Efesus 3:3 - Allah Wene Hurumbik Keron

³ Eke wene bilin ninapeleg welapahon etno an niluk amag ulug At Allahen selegmaroho yig nitisi-o. Eke ariroho yig nitision ari arat holal fam bal hisihion ari hit wane suruk amuhupseg, wi,

Efesus 3:3 ပူးပေါင်းရင်းမြစ်များ

Kisah Para Rasul 22:17

At Paulusen yig isaruk wilil, “Eke an o Yerusalem niog suhuluk waharikikseg, o Allah ibam epmen sembahyang uruk wilil weregma, At Allahen yig nitukmu ni og harikik.

Kisah Para Rasul 22:21

eke Aren yig nituk wilil, ‘Hat hebe it aphe Allah wene waruk elehon epmano inambeg lahap hahakireg fam, kidia lag-o,’ ulug At Allahen yig nitukmu holtikik-o,” ulug at Paulusen yig isarisi.

Kisah Para Rasul 23:9

Winimug aptuk wilil, inune anggolo sahaltuk atusareg, it Farisi ap wene holal baleg unde nin epmano minatuk atusareg, uruk wilil, “At Paulus du demat dag sirisi fug heheon oke, at malaikat misihen yig itisimu, yig nisaruk ano? Eke At Allah une demat yig nisaruk halug, niren at une sahaluk fug-o,” ulug urusa.

Roma 11:25

Nomini-o, hit wene herahowon misig du hinapeleg welam ari haien yig hisamin-o. Ariroho yig hisamin ari hiren nit-at ninindi enggaron welahe-o, ulug hinahla buruk am nowen ulug yig hisamin-o. Ari halug, wene ebe yig hisaminon du at-o, it Israel ap inindi arikepataruson ari mondog mondog-at inindi arikepatarusa fug-o. Eke fobik it aphe bilin Allah wene inapeleg welatuson epmano demat ulug eberoko waruk amuhupmu, it Israel aphe obog-at inili wahu-o.

Roma 16:25

Ari fam, nit obohen At Allah inuk-at suontepfuruk amuk-o. Eke wene fano wene yig hisaruk ahion etno inim, eke At Yesus Kristus awene etno inim, eke wene o amuk herako neken welapahon oke, kidia selegma bukaloko yig nisarukon etno inim obog-at hiren demat-o ulug hinindi ebebukag ulug At Allahen hinindi oag werehon etno og hisiog ulug oag weregsoho suruk-o.

2 Korintus 12:1

Eke an suontepataminon etno fam nindi werehep naharuk eleg oke, an nebe noho ful fal neken At Allahen yig nitukmu ni og harikikon etno kidia yig hisamin-o.

Galatia 1:12

Eke wene ari ap misihen og nitisi fug-o, eke at ap misihen yanggul nitisi fug-o, At Yesus Kristus etno akelehen-at dindiloko yig nitisi-o.

Efesus 1:17

Eke Aren selegmaroho bukaloko yig hisarukon etno hit hinilanggen fenggeneg neken wilil, fanoroho ebebukag ulug sembahyang uruk ahi-o.

Efesus 3:4

at Paulusen Kristus awene heraho welapahon etno duroho yanggul nisarisi-o ulug hinahla buhup-o.

Efesus 3:6

Eke wene misig heraho welapahon bukaloko yig isarision etno duroho yig isarisi-o, bilin it Yahudi ap At Allah ahien inobam embebahon oke, kidia wene fano wene yig isil lawon etno fam it bilin Allah wene inapeleg welatuson epmano inim-at ahien inobam umburuk-o.

Efesus 3:9

“At Kristusen yi angge di angge fanowon obog-at og nisaruk-o,” ulug yig isaruk wilil, At Allahen ariroho suhuk ulug wene heraho welapahon etno kidia ilitoho suruk-o ulug it aphe obog demat inahla buruk wilil, inindi ebebukag ulug yig isaruk ahi-o.

Efesus 6:19

Eke anden wene yig isiog ulug suruk wilil, nakol elegsoho wene fano wene heraho welapahon etno yig isawag ulug At Allahen wene yanggul nemagsoho hit nake sembahyang uruk amuk-o.

Kolose 2:2

Allah wene etno hiniluk wilil, hinindi demat ulug ebetuk amuhupseg, hit hinoag weregsoho welamuhuben ulug hit hinake yabuk suruk ahi-o. Eke ari halug, At Kristus bilin heraho neken welapahon etno ebe iniluk atlug,

Kolose 4:3

Hit ariroho sembahyang uruk wilil, At Paulusen it aphe Allah wene fanoroho yig isaruk amag ulug hinindi ebetuk wilil, nake sembahyang uruk amiek-o.

Ibrani 13:22

Nomini-o, hit hinindi oag wereg amag ulug an wene yig hisihion du hinindi seberoho wilil, hinesanggo fanoroho holtuk amag ulug yig hisihi-o. Eke an holal ari ebe yaron neken bal hisihi fug-o.

1 Petrus 5:12

Eke holal og hisihi ari, at nomin Allah inuk warukon Silwanus etno ninimen embehe-o. Hinindi oag wereg amag ulug yig hisaruk wilil, At Allahen ninabua nisaruk halug, hinoag werehep hisaruk aruhu-o. Eke ari halug, hit kidia hinoag weregsoho welamiek-o.

2 Petrus 3:15

At Allahen ninabua nisalug ninaso wereg-o. Ariroho wereg ari, fobik ninili wiog ulug ninaso wereg-o, ulug hinindi ebetuk amiek-o. Eke an wene yig hisaruk ahi du, bilin at Paulusen holal fam yig hisarision etno-at yig hisaruk ahi.