Efesus 3:2 - Allah Wene Hurumbik Keron

² Eke At Allahen nabua nearuk wilil, hit hinake yabuk sukag ulug minduhup naharisi etno arat hinesanggo holtikip-o.

Efesus 3:2 ပူးပေါင်းရင်းမြစ်များ

1 Timotius 1:11

Eke wene fano wene ari, aphe yig isawag ulug At Allah ahien ninobam umburukon etnowen minduhup naharisi-o.

2 Timotius 1:11

Eke wene fano wene yig isil laruk wilil, yanggul isaruk amag ulug At Allahen minduhup naharisireg fam, an kidia hele war naptusa-o.

Roma 1:5

Ariroho yig nisebag etno fam, it yi aphe di aphe Allah wene inesanggo holtuk wilil, At inuk suontepfuruk amag ulug, nit At ninim hunduhuk wilil, mondep nisahik wapag-o.

Efesus 4:7

Eke At Kristusen indi ebetukon etno ilitoho og nisaruk wilil, nit obog ninakeleg sik nineyabuk misig misig-at og nisarisi-o.

1 Korintus 4:1

Eke it aphe epmanowen nit farim uruk wilil, “At Kristus anggimbu wilil, wene At Allah indimu heraho welapahon etno bukaloko yig nisarukon inebe du at-o,” ulug it apheyen ariroho nisawag-o.

Efesus 1:10

Eke Aren hurumbik dindiloko yig nisebahon etno ilitoho-at suruk aruhu-o. Eke Aren sukon etno arat fanggog ik waharuk aruhumu, yi angge di angge boholma kweanma obog-at wal hebahon epmano At Kristus Ninowe suon welamag ulug dambuksoho ninombisahaku-o.

Galatia 1:13

Eke an bilin it Yahudi ap inawene etno waruk wilil, sil nuruk atikikon etno obog-at bukaloko yig hisarusa-o. Eke anden it Allah udaki epmano inabua iseheg eleg-at war inabiog ulug mug inaplug larikik-o.

Kisah Para Rasul 22:21

eke Aren yig nituk wilil, ‘Hat hebe it aphe Allah wene waruk elehon epmano inambeg lahap hahakireg fam, kidia lag-o,’ ulug At Allahen yig nitukmu holtikik-o,” ulug at Paulusen yig isarisi.

Kisah Para Rasul 13:46

Enggali watuk apagma, it Paulus Barnabas etanowen inakol elegsoho yig isaruk wilil, “At Allah awene etno bilin hit-at yig hisuog ulug welahe-o. Ariroho yig hisuog ulug welahe oke, eke hiren ninambit-o ulug uruk wilil, hinili wawon etno sohorep isehepseg fam, niren hit yig hisao sohorep hisahalug, it Allah wene inapelehon epmano-at yig isa lahuk-o.

Kisah Para Rasul 13:2

It obog dambuksoho wilil, orom nenggeg eleg Allah yabuk-at surukmu, At Roh Kudus etnowen yig isaruk wilil, “It Barnabas, Saulus yabuk Anden yanggul isarikikon epmano sukag ulug fuloko minduhup isiek-o,” ulug yig isaruk apagma,

Kisah Para Rasul 9:15

At Allah etnowen yig ituk wilil, “Eleg-o, aren An ninuk etno it nawene waruk elehon inim, it ap suon suon inim, eke it Yahudi ap inim yig isaruk amag ulug heako imbirikik-o.

1 Timotius 2:7

Eke wene fano wene ari it ap wene inapelehon epmano eberoko wimiek ulug yig isahunen ulug an mondep naharisi-o, ulug an nenggal ihi fug-o, demat yig hirihi-o.

1 Timotius 1:4

Eke iren dindilabug eheg, eke ninetamu inuk ulug yi angge di angge inuk yig iseheg suruk wilil, wene anggolo uruk isalug, At Allahen hurumbik yig nisebahon etno ilitoho suruk eleg-o.

Kolose 1:6

Eke wene fano wene ari o ahik ya da ya laheg da laheg suruk halug, hit weregma-at waharisi-o. Waharukmu, At Allah ahien inobam umburuk halug, hit ariroho-at hinesanggo holtikipseg fam At Allah ahien hinobam umburuk-o.

Kolose 1:4

Ari, hit At Kristus Yesus obam ebetikibon etno inim, eke Allah udakion hinindi hunduhuk welahebon etno inim obog-at ninesanggo holtukuk-o.

Efesus 4:21

Eke At awene etno yig hisarukmu hinesanggo holtikipseg eberoko waruk hisalug, At Yesus awene demat urukon etno yanggul hisarusa-o.

Efesus 3:8

Eke an nebe it Allah udaki epmano inahla mondog doron-at seberoho welahion oke, it Allah wene inapeleg welatuson epmano wene fano wene yig isil lawag ulug minduhup naharisi-o. Eke anden yig isaruk wilil,

Roma 12:3

Eke At Allahen nabua nearisireg og nitisi etno fam anden hit obog yig hisamin-o. Hiren an hag yi angge di angge nindimuen obog niluk-at welahi-o, eke it nin hag inapelegsoho wereg-o, ulug ariroho suontepata fug-o. Eke hiren suontepatawon etno sohorep isalug, At Allahen hinindi demat ebebukon og hisarisi etno ilitoho an niluk welahi ulug uruk amuk-o.

Roma 11:13

Eke kidia hit ap bilin Allah wene hinapeleg welatikibon epmano yig hisamin-o. Eke an it ap Allah wene inapeleg welatuson epmano yig isil lawag ulug mondep nahabag halug, an neyabuk du fanoroho-at suruk aruhuk-o.

Efesus 3:7

Eke an wene yig isil lawag ulug noag weregsoho nombaharisireg, og nitisi etno fam wene fano wene etno anggimbu neken welahi-o.

Efesus 3:9

“At Kristusen yi angge di angge fanowon obog-at og nisaruk-o,” ulug yig isaruk wilil, At Allahen ariroho suhuk ulug wene heraho welapahon etno kidia ilitoho suruk-o ulug it aphe obog demat inahla buruk wilil, inindi ebebukag ulug yig isaruk ahi-o.