Eke fobik it aphe bilin Allah wene inapeleg welatuson epmano demat ulug eberoko waruk amuhupmu, it Israel aphe obog-at inili wahu-o.

1 Korintus 2:7

Eke wene iniluk amon yig isaruk ahion ari, it aphe inilanggen ha nowen ulug bilin At Allahen herako embebag-o. Eke wene ari o kweanma awan wal heheg eleg wilil At Allahen nit suontep nisahiog ulug fuloko embebag-o.

Efesus 1:4

Eke o kweanma duma awan wal haruk eleg wilil, nit At Kristus inuk fam At Allah udaki welamag ulug Aren arat imig ninapag-o. Eke nit ninebe At il fam dag seheg eleg-at wilil ninobabut fano-at welamag ulug imig ninapag-o.

Efesus 3:2

Eke At Allahen nabua nearuk wilil, hit hinake yabuk sukag ulug minduhup naharisi etno arat hinesanggo holtikip-o.

Efesus 6:19

Eke anden wene yig isiog ulug suruk wilil, nakol elegsoho wene fano wene heraho welapahon etno yig isawag ulug At Allahen wene yanggul nemagsoho hit nake sembahyang uruk amuk-o.

Kolose 1:23

Eke wene fano wene etno waruk wilil, yahuk korlag suruk eleg hisalug, fobik fano hinabuhuon etno og hisahu, ulug hurumbik etno yig hisarusa. Eke an Paulus wene fano wene etno anggimbu neken wilil, yig isil larikik-o. Eke it ninen o ahik ya da yig isil laruk-o.

Kolose 1:26

Eke hit hinake-at neyabuk og nepahon etno fam, Allah wene amuk heraho welapahon etno selegma bukaloko yig hisaruk ahi-o. Hit at udakion etno wene du yig hisaruk ahi-o.

Kolose 3:3

Eke hit hinindi dahon At Kristus inuk fam sohorep isarikip halug, At Kristus hinim wilil, Allah apma-at welahep-o.

Kolose 4:3

Hit ariroho sembahyang uruk wilil, At Paulusen it aphe Allah wene fanoroho yig isaruk amag ulug hinindi ebetuk wilil, nake sembahyang uruk amiek-o.

2 Tesalonika 2:13

Eke nomini hinobam At Ninowe indi hunduhuk werehon etno hit farim At Allah wa ulug sembahyang uruk ahe-o. Eke At Allahen hinili wiog ulug bilin imig hinaptisireg fam, At Allah udaki amag ulug Roh Kudus oag werehon etno og hisarisimu, hiren wene demat urukon etno eberoko waruk ahep-o.

1 Timotius 3:16

Eke wene herahowon ninindi ebetlug nit obog uruk aheon etno du at-o, At ebe ap kweanmon neken-at selegma apag-o. Eke At Roh Kudus etnowen ap du demat ulug yig epag-o. Eke it malaikat epmanowen inilanggen hebag-o. Eke At awene etno o ahik ya da yig isa wilip apag-o. Eke o ahik ya da it aphe epmanowen At demat-o ulug inahla buruk apag-o. Eke At ebe o selegma anduhunmu epma imbik lahabag-o, ulug ninindi ebetuk ahe-o.

2 Timotius 1:9

Eke At Allahen ninili warisireg, hit an nudaki welamuhuben ulug wol ninaptisi-o. Wol ninaptisi ari, niren fano suruk nisalug, wol ninaptisi fug-o. Eke At ahla bulug-at ninabua nisaruk wilil, wol ninaptisi-o. Eke o kweanma duma awan wal haruk eleg wilil, At Yesus Kristus inuk fam ninabua nisebahon oke,

2 Timotius 4:17

Eke an nawene etno yig isaruk neyeheg At Ninowe ninim wilil noag werehep naharisimu, it ap Allah wene inapelehon epmano inil fam wene fano wene etno obog dindiloko yig isarikik-o. Yig isaruk atikikmu, wam singa elma dil inaptuk etno hag dil naptisi-o.

Titus 1:2

Eke anden wene du demat ulug yanggul isaruk ahion etno fam it apheyen niniluk welamon etno og nisahu-o ulug inindi ebetuk-o. Eke At Allah enggal uruk elehon etnowen o kweanma duma awan wal haruk eleg wilil, hini­luk welamon etno og hisahuk ulug, abug yig nisaruk apareg,

1 Petrus 1:20

At Kristus etno hit hinake-at oag deloko umburuk apareg, fobik kweanma belabik wapag.

Wahyu 13:8

Ariroho suruk atisimu, eke it aphe kwe­anmon epmanowen inuk suontepfuru­sa-o. It ariroho suontepfuruson ari, bilin o kweanma awan wal ­haruk elegma At Wam Domba Udag wapahon etnowen angge aphe ini­luk welamon buku holal embebahon etno fam ininuk elehon halug, iren walo suon etno inuk suontep­furusa-o.

Wahyu 14:6

Eke fobik at malaikat misig boholma anduhunmu leng­galtug larukmu, nilanggen harikik-o. Nilanggen lahap haruk atikikmu, at malaikat etnowen it o ahik ya da inune yion dion obog-at urukon epmano wene fano wene etno une oag weregsoho yig isa­ruk wilil,

Wahyu 17:8

Walo ebe hehe­non ari, bilin iluk welatisireg, waratisi-o. Waratision oke, kwean kahaleg ambehen lahik waha­ruk arikonma, fobik mondog warepfikon-o. Eke it aphe o kweanmon buku iniluk welamon etno fam ininuk holal baleg elehon etnowen walo suon etno ebe inil hukonteg, inakol hukon-o. Inakol hukon ari, walo suon etno bilin iluk welatisireg, eke fobik waratisi­on etno iluk ahareg warikon etno fam inakol hukon-o.

Wahyu 4:11

Umburuk atusareg, di watuk wilil, “Ninikni Allah wa. It aphe obohen Hat hebe wa ulug suontep hahu­kag-o. Eke Haren yi angge di angge obog wal haruk senag etno fam, hahla bulug yi angge di angge obog iniluksoho imbisaruk senag-o,” ulug di misig urukmu isarikik-o.